2023 yilgi mavsumdan buyon Liga qatnashchisi bo‘lib kelayotgan «Jayxun» Proligada kurash olib boradi.
Klub 2023 yilni birinchilikda 9-o‘rinda yakunlagan bo‘lsa, 2024 yilga kelib G‘arbiy mintaqada "Nasaf farm" jamoasidan keyin ikkinchi bo‘ldi va Toshkent mezbonlik qilgan pley-off bosqichida ishtirok etdi. O‘tgan ikki mavsum davomida «Jayxun» moliyaviy holati bo‘yicha muammolar kuzatilmadi.
Kuni kecha Liga rahbariyati hamda Qoraqalpog‘iston futbol assosiasiyasi vise-prezidenti ishtirokida uchrashuv bo‘lib o‘tdi. Unda "Aral" klubining holati, "Turon" stadionida davom etayotgan ishlar va uning Superliga uchrashuvlarini qabul qilish uchun qachon tayyor bo‘lishi, 2024 yilgi mavsum Birinchi ligada debyut qilgan Aral akademiya rejalari va albatta «Jayxun» masalasida suhbat bordi.
Avvalroq ham har ikki tomon «Jayxun»ning Proligada ishtirok etishi masalasini muhokama qilgan bo‘lib, unda Liga bu bo‘yicha o‘z talablarini bildirgandi. Jumladan, klub tashkil topganiga ikki yildan oshganidan kelib chiqib, Liga uni OFK lisenziyalashiga jalb qilishni rejalashtirgan. Shuningdek, «Jayxun» O‘FA tomonidan tasdiqlab berilgan yo‘riqnoma asosida o‘z futbolchilari bilan mehnat shartnomasi tuzishda mehnatga haq to‘lashning eng kam miqdorining ikki barobari nisbati o‘lchoviga rioya qilishi kerak. Qo‘shimchasiga, 2025 yilda «Jayxun» futbol maktabi vujudga kelishi lozim.
Mazkur talablar hududiy assosiasiya hamda Qoraqalpog‘iston Jo‘qorg‘i Kengesi tomonidan muhokama qilingan bo‘lib, Kenges «Jayxun»’ning Proligada ishtiroki etishi bo‘yicha xarajatlar smetasini tasdiqlagan. Shuningdek, «Jayxun» shartnoma asosida Respublika sport o‘yin turlari va yengil atletika bo‘yicha ixtisoslashtirilgan sport maktabi bilan hamkorlik qiladi. Ya’ni, mazkur maktab futbolchilari «Jayxun» tarbiyalanuvchilari sifatida Liga ro‘yxatidan o‘tkaziladi.
Liga Qoraqalpog‘iston futboli so‘nggi uch mavsum davomida aniq reja va prinsiplar asosida faoliyat olib borayotganini qayd etadi. Ishonamizki, bosqichma-bosqich qo‘yilayotgan mazkur qadamlar yaqin yillar ichida respublika futbolini yangi darajaga olib chiqadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
