Bugun “Navbahor”ning bir necha minglab muxlislari nomidan bir guruh “Navbahor” faxriy muxlislari jamoa uy uchrashuvlarini o‘tkazadigan “Markaziy” stadionga tashrif buyurishdi.
Ushbu tashrifdan asosiy maqsad, “Navbahor”ning so‘nggi yillardagi zafarlari, bu yil Osiyo Chempionlar ligasi (OCHL)ning madhiyasi Namanganda yangrashiga ulkan hissa qo‘shgan Namangan viloyati hokimi, viloyat futbol assosiasiyasi prezidenti Shavkatjon Shokirjanovich Abdurazzoqov, shuningdek, “Navbahor” PFK rahbariyati, jumladan, klub vise-prezidenti Otabek Arifovich Samatovga minnatdorchilik izhor etish edi.
“Markaziy” stadionining anjumanlar zalida faxriy muxlislar bilan bo‘lib o‘tgan yig‘ilishda viloyat hokimi Shavkatjon Abdurazzoqov, “Navbahor” PFK vise-prezidenti Otabek Samatov va jamoa bosh murabbiyi Samvel Babayanlar ishtirok etishdi.
Yig‘ilishda muxlislar “Navbahor”ning so‘nggi yillardagi zafari, muvaffaqiyatlari, jumladan, Superligada o‘tgan mavsumda o‘z tarixida ilk marta kumush, bu yil esa 10-marta bronza medallarini qo‘lga kiritganligi, shuningdek, joriy yilda o‘z tarixida ilk marta OCHL guruh bahslarida ishtirok etganligi va qit’amizning ushbu nufuzli musobaqasida debyutant bo‘lishiga qaramay, ijobiy natijalarni qayd etib, 1/8 finalga yo‘l olganligi, jamoaning so‘nggi mavsumlardagi g‘alabalaridan muxlislar xursand bo‘lishgani, “Navbahor” avvalgi obro‘si va brendini tiklayotganligini e’tirof etgan holda, viloyat hokimi Shavkatjon Abdurazzoqov va klub vise-prezidenti Otabek Samatovlarga o‘z minnatdorchiliklarini bildirishdi hamda ularga sihat-salomatlik, “Navbahor”ning rivoji yo‘lida bajarayotgan ishlarida omad yor bo‘lishini tilagan holda, duo qilishdi.
Shundan so‘ng, “Navbahor” muxlislar raisi sifatida 25 yil davomida faoliyat olib borgan Abdullo Ahmedovning o‘rniga Muxtor Yusubbayev rais etib tayinlandi.
Viloyat rahbari ko‘p yillik faoliyati uchun Abdulla Ahmedovga minatdorchilik bildirib, unga televizor sovg‘a qildi.
"Shu o‘rinda “Navbahor” PFK jamoasi nomidan Namangan viloyati hokimi Shavkatjon Shokirjanovichga viloyatimiz taraqqiyoti va Namangan ahli uchun sevimli bo‘lgan “Navbahor” jamoasi rivoji yo‘lida olib borayotgan mehnatlariga minnatdorchilik bildirib, kelgusi ishlarida omad yor bo‘lishini tilab qolamiz" - deyiladi "Navbahor" klubi matbuot xizmati bayonotida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
