yoxud Kalinichning Qadrdon klubi - «Xayduk»ka go‘zal munosabati
Xorvatiya futbolidan ta’sirli voqea: mamlakat milliy jamoasi sobiq hujumchisi Nikola Kalinich 6 oydan keyin «Xayduk» safiga qaytdi. Diqqat qiling, 35 yoshli faxriy oyiga atigi 1 yevro miqdorida maosh oladi. Ha, bunda nechtadir «0» tushirib qoldirilmadi. Kalinich aynan 1 yevrolik ramziy maoshga rozi bo‘ldi. Vaholanki, u yarim yilcha avval qadrdon klubi rahbariyati bilan maosh masalasida kelisholmay, shartnomasini muddatidan oldin bekor qilgandi. Endi esa... «Faoliyatim mobaynida eng oson kelishuvga erishdik», - deya xursandligini yashirmadi xorvatiyalik faxriy shartnoma ostiga imzo chekkanidan so‘ng. «Nikola bitta maqsad bilan qaytdi. U «Xayduk»ka chempionlik kurashida yordam bermoqchi» - bunisi Split klubi prezidenti Mindaugas Nikolisius izohi.
«Xayduk» Xorvatiyada birinchi, «Dinamo»chi?
Chindan ham, Nikola Kalinich «Xayduk»ka imkon qadar yordam berishi kerak, har holda, klub uzoq yillardan buyon ilk marta chempion bo‘lish uchun yaxshigina imkoniyat hosil qilib turibdi. O‘zi Zagreb «Dinamo»si xorvat ligasi bosh sovriniga asosiy da’vogar emasligiga ishonish ham qiyin. Ayni payt turnir jadvalining yuqorisida «Xayduk» bormoqda. Eng yaqin ta’qibchi «Riyeka» esa naq 6 ochkolik farq bilan orqada. To‘g‘ri, chempionat masofasining yarmi hali oldinda. Aytish o‘rinli, «Xayduk»ning oxirgi chempionlik tantanasiga naq 19 yil bo‘ldi. O‘sha vaqt jamoa tarkibida Niko Kranchar kabi futbolchilar to‘p surishgandi. Zagreb «Dinamo»si esa hozircha atigi 3-o‘rinda. Xorvatiya futbolida chinakam gegemoniya o‘rnatgan bu jamoaning oxirgi 18ta mavsumdan 17tasida «oltin» yutganini hisobga olsak, «Xayduk» ayni imkoniyatdan to‘g‘ri foydalanishi shart. Tarixga nazar solsak, zagrebliklar 2016|2017 yillar mavsumi bosh sovrinni «RiYE-ka»ga berib qo‘yishganidan keyin yana chempionlik relsiga tushib olishdi. Umuman, «Dinamo»ning g‘olibona yurishi Kalinich kattalar futbolida debyutini nishonlagan mavsum boshlangan edi. Xullas, Nikolaning butun faoliyati davomida poytaxt klubi gegemoniyasi tom ma’noda davom etmoqda, hisob. To‘g‘ri, «Dinamo» o‘tgan yil yozgi bozordagi sotuvlar partiyasidan keyin vajohatini biroz yo‘qotdi. Poytaxtliklar jumladan, darvozabon Dominik Livakovichni «Fenerbaxche», himoyachi Yosip Shutaloni «Ayaks», vinger Luka Ivanushesni esa «Feyenoord»ga pullashdi. Boz ustiga, mavsum boshlanishi arafasida jamoa bosh murabbiyi ham o‘zgardi: Saudiya Arabistonining «Ash-SHabab» klubi tomonidan «pul vasvasasiga solingan» Igor Bishchan o‘rnida Sergey Yakirovich ish boshladi.
Kalinich xarakterli, u JCH-2018 medalidan bosh tortgandi...
