Krishtianu Ronaldu hammani yana bir bora hayron qoldirdi.
Bu safar maydon emas, uning tashqarisida. Portugaliyalik yulduz yaqinda o‘zi bilan o‘ynagan futbolchilardan ramziy terma jamoa shakllantirdi. Biroq tarkibga germaniyalik Mesut Ozilni qo‘shmadi negadir. Vaholanki, ikki futbolchi «Real»da jami 39ta gol urgandi o‘zaro uzatmalar orqali.
Keyin arab diyorida to‘p surayotgan yana bir futbolchi - Karim Benzema ham o‘z tanlovini e’lon qildi. Eng qiziq tomoni, fransiyalik hujumchining orzu misoli jamoasida na Krishtianu Ronaldu bor va na Lionel Messi...
Krishtianu Ronalduning Saudiya Arabistoni tomon yuzlanganiga deyarli 1 yil bo‘ldi. Portugaliyalik yulduz 38 yoshida ham chin yetakchi rolida! Deylik, hozirda nafaqat «Al-Nasr» klubi, balki butun Saudiya ligasi bosh to‘purari bo‘lib turibdi. Asosiysi, arablar aynan Krishni ko‘rish uchun stadionlarga talpilmoqdalar. Ronaldu yaqinda arab mediasi iltimosiga ko‘ra, faoliyati davomidagi eng yaxshi klubdoshlaridan alohida jamoa tuzdi. Natijada havas uyg‘otadigan tarkib yuzaga keldi. Darhaqiqat, o‘ta kuchli jamoa, ammo Ronalduning o‘z tarkibiga Kazemiro, Pepe va ayniqsa, Mesut Ozilni kiritmagani biroz g‘alatidek. Deylik, Mesut va Krishtianu «Real»da birga jami 39ta goldan xirmon yasashgandi. Taqqoslash uchun fakt: Ronaldu faoliyati davomida faqat Karim Benzema (76ta) va Garet Beyl (41ta) bilan bog‘lamda bundan ko‘proq golda ishtirok etgan.
Karim Benzemaning orzu jamoasida g‘alatilik jihati yanada kuchli. «Al-Ittihod» hujumchisi o‘z talqinidagi ramziy terma jamoaga uzoq yillik yaqin hamkori Krishtianu Ronalduni qo‘shmadi negadir. Shuningdek, Benzning ramziy 11taligida Lionel Messiga ham joy topilmadi. Qisqasi, Karim jamoa hujumida o‘ziga sherik sifatida braziliyalik Ronaldoni tanladi.
Krishtianu Ronaldu bilan birga o‘ynaganlar ramziy terma jamoasi
Iker Kasilyas - Serxio Ramos, Rio Ferdinand, Jorjio Kyellini, Marselo - Pol Skoulz, Toni Kross, Luka Modrich - Garet Beyl, Karim Benzema, Ueyn Runi
Karim Benzema orzusidagi ramziy terma jamoa
Manuel Noyer - Dani Alvesh, Pepe, Serxio Ramos, Marselo - Klod Makelele, Pol Pogba, Zayniddin Zidan, Ronaldinyo - Ronaldo, Karim Benzema
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
