"El-klasiko" dunyoning eng kuchli ikkita jamoasining ashaddiy qarama-qarshiligi hisoblanadi. Bundan nafaqat maydonda o‘yin boradi, balki futbolchilar o‘zaro bellashuvga ham kirishadi. Yillar davomida ayrim "Real" va "Barselona" futbolchilari raqibiga bahs davomida haqorat bilan murojaat qilgan. Ulardan so‘nggisi Xordi Albaning Rafael Varanga aytgan so‘zlari edi. U fransuzga qarata shunday deydi: "Kalamushga o‘xshaysan. Senda hattoki haydovchilik guvohnomasi ham yo‘q".
Quyida shunga o‘xshagan haqoratlar haqida bilganlarimizni bo‘lishamiz.
Lionel Messi va Serxio Ramos
Messini futboldagi daho sifatida bilamiz. Haqiqatdan ham shunday. U o‘zining og‘ir va bosiqligi bilan atrofdagilardan ajralib turadi. Ammo ayrim vaziyatlar bo‘lganki, Messining ham sabri chidamagan. 2017 yilda Messi Ramos bilan to‘qnash keladi. O‘shanda Ramos to‘pni Messining qo‘liga bermay, uning boshi uzra otadi. Bu qiliqdan keyin Messi Ramosni "La concha de tu madre" deya onasidan so‘kkan. Ispan tilini biladiganlar bu so‘zni yaxshi tushunadi.
Joze Mourinyo va Pep Gvardiola
Mourinyo Gvardiolani chiroyli ravishda, qog‘ozga o‘rab haqorat qilgan. 2010/11 yilgi mavsumda portugaliyalik mutaxassis, kataloniyaliklarga mag‘lubiyatdan keyin Gvardiola haqida shunday deydi: "Gvardiola fantasik murabbiy. Ammo men 2 bor YECHLda g‘olib chiqqanman. U esa bir martagina xolos. Mana shu narsagina meni xafa qiladi. Agarda bu yil Gvardiola YECHLda g‘alaba qozonsa, bu narsa ularning zo‘r ekanini emas, balki "Bernabeu"da ishkal borligini anglatadi. Umid qilamanki, bir kun kelib Gvardiola hech qanday ishkallarsiz, o‘z kuchi bilan YECHLni oladi".
Samyuel Eto'o va butun boshli "Real"
Eto'o hech qachon "Real"da o‘zini ko‘rsata olmagan. U o‘smirligida Madrid klubi akademiyasiga olib kelinadi. Ammo jamoaga moslashib keta olmaydi. Eto'o "Real" bilan faqatgina 7 ta o‘yinda maydonga tushgan xolos. Hujumchi Madridda qiyin davrlarni o‘tkazadi. U 2005 yilda "Barselona" libosida ilk bor Ispaniya chempioni bo‘lganida, xursandchiligidan "Madrid, yaramas "Real" ko‘rib qo‘y meni, chempionlarga sharaflar ayt", deya qichqirgan ekan. Bu voqeadan ko‘p o‘tmay, Eto'o uzr so‘rab chiqib, hech kimni kamsitish niyati yo‘q ekanini, hurmatsizlik qilgani uchun kechirishlarini iltimos qiladi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
