Braziliya chempionatida ham o‘zligini namoyish eta olgan Luis Suares sobiq klubdoshi Lionel Messi yoniga oshiqmoqda. Kutilganidek, urugvaylik goleador rasman «Inter Mayami» futbolchisiga aylandi. 36 yoshli hujumchi Florida klubi bilan 2024 yilning oxirigacha mo‘ljallangan shartnomani rasmiylashtirdi. Darvoqe, Suares bundan oldin «Barselona»da mashhur MSN uchligi qanday yuzaga kelganini eslagandi.
Ha, «Barselona»da chakki taassurot qoldirmagan Luis Suares braziliyalik Neymar va argentinalik Lionel Messi bilan qachon ilk marta muvaffaqiyatli o‘ynay boshlaganini esladi. Urugvaylikning aytishicha, bunda Messi tashabbus ko‘rsatgan: «Bizning trio «Ayaks» bilan bahs (CHL-2014G‘2015 guruh bosqichi)da yuzaga kelgandi. Aslida bosh murabbiy Luis Enrike chalg‘ituvchi «9-raqam» rolida Messi o‘ynashini xohlagandi. Neymar va men esa qanotlardan joy olgandik. Leo ma’lum vaqtda bu chizma ish bermayotganini tushundi va menga yuzlandi: «Hoy, baqaloq, «9-raqam» pozisiyasida o‘yna, senga o‘ng qanotdan yordam beraman». Aytish kerak, «Barselona»ning 2:0 hisobidagi g‘alabasi bilan yakunlangan o‘sha o‘yinda har ikki gol Leo Messi hisobiga yozilgan.
Luis Suares e’tirofidan so‘ng muxlislar dongdor trioni yana shirin entikish bilan esga ola boshlashdi:
- Bu uch nafar yigit o‘z davrining eng dahshatli hujum triosi bo‘lish barobarida futbol olamiga chin hujumkor o‘yin qandayligini namoyish etgandi. Tasavvur qiling, jamoangiz hujumining har bir pozisiyasida dunyoning eng yaxshi futbolchilari harakatlanishsa, nima bo‘ladi...?
- Shunchaki, eng kuchli trio.
- 21-asrning eng yaxshi hujum uchligi. Katta farq bilan.
- Luis bilan faqat «so‘yloq» (Ronaldo) tenglashishi mumkin.
- Urugvay futboli bunday darajadagi futbolchini hali uzoq kutadi.
Suares shuningdek, Messi va Neymar xudbinlikdan mutlaqo xoli bo‘lishganini alohida ta’kidladi: «Hech qanday egoizm yo‘q edi. Deylik, ular «Oltin butsa» yutishim uchun menga jarima zarbalari va penaltilarni berishgan. Chunki biz maydonda hamma o‘z rolini bajarsa, «Barselona» buyuklashishini bilardik. Qisqasi, trio xudbinlik yo‘qligi ortidan shunday muvaffaqiyatga erishgan. Misol uchun, Neymar yoki Messi gol ursa, chin yurakdan xursand bo‘lardim. Ular ham ko‘proq gol to‘plashimga katta hissa qo‘shishgan. Bu - juda ta’sirli hamkorlik...».
Fakt. Luis Suares, Lionel Messi va Neymar 2014-2017 yillar birga o‘ynashgan. MSN triosi 3 mavsum davomida «Gol+pas» tizimi bo‘yicha jami 535 ball to‘plagan (364ta gol va 171ta assist).
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
