Dzyudo bo‘yicha so‘nggi ikki “Katta dubulg‘a” turnirlarining yakuniga ko‘ra o‘zbek sporti uchun muhim bir faktga e’tiboringizni qaratmoqchimiz. Toshkent va Tbilisi shaharlarida o‘tgan musobaqalarning -90 kg vazn toifasida kechgan bahslarida o‘zbekistonlik sportchilar Shahzodxo‘ja Sharipov va Umar Bozorov oltin medalni qo‘lga kiritishdi. Bu natija -90 kg toifasida yurtimizda yangi nomlar yetishib chiqayotganini ko‘rsatmoqda.
Buni tasodif yoki omadga buradiganlar ular qur’ada bosib o‘tgan yo‘lga nazar tashlashsa, bir qator kuchli nomlarni uchratishlari mumkin. Sharipov musobaqani 2017 yilgi jahon chempioni, uch karra karra Olimpiada ishtirokchisiga qarshi boshlab, yoshlar o‘rtasidagi ikki karra jahon chempioni bilan tugatdi.
Bozorov esa erkaklar dzyudosida dunyoning eng kuchli terma jamoalaridan biri deb e’tirof etiladigan, -90 kg vaznda so‘nggi ikki Olimpiadada chempionlikni hech kimga bermagan Lasha Bekaurining yurti – Gruziyada kurashdi. To‘g‘ri, Lasha bu gal kurashmadi, lekin og‘ir vazn toifasida Gruziyada doim kuchli dzyudochilar yetishib chiqqan. Toshkentdagi turnirda qatnasha olmagan Umar Tbilisida o‘ziga berilgan imkoniyatdan ajoyib foydalandi va birinchi raqam bo‘lishga da’vogarlardan ekanini ko‘rsatdi.
7-8 yil avval terma jamoamizdagi muammoli vazn bo‘lib kelgan mazkur toifa bugungi kunda eng raqobatbardosh, iqtidorli yigitlar jam bo‘lgan «liga»ga aylanmoqda. Albatta, bu barchamizni xursand qiladi. Yangi murabbiylar shtabining ishi qisqa vaqt ichida ko‘rinmoqda.
Bu ikki yigit orasiga jarohatidan qutilib, mashg‘ulotlarga kirishayotgan Davlat Bobonov ham yaqin orada qo‘shiladi. Ana undan keyin bu vaznda ichki raqobat shunchaki «yonadi». Bobonov kamida avvalgidek formada qaytmasa, bu raqobatda unga ancha qiyin bo‘lishi tayin.
Shubhasiz, bunda terma jamoadagi boshqa yigitlarni ham esdan chiqarmasligimiz kerak. Nima bo‘lganda ham, ichki raqobat qanchalik yuqori bo‘lsa, xalqaro maydonda natijaga erishish ehtimoli ortadi.
Yangi Olimpiya siklida terma jamoamizdagi har bir vazn toifasida ichki raqobat mana shunday ortib, murabbiylar shtabiga yaxshi ma’nodagi “bosh og‘rig‘i” ko‘payishini tilab qolamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
