O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
“Navbahor” — “Neftchi”
Superliganing 26-turi doirasidagi “Navbahor” — “Neftchi” uchrashuvining 78-daqiqasida “Navbahor” futbol klubi futbolchisi I.Nesterov uchrashuv to‘xtatilgan vaqtda texnik zonani tark etib, maydonga chiqqanligi hamda tartibsizlik vujudga keltirgani uchun maydondan chetlashtirilgan.
Tartib-intizom qo‘mitasining qaroriga ko‘ra, Ignatiy Nesterovga (“Navbahor”) nisbatan 2 ta o‘yinga chetlashtirish (diskvalifikasiya) va jarima intizom chorasi qo‘llanildi.
“Navbahor” — “Neftchi”
Superliganing 26-turi doirasidagi “Navbahor” — “Neftchi” uchrashuvi davomida namanganliklar futbol klubi vise-prezidenti O.Samatov texnik zona hamda maydonga chiqib, provakasion harakatlar qilgani qayd etilgan.
Tartib-intizom qo‘mitasining qaroriga ko‘ra, Otabek Samatovga nisbatan jarima intizom chorasi qo‘llanildi.
“OKMK” — “Nasaf”
Superliganing 26-turi doirasidagi “OKMK” — “Nasaf” uchrashuvining 83-daqiqasida olmaliqliklar futbol klubi futbolchisi S.Tursunov raqib o‘yinchisining yuz qismiga qo‘li bilan zarba bergani uchun maydondan chetlatilgan.
Tartib-intizom qo‘mitasining qaroriga ko‘ra, Sanjar Tursunovga nisbatan 2 ta o‘yinga chetlashtirish (diskvalifikasiya) va jarima intizom chorasi qo‘llanildi.
“OKMK” — “Turon”
Superliganing 24-turi doirasidagi “OKMK” — “Turon” uchrashuvi yakunlangandan so‘ng, “Turon” futbol klubi shifokori A.Sotiboldiyev bosh hakam sha’niga haqoratli so‘zlar ishlatgani uchun qizil kartochka ko‘rsatilgan.
Tartib-intizom qo‘mitasining qaroriga ko‘ra, Adhamjon Sotiboldiyevga nisbatan 3 ta o‘yinga chetlashtirish (diskvalifikasiya) intizom chorasi qo‘llanildi.
“Olimpik” — “Navbahor”
Superliganing 25-turi doirasidagi “Olimpik” — “Navbahor” uchrashuvining 90+8-daqiqasida Namangan futbol klubi futbolchisi L.CHermel to‘p uchun kurashish vaqtida qo‘lining tirsagi bilan raqib o‘yinchisining yuz qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Luka Chermelga nisbatan 3 ta o‘yinga chetlashtirish (diskvalifikasiya) va jarima intizom chorasi qo‘llanildi.
“Turon” — “Andijon”
Superliganing 25-turi doirasidagi “Turon” — “Andijon” uchrashuvi yakunlangandan so‘ng “Turon” futbol klubining bosh murabbiyi YO.Nazarov o‘yindan keyingi matbuot anjumanida tasdiqlanmagan, noto‘g‘ri ma’lumotlar bergani qayd etilgan.
Tartib-intizom qo‘mitasining qaroriga ko‘ra, Yorqin Nazarovga nisbatan jarima intizom chorasi qo‘llanildi.
“Turon” — “Andijon”
Superliganing 25-turi doirasidagi “Turon” — “Andijon” uchrashuvining 37-daqiqasida “Turon” futbol klubi futbolchisi A.Aysarov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasining qaroriga ko‘ra, Asilbek Aysarovga nisbatan 3 ta o‘yinga chetlashtirish (diskvalifikasiya) va jarima intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
