Antaliyada shug‘ullanayotgan «Andijon» hisob bo‘yicha 5-o‘rtoqlik uchrashuvida ishtirok etdi. Bu safargi raqib Slovakiyaning «Belusha» jamoasi bo‘ldi.
Kun bo‘yi havo bulutli bo‘lgani sababli o‘yin oldidan yomg‘ir yog‘ishni boshladi. Orada to‘xtagandek bo‘ldi va ikkinchi bo‘limda yana davom etdi. Bevosita uchrashuvga to‘xtaladigan bo‘lsak, qizg‘in kurashlarga boy o‘tdi.
Jamoamiz tarkibida ko‘rikdan o‘tayotgan futbolchilar shu kuni murabbiylar tomonidan sinovdan o‘tkazildi. Jumladan, «Paxtakor»dan kelgan hujumchi Rustam Turdimurodov, qozog‘istonlik futbolchi Oralxan Omirtayev. Bu ikkala o‘yinchi hujumchi. Omirtayevning oxirgi klubi Qozog‘istonning «Atirau» jamoasi sanaladi. Shuningdek, SSKA 2 da faoliyat olib borgan yosh posbon Maksim Sarraf ham uchrashuvda maydonga tushirildi.
Asta-sekin «Andijon»ning o‘yini shakllanib boryapti. «Belusha»ga qarshi uchrashuvda rejalashtirilgan hujumlar orqali bir nechta golli imkoniyatlar yaratilganiga guvoh bo‘lish mumkin. Biroq uchrashuvda hisobni ochish raqib jamoaga nasib etdi. Birinchi bo‘limda jamoalar maydonni golsiz tark etishdi. Ikkinchi bo‘limda esa slovakiyaliklar burchakdan to‘p uzatilgan keyin hisobni ochishdi. Bu vaziyatda zaxiradan maydonga tushgan Roman Xolichek boshi bilan gol urdi.
Lekin «Andijon» bu golga tezkorlik bilan javob qaytardi. Jamoamizning navbatdagi hujumlaridan birida Levan Arveladze jarima maydoni ichida zarbani aniq yo‘lladi va muvozanatni tikladi – 1:1.
Umuman aytganda, jamoamiz g‘alabaga yaqin kelgandi. Ikkala bo‘limda ham raqib darvozasi oldida golli vaziyatlar yaratildi. Faqat oxirgi lahzalarda omad yuz o‘girdi.
Darvoqe, uchrashuvni tomosha qilish uchun mehmonlar ham tashrif buyurdilar. «Dinamo» bosh murabbiyi Vadim Abramovni uchratdik. U bir bo‘lim tomosha qilgach, keyin ketdi. Shuningdek, OKMK murabbiylar shtabida mehnat qilayotgan Marat Axmerovga ko‘zimiz tushdi. Ikkinchi bo‘lim o‘rtalarida esa OKMK ustozi Mirjalol Qosimov ham paydo bo‘ldi. Keyin bilsak jamoamiz o‘ynayotgan maydonning qo‘shni tarafida OKMKni ham Ukrainaning «Veres» klubiga qarshi o‘yini belgilangan ekan. Orada esa «Andijon»ning sobiq futbolchisi, hozirda OKMK sharafini himoya qilayotgan Baxtiyor Qosimov jamoamiz vakillari bilan ko‘rishib, qadrdonlari bilan salom-alik qilib ketdi.
Shu tariqa, "Andijon"ning yana bir o‘rtoqlik uchrashuvi bo‘lib o‘tdi va bu bahsdan murabbiylar shtabi kerakli xulosalarga ega bo‘ldilar.
«Andijon» – «Belusha» – 1:1 (0:0).
«Andijon»: Mohir Komilov, Islom Mamatkazin, Abduvohid G‘ulomov, Vladimir Bubanya, Levan Arveladze, Muhammadkarim Toirov, Sherzod Esanov, Sardor Azimov, Farhod Sohibjionov, Bektemir Abdumannonov, Rustam Turdimurodov.
Zaxiradan maydonga tushganlar: Maksim Sarraf, Oralxan Omirtayev, Sunnatilla Abdullajonov, Marlen Chobanov, Ildar Mamatkazin, Ilhom Abdug‘aniyev, Farhod Bekmuratov, Diyor Toirov, Suhrob Berdiyev, Izzat Abdurasulov, Shahboz Erkinov, Asilbek Aysarov, Armin Boshnyak, Asad Habibullayev.
«Belusha»: Medard Vangel, Peter Bryandizar, Robert Stefanek, Patrik Schizler, Lukak Beno, Denis Knijka, Roman Gaspar, Branislav Duris, Adam Kopilek, Michal Xrenak, Patrik Krchula.
Zaxiradan maydonga tushganlar: Striyedali, Roman Xolichek, Briks, Balaz.
Gollar: Roman Xolichek, 57 – 0:1. Levan Arveladze, 60 – 1:1.
«Andijon» matbuot xizmati.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
