O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi.
Superliga
“Andijon” — “Surxon” / “Andijon” — “Dinamo”
O‘zbekiston kubogi 1-turi doirasidagi “Andijon” — “Surxon” uchrashuvi davomida muxlislar tomonidan har xil jismlar va yelimi idishlar maydonga uloqtirilgan holatlar qayd etilgan.
Shuningdek, Superliga chempionatining 6-turi doirasidagi “Andijon” — “Dinamo” uchrashuvi davomida muxlislar tartibsizliklar keltirib chiqarib, maydonga turli xil jismlar uloqtirishgan va o‘yinning 88-daqiqasida muxlislar uloqtirgan jism yordamchi hakamning boshiga tegib, unga tan jarohati yetkazgani qayd etilgan.
O‘zaro muhokamalardan so‘ng “Andijon” klubining kelgusi uy uchrashuviga stadiondagi tribunalarga tomoshabinlarning kirishiga qisman taqiq qo‘yish hamda jarima intizom choralarini qo‘llash lozim topildi. Bu kabi holatlar takrorlangan taqdirda “Andijon” klubining uy uchrashuvini to‘liq tomoshabinlarsiz o‘tkazish intizom chorasini qo‘llash to‘g‘risida ogohlantirish berilishi belgilandi.
Tartib-intizom qo‘mitasi qaroriga ko‘ra, “Andijon” futbol klubining kelgusi uy uchrashuvida “Bobur arena” stadionining 1, 1A, 2, 3, 4, 14, 15, 16, 17, 18, 19, 20, 30, 31, 32-sektorlari, shuningdek VIP tribuna ostidagi o‘rindiqlarga tomoshabinlarning kirishiga taqiq qo‘yildi va klubga nisbatan jarima intizom chorasi qo‘llanildi.
“Navbahor lochinlari” — “Sho‘rtan”
Superliga chempionatining 5-turi doirasidagi “Navbahor lochinlari” — “Sho‘rtan” uchrashuvida “Navbahor lochinlari” jamoasi o‘yinni tashkil etishda ko‘plab kamchiliklarga yo‘l qo‘ygan, jumladan klub matbuot xizmati sust faoliyat olib borayotgani fotograflar uchun ajratilgan hududda tegishli akkreditasiyaga ega bo‘lmagan begona shaxslar aniqlangan hamda ularning ayrimlarida boshqa musobaqalar uchun berilgan akkreditasiyalar, shuningdek, Ligaga umuman aloqasi bo‘lmagan boshqa turdagi ruxsatnomalar mavjud bo‘lgan. Qo‘shimchasiga, texnik hududda tegishli ruxsatnomasiz bir qator shaxslar bemalol harakat qilayotgan bo‘lsa-da, xavfsizlik ofiseri bu masalani tartibga solmagan, tibbiyot zambili uchun belgilangan xodimlarning yetarli darajada bo‘lmagani kabi kamchiliklar aniqlangan.
Shuningdek, klub nomidan biror bir uchrashuvda muayyan vazifani bajarayotgan har qanday shaxs xulqi uchun javobgar ekanligi belgilangan bo‘lsa-da, stadionga tashrif buyurgan muxlislar mezbon “Navbahor lochinlari” jamoasi vakillari golni nishonlayotgan vaqtda maydonga turli jismlar, suv to‘ldirilgan idishlar, toshlar, qattiq jismlar, mobil telefon quvvatlagichlari uloqtirishgan, otilgan jismlar “Navbahor lochinlari” jamoasi futbolchisiga tan jarohat yetkazganligi qayd etilgan.
O‘zaro muhokamalardan so‘ng “Navbahor lochinlari” klubining kelgusi uy uchrashuviga stadiondagi tribunalarga tomoshabinlarning kirishiga qisman taqiq qo‘yish hamda jarima intizom choralarini qo‘llash lozim topildi. Bu kabi holatlar takrorlangan taqdirda “Navbahor lochinlari” klubining uy uchrashuvini to‘liq tomoshabinlarsiz o‘tkazish intizom chorasini qo‘llash to‘g‘risida ogohlantirish berilishi belgilandi.
