«Manchester Yunayted» ser Aleks Fergyuson klubni tark etganidan so‘ng, Premyer-ligadagi qudratli maqomini saqlab qolish uchun kurash olib bordi, ammo buning ortidan dahshatli statistikaga duch keldi.
Fergyuson 2012-13 yilgi mavsum oxirida «Yunayted»ni Premyer-liga shon-shuhratiga yetaklagani uchun tahsinlarga sazovor bo‘ldi. O‘sha paytda «qizil iblislar» muxlislari bu ularning ancha vaqtdan beri so‘nggi APL chempionligi bo‘lishini bilishmagani aniq. Bir qator murabbiylar Fergyusondan keyingi davrda «issiq» o‘rindiqda o‘tirishdi va ayrim yuqori ko‘rsatkichlariga qaramay, har biri Fergyuson tomonidan o‘rnatilgan standartlarga muvofiq yaxshi natijalar uchun kurashdi. Devid Moyes, Lui van Gal, Joze Mourinyo, Ole-Gunnar Sulsher, Ralf Rangnik va Erik ten Xag kabilarga yuqori lavozim berilgan va ularning har biri boshqaruv davrida turli darajadagi muvaffaqiyatlarga erishgan.
Ten Xag o‘tgan mavsumda «Yunayted»ni yuqori pog‘onaga ko‘targandek edi, ammo ikkinchi mavsumida ba’zi muammolarga duch keldi. «Qizil iblislar» hozirda turnir jadvalida 6-o‘rinni egallab turibdi va keyingi mavsumda Chempionlar Ligasini o‘tkazib yuborishi mumkin. Planetfootball.com sayti ijodkorlari 2013 yilda Fergyuson klubni tark etganidan keyingi «Manchester Yunayted»ning pasayishini ko‘rsatuvchi 9ta hayratlanarli statistikani terib chiqdi:
*** Fergyuson nafaqaga chiqqanidan so‘ng APLdagi uy o‘yinlarida (36) «Yunayted» 21 mavsum davomida klubni boshqarganidan ko‘proq mag‘lub bo‘ldi (34).
*** «Yunayted» Fergyuson faoliyatini tugatgandan so‘ng bir mavsumda atigi 80 ochko to‘pladi. Fergyusonning klubdagi faoliyati davomida «Yunayted» 16 marta 80 yoki undan ko‘p ochko to‘plagan.
*** «Yunayted»ning Fergyusondan keyingi mavsumda urgan eng ko‘p gollari 2020-21 yilgi mavsumda 73ta bo‘lgan. Fergyuson boshchiligida «Yunayted» 15 mavsumda (har mavsum) 73 yoki undan ko‘p gol urgan.
*** Premyer-liga davrida «Yunayted» Fergyuson qo‘l ostida ketma-ket 21 mavsum kuchli to‘rtlikdan joy oldi. U ketganidan so‘ng, «Yunayted» so‘nggi 10 mavsumning 5tasida kuchli to‘rtlikdan tashqarida yakunladi.
*** «Yunayted» ser Aleks Fergyuson faoliyatini yakunlaganidan beri 5-marta Premyer-liga mavsumida 10dan ortiq o‘yinda mag‘lub bo‘ldi. Fergyusonning klubdagi faoliyati davomida ular bir mavsumda 10dan ortiq o‘yinda mag‘lub bo‘lishmagan.
*** «Manchester Siti», «Liverpul», «Chelsi», «Arsenal» va «Tottenxem» Fergyuson faoliyatini yakunlaganidan beri «MYU»dan ko‘ra ko‘proq ochko to‘plashdi.
*** Birgina «Siti» Fergyuson ketganidan keyin hamshaharlaridan Premyer-liga doirasida ko‘proq ochko to‘pladi - 182.
*** Hozirda «Yunayted» mavsumni 62 ochko bilan yakunlashi ehtimoli katta, bu esa Premyer-liga barcha davrlardagi ikkinchi eng past ko‘rsatkich bo‘ladi.
*** Premyer-liga barcha davrlarida Fergyuson 8 marta ligada 5dan ortiq o‘yinda mag‘lub bo‘ldi. «Yunayted»ning so‘nggi 11 mavsumining 10tasida ular ligada 5dan ortiq o‘yinda mag‘lub bo‘lishdi.
R.IBROHIMOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