Nikola Kalinich Xorvatiya milliy jamoasining 50ta o‘yinida ishtirok etgan. U yoshligidan mamlakat futbolining kelajak umidi sanalgan. Deylik, «Valensiya» va «Sevilya» kabi klublardan taklif olgan vaqti Nikola hali voyaga ham yetmagandi. Iqtidorli yigit shunga qaramay, ispan klublari bilan aloqa o‘rnatadi, tabiiyki, bu ishi «Xayduk»ni g‘azablantiradi. Yakunda xorvatiyaliklar sudga murojaat qilish asnosida yosh hujumchiga qaratilgan «ov»ni to‘xtatib qolishadi. Kalinich shu tariqa 19 yoshida «Xayduk»ning boshlang‘ich tarkibilan joy oladi va 2009 yili 7 million yevro evaziga «Blekbern» (Angliya)ga o‘tadi. O‘z o‘rnida ma’lumot: Nikola ushbu klub tarixidagi uchinchi qimmatbaho futbolchidir. Blekbernliklar faqat Nikola Vlashich uchun «Everton»ga ko‘proq (10,8 million) to‘lashgan. Ular shuningdek, 2025 yilning yozida Luka Vushkovich uchun «Tottenxem»ga 13,8 million yevro berish borasida kelishib olishgan - bo‘lajak transfer. Kalinichga qaytsak, iste’dodli hujumchi Angliyada o‘zini ko‘rsatolmadi - 2 yil davomida atigi 7ta gol. 2011 yilga kelib, Nikola «Dnepr» safiga qo‘shildi va bu jamoada Yevgeniy Konoplyanka qatori asosiy yulduzlar qatoriga kirdi. 2015 yili esa xorvat Ukrainadan ketishni xohladi va faoliyatini «Fiorentina»da davom ettirdi. Muhimi, Kalinich Italiyada yo‘qolib qolmadi. Har holda, 2 yil davomida 33ta gol to‘pladi. Ushbu mahsuldorligi ortidan 2017 yili «Milan»ga ko‘tarildi. Ammo «rossonerlar» safida xorvatiyalikning ishlari uncha yurishmadi, garchi asosiy tarkibda o‘ynagan bo‘lsada. Boz ustiga, «Milan» rahbariyati transferdan atigi 1 oy o‘tgach, Nikolani sotishga urindi. Gap shundaki, Xitoyning «Guanjou Evergrand» klubi xorvat uchun 45 million yevro taklif qilgandi. Lekin Nikola Osiyoda o‘ynashni istamadi. Klub esa oxirigacha uni ko‘ndirishga harakat qildi. Kalinich yakunda xitoyliklar bilan uchrashib, shartnoma bandlarini muhokama etishga rozi bo‘ldi ham, ammo to‘satdan xastalanib qoldi. Shu tariqa kelishuv amalga oshmadi.
Kalinich faoliyatida yana «Atletiko» «Roma» va «Verona» klublari ham bor. U «matraschilar» bilan hattoki, YELda g‘olib chiqqan. Ammo hujumchining futbol yo‘lidagi asosiy voqelik - bu JCH-2018. Xorvatiya termasi o‘sha mundialda finalga chiqdi, biroq Kalinich guruh bosqichidan so‘ng safdan chetlashtirilgandi. Aniqroq aytsak, futbolchi Nigeriya termasiga qarshi bahsda zaxiradan maydonga tushishdan bosh tortgach, bosh murabbiy Zlatko Dalich undan voz kechib qo‘ya qoldi. 2 oydan so‘ng jamoa futbolchilari Kalinichga ham JCH kumush medalini yuborishga qaror qilishdi, ammo futbolchi bunday marhamatni qabul qilgani yo‘q: «Medal uchun rahmat, lekin Rossiyada o‘ynamadim...». Aytgancha, Nikola va Dalich keyinchalik yarashishdi, ammo hujumchi o‘sha voqeadan buyon terma jamoaga biror marta chaqirilmadi.
O.ATABOYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
