O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
Superliga
"Navbahor lochinlari" — "So‘g‘diyona"
Superliga chempionatining 20-turi doirasidagi "Navbahor lochinlari" — "So‘g‘diyona" uchrashuvi davomida "Navbahor lochinlari" futbol klubi tomonidan "Superliga va Pro liga reglamenti"ning buzilganligi ya’ni "Navbahor lochinlari" futbol klubining lisenziyaga ega bo‘lmagan va qaydnomaga kiritilmagan vakillari uchrashuv komissarining ogohlantirishiga qaramay texnik zona hududini tark etmaganlik holati qayd etilgan.
Tartib-intizom qo‘mitasi qaroriga ko‘ra, "Navbahor lochinlari" futbol klubiga nisbatan jarima intizom chorasi qo‘llanildi.
"Dinamo plyus" — "Navbahor lochinlari"
Superliga chempionatining 14-turi doirasidagi "Dinamo plyus" — "Navbahor lochinlari" uchrashuvining 80-daqiqasida "Dinamo plyus" futbol klubi tomonidan "Superliga va Pro liga reglamenti" buzilgani, ya’ni "Dinamo plyus" muxlislari tomonidan maydon tomon yelim idishlar uloqtirilgani, futbol klubi tomonidan bu kabi holatni oldini olishga qaratilgan vazifalar bajarilmagani qayd etilgan.
Tartib-intizom qo‘mitasi qaroriga ko‘ra, "Dinamo plyus" futbol klubining kelgusi birinchi uy uchrashuvida "Dinamo plyus" stadionining 4-5-sektorlari, shuningdek VIP tribuna ostidagi o‘rindiqlarni vaqtincha yopish va mazkur sektorlar uchun chiptalarni savdoga chiqarmaslik borasida tegishli taqiq qo‘yildi.
Superliga chempionatining 14-turi doirasidagi "Dinamo plyus" — "Navbahor lochinlari" uchrashuvining 82-daqiqasida "Navbahor lochinlari" futbol klubi futbolchisi Azimjon Ahmedov bosh hakam qaroriga nisbatan e’tiroz bildirib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Azimjon Ahmedovga (Navbahor lochinlari) nisbatan jarima intizom chorasi qo‘llanildi.
"Nasaf" — "Surxon"
Superliga chempionatining 21-turi doirasidagi "Nasaf" — "Surxon" uchrashuvining 69-daqiqasida "Nasaf" futbol klubi futbolchisi Sherzod Nasrullayev raqib o‘yinchisiga nisbatan to‘psiz vaziyatda tajovuzkor harakat qilgani uchun maydondan chetlashtirilgan.
Tartib-intizom qo‘mitasi qaroriga ko‘ra, Sherzod Nasrullayevga (Nasaf) nisbatan 2 ta o‘yinga chetlashtirish (diskvalifikasiya) intizom chorasi qo‘llanildi.
"Qizilqum" — "Metallurg"
Superliga chempionatining 20-turi doirasidagi "Qizilqum" — "Metallurg" uchrashuvining 45+4-daqiqasida "Metallurg" futbol klubi murabbiyi Nozimjon Esanov zaxira hakami sha’niga haqoratli so‘zlar ishlatgani uchun maydondan chetlashtirilgan.
Tartib-intizom qo‘mitasi qaroriga ko‘ra, Nozimjon Esanovga (Metallurg) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
"Dinamo plyus" — "Surxon"
Superliga chempionatining 20-turi doirasidagi "Dinamo plyus" — "Surxon" uchrashuvining 45-daqiqasida "Surxon" futbol klubi futbolchisi Doston Tursunov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasi qaroriga ko‘ra, Doston Tursunovga (Surxon) nisbatan 3 ta o‘yinga chetlashtirish (diskvalifikasiya) va jarima intizom choralari qo‘llanildi.
