«Real Madrid» bosh murabbiyi Karlo Anchelotti «Real Sosyedad»ga qarshi bo‘lib o‘tadigan Ispaniya Kubogi yarim finali oldidan jurnalistlarning savollariga javob berdi. Ushbu uchrashuv 26 fevral kuni Moskva vaqti bilan 23:30 da start oladi.
Uchrashuv haqida
««Sosyedad»ga qarshi o‘ynash doim qiyin, ular hozir juda yaxshi sport formasida. Ispaniya Kubogi yarim finali har ikki jamoa uchun muhim. Biz teng va qiziqarli o‘yin kutyapmiz».
Taqvim haqida
«Zich taqvimni hisobga olsak, biz juda yaxshi harakat qilyapmiz, xuddi bir nechta musobaqada ishtirok etayotgan boshqa jamoalar kabi. Biz 52 kun ichida 17 ta uchrashuv o‘tkazdik – mening davrimda chempionatda atigi 30 ta o‘yin bo‘lardi! Men ham charchadim, o‘ylaymanki, siz ham charchagansiz. Hammamizga dam olish kerak».
Jamoa haqida
«Jamoada yaxshi muhit hukm suryapti. Mbappe juda kamtar yigit, u bilan birga jamoamiz o‘zini yanada ishonchli his qilayapti, chunki u dunyoning eng yaxshi futbolchilaridan biri. Biz uchun muhim bo‘lgan Nacho, Kroos va Karvaxalni yo‘qotdik, ularning o‘rnini yoshlar egallashi kerak. Kamavinga, Chuameni, Valverde, Rodrigo va Vini jamoaning yangi yetakchilariga aylanishlari lozim».
Xavyer Tebasning bayonoti haqida
«Tebas «Real» haqida juda ko‘p gapiryapti, madridlik millionlab muxlislarga hurmatsizlik ko‘rsatyapti. Ispaniya futboli uchun muhimroq mavzular bor, La Liga prezidenti aynan shu masalalarga e’tibor qaratgani ma’qul».
«Madridliklar o‘z klubi bilan faxrlanadi. Men o‘z umrim davomida bunday nizoni eslay olmayman – «Milan»da ishlagan paytimda chempionatni Galliani boshqargan, u esa ajoyib rahbar edi va doim haq bo‘lgan».
Gyuler haqida
«Har bir futbolchi men bilan kelib gaplashishi mumkin. Men ularning har biri, ayniqsa, yoshlar bilan doim suhbatlashaman. Gyuler harakat qilyapti, u maydonga tushishni xohlaydi, xuddi boshqa yosh futbolchilar kabi. Bir paytlar Vini va Rodrigo ham xuddi shunday vaziyatda bo‘lishgan – dunyoning eng kuchli jamoasiga moslashish uchun vaqt kerak. Buni hamma tushunadi, hali tushunmaganlar esa tez orada tushunishadi».
Tanqid haqida
«Tanqid – bu tajribali futbolchilar uchun muammo. Hammaga yoshlar yoqadi, biz esa bobo-buvilarga o‘xshaymiz, go‘yo hammani zeriktirib qo‘ygandek. Men bunga tushunayapman, chunki har kuni meni ko‘rishdan hamma charchagan bo‘lishi mumkin. Lekin men o‘zimni hali ham boladay his qilaman, chunki entuziazmga to‘laman. Biroq yosh o‘tishi bilan tajriba va bilim orttirasiz. Tajribani na sotib olish, na o‘rganish mumkin. Faqat vaqt sizga ishingizni yaxshi bajarish uchun tajriba beradi. Men 40 yildan beri futboldaman va ko‘p narsani tushunib yetdim».
Valverde haqida
«Fede lateral pozisiyasida o‘ynay oladi, u bu vazifada yaxshi harakat qiladi. Men shuningdek, Lukasko ham ko‘rib chiqishim mumkin, u allaqachon yaxshi sport formasida, so‘nggi o‘yinda to‘liq harakat qildi. Shuningdek, bizda Alaba bor. Men tarkib haqida o‘ylab ko‘raman».
Modrichning shartnomasi uzaytirilishi haqida
«Men bu ishlarga aralashmayman. Luka o‘z kelajagi haqida klub bilan muzokara olib boryapti, oldin ham shunday qilgan. Bizda afsonalar o‘z xohishiga ko‘ra qaror qabul qilish huquqiga ega – bu klub siyosati. Oxir-oqibat eng to‘g‘ri qaror qabul qilinadi».
Alaba haqida
«U 70 daqiqa maydonda harakat qildi, tizzasi unga muammo tug‘dirmadi. U juda yaxshi o‘ynadi, o‘zini qulay his qildi. Devid to‘liq tiklandi, ammo 14 oylik tiklanishdan keyin mushak muammolari paydo bo‘lishi mumkin».
Endrik haqida
«Uning xususiyatlarini hisobga olgan holda, Endrik na ikkinchi Vini, na Rodrigo bo‘ladi. Lekin menda u haqida hech qanday shubha yo‘q – u ajoyib hujumchi bo‘ladi».
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
