Viktoriya iborasi g‘alaba ma’nosini anglatishi ko‘pchilikka ma’lum, albatta.
Qarangki, Devid Bekxemning hamxonasi - Viktoriya Adams ko‘p jihatlarda aynan g‘oliblar qatorida. Deylik, mashhur Spice Girl guruhining sobiq xonandasi hozir ham futbol olami mashhurlarining eng badavlat juftlari reytingini boshqarib bormoqda. Britaniyalik xonimning umumiy boyligi 55 million funtga baholanmoqda. Viktoriyaning eng yaqin ta’qibchilari - Pilar Rubio (47 mln. funt) va Anna Levandovska (36 mln. funt).
№ 1. Viktoriya BEKXEM (Devid Bekxem hamxonasi) - 55 million funt sterling. Vaqtida mashhurlikning eng yuqori cho‘qqisiga chiqqan Spice Girl rok-guruhi sobiq xonandasi o‘tgan asrning 90-yillaridayoq millionlab shinavandalar qalbini zabt etgandi. Hozirda Viktoriya xonim biznes yo‘nalishida muvaffaqiyat bilan odimlamoqda. U shaxsiy kiyim-kechaklar brendi sohibasidir.
№ 2. Pilar RUBIO (Serxio Ramos hamxonasi) - 47 million funt sterling. Ispaniyalik taniqli teleboshlovchi. Pilar xonim o‘z mamlakatida ichki kiyimlar brendlari modeli sifatida ham boylik orttirgan. Ispaniya reklama bozorida Serxio Ramosning rafiqasiga hamon talaba katta.
№ 3. Anna LEVANDOVSKA (Robert Levandovski hamxonasi) - 36 million funt sterling. Polshalik go‘zal xonim karate bilan shug‘ullanib, milliy va jahon miqyosida ko‘p karra chempionlikka erishgan. Lekin Robert Levandovski umr yo‘ldoshining asosiy daromad manbai - Foods by Ann brendi. Aniqroq aytsak, u sog‘lom yengil taomlar va parhez mahsulotlari ishlab chiqarish bilan shug‘ullanadi. Anna yana bu yo‘nalishlarda pullik kurslarni ham yo‘lga qo‘ygan.
№ 4. Ann-Katrin GYOTSE (Mario Gyotse hamxonasi) - 28 million funt sterling. «Germaniya top-modellari» tanlovining ishtirokchisi. Ann-Ketrin bunda eng yaxshi 50 nafar model reytingiga kirgan. Qolaversa, Mario Gyotsening tanlagani GQ va FHM kabi jurnallar muqovasini zabt etgan. Xonim asosan kosmetika mahsulotlarini reklama qiladi.
№ 5. Antonella ROKUSSO (Lionel Messi hamxonasi) - 16 million funt sterling. Adidas, Alo Yoga va Ricky Sarkany kabi yirik brendlar bilan shaxsiy shartnomaga ega xonim. Lionel Messi qalbining sohibasi shuningdek, UNICEF elchisi hisoblanadi. Antonella xayriya ishlarida ham faol.
№ 6. Kolin RUNI (Ueyn Runi hamxonasi) - 15 million funt sterling. Ueyn Runi bilan sevgi qissasi tufayli juda erta tanilgan xonim. Kolin jumladan, Disney uchun suratga olingan The Real Wagatha Story filmida o‘z tarixini batafsil bayon etish ortidan katta gonorar olgan. U vaqtida jurnallarda ham alohida rukn yuritgan va fitnes-mashg‘ulotlar to‘plami yozilgan DVD disklar sotuvidan binoyidek pul ishlagan.
№ 7. Ana IVANOVICH (Bastian Shvaynshtayger hamxonasi) - 13 million funt sterling. 2008 yili jahonning birinchi raqamli raketkasi maqomiga erishgan professional tennischi. Ana Ivanovich aynan o‘sha yili Roland Garros turnirida g‘olib chiqqan. Keyinchalik Bastian Shvaynshtayger bilan turmush qurgan xonimning boyligida tennis turnirlari sovrin jamg‘armasi ulushi katta.
№ 8. Jorjina RODRIGES (Krishtianu Ronaldu hamxonasi) - 9 million funt sterling. Ijtimoiy tarmoqlar qirolichasi. Har holda, Krishtianu Ronalduning mahbubasi naq 53 million obunachiga ega. Rodriges xonimning boyligi Netflix tomonidan yo‘lga qo‘yilgan «Men - Jorjina» shousi tufayli oshib ketgan. U yana Guess brendi reklama kampaniyasining faol ijrochisidir.
№ 9. Perri EDVARDS (Aleks Oksleyd-CHemberlen hamxonasi) - 7 million funt sterling. Pop-yulduz. Perri - Little Mix guruhi xonandasi. Gap barcha platformalarda 15 milliarddan ortiq tinglov to‘plagan ijodiy «banda» haqida ketmoqda. Umuman, Little Mix albomlari jahonda eng ko‘p sotilgan ayollar guruhlari qatorida.
№ 10. Rebekka VARDI (Jeymi Vardi hamxonasi) - 3 million funt sterling. «Lester»ning shov-shuvli chempionlik marrasida katta rol o‘ynagan Jeymi Vardining turmush o‘rtog‘i «kamtarona» jamg‘armasini asta-sekinlik bilan to‘plagan. Misol uchun, 2017 yili «Men mashhurman» realiti-shousida suratga tushgan Rebekka xonim orada biroz tanaffus olgan. U faqat 2021 yilga kelib, yana katta sahnada ko‘rinish berdi - bu safar «Muz ustida raqs» shousida.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