OKMK — "Lokomotiv"
Superliga chempionatining 20-turi doirasidagi OKMK — "Lokomotiv" uchrashuvining 90+5-daqiqasida OKMK futbol klubi futbolchisi Aziz Xolmurodov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasi qaroriga ko‘ra, Aziz Xolmurodovga (OKMK) nisbatan 3 ta o‘yinga chetlashtirish (diskvalifikasiya) va jarima intizom choralari qo‘llanildi.
Superliga chempionatining 20-turi doirasidagi OKMK — "Lokomotiv" uchrashuvi yakunlangandan so‘ng "Lokomotiv" futbol klubi sport direktori Ravshan Muqimov bosh hakam sha’niga haqoratli so‘zlar ishlatgan holati qayd etilgan.
Tartib-intizom qo‘mitasi qaroriga ko‘ra, Ravshan Muqimovga (Lokomotiv) nisbatan jarima intizom chorasi qo‘llanildi.
"Andijon" — "Neftchi"
Superliga chempionatining 20-turi doirasidagi "Andijon" — "Neftchi" uchrashuvining 76-daqiqasida "Neftchi" futbol klubi murabbiyi Lutfulla To‘rayev bosh hakam qaroriga nisbatan e’tiroz bildirib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Lutfulla To‘rayevga (Neftchi) nisbatan jarima intizom chorasi qo‘llanildi.
"Qizilqum" — "Metallurg"
Superliga chempionatining 20-turi doirasidagi "Qizilqum" — "Metallurg" uchrashuvining 90+4-daqiqasida "Qizilqum" futbol klubi futbolchisi Humoyunshoh Sayyotov o‘yin vaqtini atayin cho‘zib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Humoyunshoh Sayyotovga (Qizilqum) nisbatan jarima intizom chorasi qo‘llanildi.
Proliga
"Sho‘rtan" — "Xorazm"
Proliga musobaqasining 23-turi doirasidagi "Sho‘rtan" — "Xorazm" uchrashuvining 20-daqiqasida "Sho‘rtan" futbol klubi futbolchisi Javohir Hasanov simulyatsiya uchun sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Javohir Hasanovga (Sho‘rtan) nisbatan jarima intizom chorasi qo‘llanildi.
"Sho‘rtan" — "Xorazm"
Proliga musobaqasining 23-turi doirasidagi "Sho‘rtan" — "Xorazm" uchrashuvining 56-daqiqasida "Xorazm" futbol klubi futbolchisi Ravshanbek Sultonov bosh hakam qaroriga nisbatan e’tiroz bildirib, sariq kartochka olgan olgan holati qayd etilgan.
Tartib-intizom qo‘mitasi qaroriga ko‘ra, Ravshanbek Sultonovga (Xorazm) nisbatan jarima intizom chorasi qo‘llanildi.
"Do‘stlik Toshkent" — "Aral"
Proliga musobaqasining 22-turi doirasidagi "Do‘stlik Toshkent" — "Aral" uchrashuvining 77-daqiqasida "Aral" futbol klubi futbolchisi Norxon Sheripov o‘yin vaqtini atayin cho‘zib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Norxon Sheripovga (Aral) nisbatan jarima intizom chorasi qo‘llanildi.
"Aral" — "Mash’al"
Proliga musobaqasining 23-turi doirasidagi "Aral" — "Mash’al" uchrashuvining 81-daqiqasida "Aral" futbol klubi futbolchisi Izzatillo Abdulhaqov bosh hakam qaroriga nisbatan e’tiroz bildirib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Izzatillo Abdulhaqovga (Aral) nisbatan jarima intizom chorasi qo‘llanildi.
Proliga musobaqasining 23-turi doirasidagi "Aral" — "Mash’al" uchrashuvining 66-daqiqasida "Aral" futbol klubi futbolchisi Azizbek Umirbekov o‘yin vaqtini atayin cho‘zib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Azizbek Umirbekovga (Aral) nisbatan jarima intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
