Keyingi yili yozda o‘tkaziladigan Yevropa chempionatiga yo‘l olgan terma jamoalar nomi aniq bo‘lib bormoqda. Ko‘plab yulduzlar allaqachon turnirda ishtirok etish masalasini hal qilgan. Ammo ayrimlar uchun Germaniya tuprog‘ida o‘tadigan bahslar armonga aylanadi. 21 ta qatnashuvchi davlatlar nomi aniq bo‘lib ulgurgan bo‘lsa, yana uchta ishtirokchini o‘tish o‘yinlar orqali bilib olamiz. Hattoki, o‘sha o‘tish bahslariga ham jamoasini olib chiqa olmagan, ammo APLda yuqori maqomga ega bo‘lgan yulduzlar haqida quyida bilib olasiz.
Aleksander Isak
Bu galgi saralash davri Shvesiya uchun omadsiz keldi. 1992 yilgi turnirda bronza sohibiga aylangan millat, F guruhida o‘z imkoniyatlarini ko‘kka sovurish bilan band bo‘ldi. Ular so‘nggi bahsda 10 kishi bo‘lib qolgan Ozarbayjonga 3-0 hisobida mag‘lub bo‘lishdi. Isak oxirgi uchta o‘yinda jamoasiga yordam bera olmagan bo‘lsa, u bor paytlarda ham Shvesiyaning o‘yinlarida yuksalish kuzatilmagan edi. Isak 5 ta bahsda 1 ta gol urdi xolos. Bu esa "Nyukasl" hujumchisi uchun juda yomon ko‘rsatkichdir.
Deyan Kulusevski
Yana bir shvesiyalik yulduz bu Kulusevskidir. U ham keyingi yozda dam oladi. "Tottenxem" hujumchisi milliy jamoasiga yetarlicha yordam bera olmagan edi. Kulusevski uchun bu uyat sanaladi. Negaki, u "shporlar" bilan fantastik darajada harakat qilmoqda. Vinger hisobida hozirga qadar 3 ta gol mavjud. 23 yoshli futbolchi 8 ta saralash bahslarida esa 2 ta gol urgan xolos.
Evan Fergyuson
Futbol dunyosida yarq etgan yulduzlardan biri Fergyusondir. 19 yoshli markaziy hujumchi "Brayton"da bo‘lgani kabi terma jamoa miqyosida ham bir xil natijalarga erisha olmayapti. Ha, u harakat qiladigan Irlandiya biroz murakkab guruhdan joy olgandi. Fergyuson Fransiya, Niderlandiya va Gresiya bilan to‘qnashishiga to‘g‘ri keldi. Natija esa qoniqarli emasdi. Fergyuson 6 ta bahsda 2 ta gol urdi. Bu gollar Gibraltarga qarshi kiritilgandi. Irlandiya 8 ta bahsdan faqat 2 tasini g‘alaba bilan yakunlay olgan xolos.
Martin Edegor
Shotlandiyaning saralash o‘yinlaridagi darajasi Norvegiyaga qimmatga tushdi. Ispaniya va Shotlandiya yo‘llanmani olgani bois, Norvegiyaning imkoniyatlari tushib ketdi. Shu sababli Edegor ham qit’a chempionatini yana 4 yil kutishi kerak bo‘ladi. 24 yoshli yarim himoyachi o‘z terma jamoasining oltin davrida harakat qilmoqda. Ammo, baribir Norvegiyaning darajasi saralashdan o‘tish uchun kamlik qildi. Endilikda "Arsenal" sardori ham yozda dam oladi. Norvegiya esa oxirgi bor qit’a chempionatida 2000 yilda ishtirok etgandi.
Erling Xoland
O‘tgan mavsumning APL to‘purari Yevro-2024ga bormaydi. Balki Xoland Norvegiya uchun 29 ta bahsda 27 ta gol urgandir, balki saralashda 6 ta golga mualliflik qilgandir. Ammo bu natijalar yetarli bo‘lmadi. Futbol muxlislari uchun Xoland kabi fantastik futbolchini Germaniyada ko‘rmaslik juda ham alamli. Aynan terma jamoalar miqyosidagi omadsizlik, Xolandga "Oltin to‘p"ni yutishga imkon bermagan edi. Kelajakda bu narsa to‘g‘irlanadi. Xoland esa hali yosh.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
