O‘tgan yillarda bo‘lgani kabi guruh bosqichida 32 ta jamoa ishtirok etadi va ular 8 ta guruhga ajratib olinadi. Har bir guruhdan 2 tadan eng yaxshi jamoa 1/8 final bosqichiga yo‘llanmani qo‘lga kiritadi.
Superliga va Proliganing jami 22 ta klubidan tashqari o‘tgan mavsumni Birinchi ligada muvaffaqiyatli o‘tkazgan Sementchi va Zomin jamoalari guruh bosqichida to‘g‘ridan-to‘g‘ri ishtirok etadi. Birinchi liganing yana sakkiz ishtirokchisi esa saralash bosqichida to‘p tepadi. Qayd etish kerak, "Sementchi" o‘tgan mavsum birinchilikning sharqiy mintaqasini peshqadam sifatida yakunlagan, "Zomin" esa o‘z mintaqasida uchinchi bo‘lgan. Undan teparoqda bo‘lgan "Nasaf Farm" kubokda ishtirok etmaydi. "Jayxun" Proliga a’zosi sifatida musobaqaga qo‘shiladi.
Saralashning ehtimoliy sakkiz g‘olibi qur’a oldidan barcha guruhlarga sochib yuboriladi va ular guruh bosqichida o‘zaro raqib bo‘lmaydi. Ya’ni, ularning har birida tajriba to‘plash uchun kattaroq jamoalarga qarshi uchrashuvlarda ishtirok etish imkoniyati bo‘ladi. Shuningdek, Birinchi liganing mazkur sakkiz klubi ikki safar uchrashuvida ishtirok etadi va faqatgina 1 ta raqibni — guruhning birinchi jamoasini o‘z maydonida qabul qiladi.
Guruh bosqichida ikki jamoaning o‘zaro kelishib, uchrashuvni raqib maydoniga ko‘chirishiga yo‘l qo‘yilmaydi. Stadioni tayyor bo‘lmagan jamoaga reglament bandidan kelib chiqib, texnik mag‘lubiyat yoziladi. Liga bu bilan biror kattaroq klubning Birinchi liga jamoasi maydoniga safar etishini ta’minlashni maqsad qilgan. Shundan kelib chiqib, har guruhning birinchi raqamli jamoasi sun’iy yoki sharoiti jihatidan u qadar yaxshi bo‘lmagan maydonga safar uyushtirishiga to‘g‘ri keladi. Mazkur qadam kichik futbol o‘yingohlariga jamoatchilik e’tiborini qaratish uchun muhimdir.
Qolgan 24 ta klub hech qanday savatlarga ajratilmaydi. O‘tgan yillarda bo‘lgani kabi qur’a kim uchundir omadli va yana kimgadir murakkab kelishi mumkin. Bir yil avval H guruhi "Navbahor", "Andijon", "Dinamo" va "Nasaf" klublarini o‘zida jamlagan bo‘lib, keyinchalik ularning 2 tasi finalga qadar yetib borgandi. Teletranslyasiyalar va jamoatchilik e’tiboridan kelib chiqib, aynan shu guruhdagi bellashuvlar kubok musobaqasini ochib bergani sir emas.
Qur’a marosimi 26 fevral kuni 19:00 da start oladi va u Futbol TV hamda Liga rasmiy sahifalari orqali jonli efirga olib chiqiladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