Tartib-intizom qo‘mitasi qaroriga ko‘ra, “Navbahor lochinlari” futbol klubining kelgusi uy uchrashuvida stadionning 2, 3, 20, 21, CIP sektorlari, shuningdek VIP tribuna ostidagi o‘rindiqlarga tomoshabinlarni kirishiga taqiq qo‘yildi hamda “Navbahor lochinlari” klubiga nisbatan jarima intizom chorasi qo‘llanildi.
“Neftchi” — “Navbahor lochinlari”
Superliga chempionatining 4-turi doirasidagi “Neftchi” — “Navbahor lochinlari” uchrashuvidan so‘ng “Navbahor lochinlari” jamoasi murabbiyi Mixail Smirnov hakam sha’niga nomaqbul so‘zlar bilan haqorat qilganligi uchun maydondan chetlashtirilgan.
Tartib-intizom qo‘mitasi qaroriga ko‘ra, Mixail Smirnovga (“Navbahor lochinlari”) nisbatan 3 ta o‘yinga chetlashtirish (diskvalifikasiya) va jarima intizom choralari qo‘llanildi.
“Surxon” — “Qo‘qon-1912”
Superliga chempionatining 4-turi doirasidagi “Surxon” — “Qo‘qon-1912” uchrashuvining 52-daqiqasida “Qo‘qon-1912” jamoasi futbolchisi Xusniddin G‘ofurov raqib jamoa futbolchisi tirsagi bilan zarba berib, tajovuzkor harakat qilganligi uchun maydondan chetlashtirilgan.
Tartib-intizom qo‘mitasi qaroriga ko‘ra, Xusniddin G‘ofurovga (“Qo‘qon-1912”) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
Superliga chempionatining 4-turi doirasidagi “Surxon” — “Qo‘qon-1912” uchrashuvining 80-daqiqasida “Qo‘qon-1912” jamoasi futbolchisi Muhammadanas Hasanov raqib jamoa futbolchisining oyoq qismini bosganligi uchun maydondan chetlatilgan.
Tartib-intizom qo‘mitasi qaroriga ko‘ra, Muhammadanas Hasanovga (“Qo‘qon-1912”) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
“Bunyodkor” — “Qizilqum”
Superliga chempionatining 5-turi doirasidagi “Bunyodkor” — “Qizilqum” uchrashuvining 76-daqiqasida “Bunyodkor” jamoasi futbolchisi Temurxo‘ja Abduxoliqov raqib jamoa futbolchisini nomaqbul so‘zlar bilan haqorat qilganligi uchun maydondan chetlatilgan.
Tartib-intizom qo‘mitasi qaroriga ko‘ra, Temurxo‘ja Abduxoliqovga (“Bunyodkor”) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
“Nasaf” — “Surxon”
Superliga chempionatining 5-turi doirasidagi “Nasaf” — “Surxon” uchrashuvining 61-daqiqasida “Nasaf” jamoasi futbolchisi Oybek Bozorov to‘p yo‘q vaziyatda raqib jamoa futbolchisining bosh qismiga zarba berganligi uchun maydondan chetlatilgan.
Tartib-intizom qo‘mitasi qaroriga ko‘ra, Oybek Bozorovga (“Nasaf”) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
“Qizilqum” — “Qo‘qon-1912”
Superliga chempionatining 6-turi doirasidagi “Qizilqum” — “Qo‘qon-1912” uchrashuvining 40-daqiqasida “Qo‘qon-1912” jamoasi futbolchisi Iqboljon Malikjonov oyog‘i bilan raqib jamoa o‘yinchisining oyog‘iga tajovuzkorona zarba bergani uchun maydondan chetlatilgan.
Tartib-intizom qo‘mitasi qaroriga ko‘ra, Iqboljon Malikjonovga (“Qo‘qon-1912”) nisbatan 3 ta o‘yinga chetlashtirish (diskvalifikasiya) va jarima intizom choralari qo‘llanildi.
OKMK — “So‘g‘diyona”
Superliga chempionatining 6-turi doirasidagi OKMK — “So‘g‘diyona” uchrashuvining 90+2-daqiqasida “So‘g‘diyona” jamoasi futbolchisi Ehsoni Panshanbe o‘z texnik zonasida turib hakamni nomaqbul so‘zlar bilan haqorat qilgani uchun maydondan chetlatilgan.
