So‘nggi ma’lumotlarga ko‘ra, Kilian Mbappe madridliklar bilan shartnoma imzolagan. Bu, albatta, klub muxlislari uchun so‘nggi yillardagi eng uzoq kutilgan transfer, ammo bugun biz "Real Madrid"ning eng qimmat 10 ta xaridini eslaymiz.
Luish Figu, 60 million yevro
Figu "qirollik klubi"ga 2001 yilning yozida "Barselona"dan o‘tgan edi. Florentino Peres agar prezidentlik saylovlarida g‘alaba qozonsa va u bilan shartnoma imzolashga va’da berdi. Va’da 60 million yevroga tushdi - o‘sha paytda bu klub tarixidagi eng qimmat transfer edi.
Luka Yovich, 63 million yevro
Madridliklar serbiyalik futbolchini 2019 yilning yozida Frankfurtning «Ayntraxt» klubidan sotib olgandi. Hujumchi Germaniyada o‘zini ko‘rsatdi, ammo Madriddagi ikki mavsumda atigi 3 ta gol ura oldi.
Kaka, 67 million yevro
Kaka Florentino Peres prezidentlikka qaytganidan so‘ng, "Milan"dan "Real"ga o‘tdi. Braziliyalik futbolchi allaqachon "Oltin to‘p"ni qo‘lga kiritgan edi, ammo yangi klubida o‘zining eng yaxshi futbolini namoyish eta olmadi, jarohatlar unga xalaqit berdi. Madriddagi to‘rt mavsumdan so‘ng Kaka "Milan"ga bepul transfer orqali qaytdi.
Xames, 75 million yevro
Xames Rodriges JCH-2014dagi ajoyib o‘yinidan so‘ng Madridga keldi. Klub uning uchun "Monako"ga 75 million yevro to‘lagan. Kolumbiyalik futbolchining Karlo Anchelotti qo‘l ostidagi birinchi mavsumi muvaffaqiyatli o‘tdi, biroq italiyalik ketganidan so‘ng vaziyat pasaya boshladi. Xames "Bavariya"da 2 mavsumni ijarada o‘tkazgan va 2020 yilda "Everton"ga tekinga ketgan.
Zinedin Zidan, 77,5 million yevro
Madridliklar uning uchun "Yuventus"ga 77,5 million to‘lagan - o‘sha paytda Zizu ispanlarning eng qimmat xaridiga aylandi. U jamoaga to‘qqizinchi marta Chempionlar ligasini yutishiga yordam berdi, keyin esa turnirda yana uchta g‘alaba keltirdi, ammo murabbiy sifatida.
Aureliyen Tchuameni, 80 million yevro
Madridliklar 2022 yilning yozida, Kazemiro klubni tark etgandan so‘ng, "Monako"dan Tchuamenini sotib olgan edi. Fransuz afsonaviy braziliyalikning munosib o‘rnini egalladi.
Krishtianu Ronaldu, 94 million yevro
Krishtianu 2009 yilda "Real"ga o‘tgan edi. "Oltin to‘p" sohibi o‘sha paytda klubning eng qimmat futbolchisiga aylandi va 9 mavsum davomida "Los-Blankos" libosida porladi. Bu vaqt ichida Krishtianu 16 ta sovrinni qo‘lga kiritdi va Madrid klubi tarixidagi eng yaxshi to‘purarga aylandi, shuningdek, eng daromadli transfer – ispan klubi uning “Yuventus”ga sotilishidan 117 million yevro ishlab oldi.
Garet Beyl, 101 million yevro
Uelslik futbolchi 2013 yilda "Tottenxem"dan Ispaniyaga ko‘chib o‘tgan va "Real Madrid"ning rekord transfer narxini yangilagandi. U jamoaga 5 yil ichida 4 marta Chempionlar ligasini yutishda yordam berdi va hujum triosining ajralmas qismiga aylandi.
Jud Bellingem, 103 million yevro
Angliyalik futbolchi o‘tgan yozda "Borussiya"dan madridliklar safiga kelib qo‘shilgandi. U jamoaga tezda moslashib, to‘purarlar orasida yetakchiga aylana oldi.
Eden Azar
Azar Madrid tarixidagi eng qimmat transfer va eng omadsiz transfer. U 2019 yilda «Chelsi»dan 115 million yevro evaziga o‘tgan edi. Belgiyalik futbolchi 4 mavsum davomida 76 uchrashuvda atigi 7 ta gol urgan. Uning klubdagi faoliyati jarohatlar bilan kechgan. 2023-yil oktyabr oyida Azar faoliyatini yakunlashini e’lon qildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