Tartib-intizom qo‘mitasi qaroriga ko‘ra, Ehsoni Panshanbega (“So‘g‘diyona”) nisbatan 2 ta o‘yinga chetlashtirish (diskvalifikasiya) va jarima intizom choralari qo‘llanildi.
“So‘g‘diyona” — “Paxtakor”
Superliga chempionatining 4-turi doirasidagi “So‘g‘diyona” — “Paxtakor” uchrashuvida “Superliga va Proliga reglamenti”ning 15.1-bandida klub reglamentda belgilangan majburiyatlarni bajarmaslik yoki lozim darajada bajarmaganlik uchun javobgar hisoblanishi belgilangan bo‘lsa-da, “So‘g‘diyona” jamoasi uchrashuvni tashkil qilishdagi ko‘plab kamchiliklarga yo‘l qo‘ygani, jumladan, xavfsizlik choralariga amal qilinmaganligi, uchrashuvning 80-daqiqasida tribunadan ikki muxlis tushib kelib, uchrashuvni maydonga yaqin joydan tomosha qilganligi, lisenziyasiz shaxslarning texnik zonada yurganligi, uchrashuvdan so‘ng ham ikki muxlisning maydonga yugurib tushishi, zambil va zambil ko‘taruvchi xodimlarning yetarli darajada emasligi, zambil ko‘taruvchi xodimlar uchun o‘rindiqlar taqdim etilmaganligi va stadionda internet uchrashuvdan keyin ishlamaganligi kabi kamchiliklar aniqlanganligi qayd etilgan.
Tartib-intizom qo‘mitasi qaroriga ko‘ra, “So‘g‘diyona” klubiga nisbatan jarima intizom chorasi qo‘llanildi.
“Sho‘rtan” — “Mash’al”
Superliga chempionatining 6-turi doirasidagi “Sho‘rtan” — “Mash’al” uchrashuvining 90+3-daqiqasida “Sho‘rtan” jamoasi futbolchisi Murodxo‘ja Jabborov to‘p uchun kurashda raqib jamoa futbolchisiga oyog‘i bilan zarba bergani uchun maydondan chetlatilgan.
Tartib-intizom qo‘mitasi qaroriga ko‘ra, Murodxo‘ja Jabborovga (“Sho‘rtan”) nisbatan 2 ta o‘yinga chetlashtirish (diskvalifikasiya) intizom chorasi qo‘llanildi.
“Dinamo” — “So‘g‘diyona”
Superliga chempionatining 5-turi doirasidagi “Dinamo” — “So‘g‘diyona” uchrashuviga tez tibbiy yordam mashinasi o‘yin boshlanish vaqtidan o‘n ikki daqiqa kech kelganligi va uchrashuv kech boshlanganligi qayd etilgan.
Tartib-intizom qo‘mitasi qaroriga ko‘ra, “Dinamo” klubiga nisbatan jarima intizom chorasi qo‘llanildi.
“Neftchi” — “Paxtakor”
Superliga chempionatining 6-turi doirasidagi “Neftchi” — “Paxtakor” uchrashuvi davomida “Superliga va Proliga reglamenti”ning 15.1-bandiga asosan “Neftchi” jamoasi uchrashuvni tashkil qilishda bir qancha kamchiliklarga yo‘l qo‘ygan. Jumladan, uchrashuv davomida Liga komissari uchun ajratilgan xona va darvozalar ortida joylashgan fotograflar uchun ajratilgan maxsus hududda Wi-Fi internet tarmog‘i ishlamagani hamda uchrashuv avvalida jamoaviy suratga tushish uchun foydalaniladigan “Artel” brendi aks etgan maxsus konstruksiyaning 2024-yilgi mavsumdagisi maydonga olib chiqilgani qayd etilgan.
Tartib-intizom qo‘mitasi qaroriga ko‘ra, “Neftchi” klubiga nisbatan jarima intizom chorasi qo‘llanildi.
“Surxon” — “Navbahor lochinlari”
Superliga chempionatining 6-turi doirasidagi “Surxon” — “Navbahor lochinlari” uchrashuvi davomida “Superliga va Proliga reglamenti”ning 15.1-bandida klub reglamentda belgilangan majburiyatlarni bajarmaslik yoki lozim darajada bajarmaganlik uchun javobgar hisoblanishi belgilangan bo‘lsa-da, stadionning kirish eshigi xavfsizligi xodimlariga rasmiylar va jamoa vakillari mashinalar ro‘yxati berilganiga qaramasdan, uchrashuv rasmiylari mashinasi 15 daqiqa noma’lum sababga ko‘ra kiritilmagani qayd etilgan. Mazkur holat bo‘yicha “Surxon” klubi ushbu amaliyotni lozim darajada tashkil qilmagani qayd etilgan.
Tartib-intizom qo‘mitasi qaroriga ko‘ra, “Surxon” klubiga nisbatan jarima intizom chorasi qo‘llanildi.
“Buxoro” — “Nasaf”
Superliga chempionatining 6-turi doirasidagi “Buxoro” — “Nasaf” uchrashuvining 61-daqiqasida “Buxoro” jamoasi futbolchisi Sardor Qulmatov hakam qaroriga e’tirozi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Sardor Qulmatovga (“Buxoro”) nisbatan jarima intizom chorasi qo‘llanildi.
“Neftchi” — “Paxtakor”
Superliga chempionatining 6-turi doirasidagi “Neftchi” — “Paxtakor” uchrashuvining 15-daqiqasida “Paxtakor” jamoasi futbolchisi Umar Adhamzoda hakam qaroriga e’tirozi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Umar Adhamzodaga (“Paxtakor”) nisbatan jarima intizom chorasi qo‘llanildi.
“Bunyodkor” — “Qizilqum”
Superliga chempionatining 5-turi doirasidagi “Bunyodkor” — “Qizilqum” uchrashuvining 76-daqiqasida “Bunyodkor” jamoasi futbolchisi Nikoloz Mali hakamning qaroriga e’tirozi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Nikoloz Maliga (“Bunyodkor”) nisbatan jarima intizom chorasi qo‘llanildi.
Superliga chempionatining 5-turi doirasidagi “Bunyodkor” — “Qizilqum” uchrashuvining 62-daqiqasida “Qizilqum” jamoasi futbolchisi Nikola Kumburovich o‘yin vaqtini cho‘zganligi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Nikola Kumburovichga (“Qizilqum”) nisbatan jarima intizom chorasi qo‘llanildi.
“Neftchi” — “Navbahor lochinlari”
Superliga chempionatining 4-turi doirasidagi “Neftchi” — “Navbahor lochinlari” uchrashuvining 62-daqiqasida “Neftchi” jamoasi futbolchisi Ikrom Aliboyev hakamning qaroriga e’tirozi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Ikrom Aliboyevga (“Neftchi”) nisbatan jarima intizom chorasi qo‘llanildi.
“Surxon” — “Qo‘qon-1912”
Superliga chempionatining 4-turi doirasidagi “Surxon” — “Qo‘qon-1912” uchrashuvining 90+6-daqiqasida “Qo‘qon-1912” jamoasi futbolchisi Shahzod Beshimov hakamning qaroriga e’tirozi uchun sariq kartochka olgani qayd etilgan.
Tartib-intizom qo‘mitasi qaroriga ko‘ra, Shahzod Beshimovga (“Qo‘qon-1912”) nisbatan jarima intizom chorasi qo‘llanildi.
“Buxoro” — “Nasaf”
Superliga chempionatining 6-turi doirasidagi “Buxoro” — “Nasaf” uchrashuvi davomida “Superliga va Proliga reglamenti”ning 15.1-bandida klub reglamentda belgilangan majburiyatlarni bajarmaslik yoki lozim darajada bajarmaganlik uchun javobgar hisoblanishi belgilangan bo‘lsa-da, “Buxoro” klubi uchrashuvni tashkil qilishda kamchiliklarga yo‘l qo‘ygani, jumladan, tez tibbiy yordam mashinasining kech kelishi oqibatida uchrashuv 9 daqiqa kech boshlangani, Mikst zonani o‘rab turadigan to‘siqlarning yo‘qligi, ball-boylar uchun stullar taqdim etilmaganligi, stadion zambil va zambil ko‘taruvchilar bilan ta’minlamaganligi, uchrashuv komissari xonasida internet ishlamaganligi kabi holatlar qayd etilgan.
Tartib-intizom qo‘mitasi qaroriga ko‘ra, "Buxoro" klubiga nisbatan jarima intizom chorasi qo‘llanildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
