«Dinamo» — «Qizilqum» (3:2) uchrashuvidan keyingi matbuot anjumanida jamoamiz bosh murabbiyi Vadim Abramov jurnalistlar savollariga javob qaytarib, o‘yingohdagi futbol atmosferasi, zaxiradan tushganlar gol urgani va kambek haqida fikrini bildirdi.
«Shunaqasi ham bo‘lib turadi. Shuncha muxlislar qarshisida ularni quvontira olganimizdan juda xursandmiz. Bu samarqandlik muxlislar bilan birga qo‘lga kiritilgan g‘alaba bo‘ldi. Jamoa mag‘lub bo‘lib turganda ham minglab muxlislar stadionni tark etmay bizga ishonib turishgandi va ularning ishonchini qozona oldik. Bu juda xursand qiladi. O‘yin yakunida omad bizga kulib boqdi.
Ammo qayd etishim kerak – o‘yinimizda pasayish bor. Endi FIFA kunlari sababli tanaffus yuzaga keladi. Bundan foydalanib, futbolchilarni yaxshiroq tiklanib olishi uchun ishlarni olib boramiz. Bu orqali avvalgi holatimizga qaytishimiz kerak. Aksariyat o‘yinchilarimiz terma jamoalarga yo‘l olishadi.
— Ketma-ket ikki o‘yindan buyon raqib jamoalar «Dinamo» bilan o‘yinda himoyada «avtobus» qo‘yishmoqda. Bu jamoa o‘yiniga qay daraja ta’sir qiladi?
— Bu faqat «Dinamo» emas, istalgan jamoa uchun muammo bo‘ladi. O‘yin davomida bu to‘siqlarni yengib o‘tish uchun turli taktik ishlanmalar ustida doim ishlaymiz. O‘yinni nazorat qilish va to‘pni o‘zimizda saqlab, raqibni to‘psiz qoldirish evaziga bunga yechim topish mumkin. Umuman olganda, raqib himoyada o‘ynayotgan ekan, demak bizni hurmat qilishni boshlashgan.
— «Dinamo» qo‘l ostingizda bundan 26 yil avval – 1999 yilda Mahmud Rahimov boshqaruvida erishgan chempionatdagi 11 o‘yinlik mag‘lubiyatsiz seriya rekordini takrorladi...
— Bu xursand qiladi. Bunday natijani takrorlaganimiz yoqimli. Ammo biz hech qanday rekordlar ortidan quvmaymiz. Buni unutish kerak va shunchaki har bir o‘yinda o‘ynash kerak. Chunki rekordlar qachondir baribir tugaydi. Shu bois buning qandaydir hayratlanarli joyi yo‘q.
— Jamoa himoyasida saviyali va tajribali himoyachilar to‘p surayotgan bo‘lsa-da, so‘nggi ikki o‘yinda himoyadagi xatolar gollarga sabab bo‘ldi. Bu haqda fikringiz?
— Qo‘shilaman, hujum qilayotganda noto‘g‘ri qarorlar bunga sabab bo‘lmoqda. Bunga e’tibor qaratganmiz. Jamoa hujum qilayotganda, himoyachilar yuqoriroqqa chiqib yordam berayotganda belgilangan yarimhimoyachilar raqibni nazorat qilishi kerak. Bunday paytda og‘irlik himoyaga tushmoqda, garchi ular katta hajmdagi ishni bajarayotgan bo‘lsada. Tahlil qilib, buning ustida ishlaymiz.
— Zaxiradan tushirgan o‘yinchilaringiz burilish yasay olishdi. O‘rmonjonov hisobni tenglashtirdi, Qodirqulov g‘alaba golini urdi...
— Bu o‘yinchilar ham aslida asosiy tarkib o‘yinchilari. Tarkibimizda 22 o‘yinchining hammasi maydonga tushishga haqli. Ular istalgan payt maydonga tushib, o‘yinimizni kuchaytira olishadi.
— «Dinamo» kubok nimchorakfinalida «Lochin»ga qarshi o‘ynaydi. Ko‘pchilik bu raqib tushganidan quvonmoqda, ammo bu talabalar jamoasi «Surxon» va «Andijon»ni kubokdan chiqarib yuborganini unutmaslik kerak, shunday emasmi?
— Bu borada haqsiz, «Lochin» Superliga klublarini mag‘lub etib, oddiy jamoa emasligini ko‘rsatdi. Tarkibida tajribali o‘yinchilar bor. Biz ham ularni guruh bosqichida qiyinchilik bilan mag‘lub etgandik. Bu o‘yindan oldin 6 nafar futbolchimiz turli yoshdagi terma jamoalarimiz safiga chaqirilgan, ularga qarshi bahsda bor tarkibdan foydalanishimga to‘g‘ri keladi. Muxlislarni xafa qilmaslikka harakat qilamiz. Kubokda ham maqsadlarimiz bor.
— Fraydey ogohlantirilgan vaziyat haqida fikringiz...
— O‘sha vaziyatda VAR nega taklif etgani men uchun tushunarsiz. Chunki raqib futbolchisi simulsiya qilishga urindi, aslida unga sariq kartochka ko‘rsatilishi kerak edi deb o‘ylayman. Bu vaziyatdagi provakasiyasi uchun raqib o‘yinchisi ogohlantirilishi kerak edi.
Hozirdan ogohlantirib qo‘yishni istardim, keyin bizdan xafa bo‘lishmasin – bunaqa munosabat bilan biz tomondan endi hech qanday feyr-pley bo‘lmaydi! Maydonga o‘ynash uchun tushganlar shunchaki o‘yinni cho‘zishmoqda. Ular o‘yin tempini tushirmoqda, biz esa to‘pni yana ularga shunchaki qaytarishimiz kerakmi? Bu axmoqlik. Mana shunday vaziyatlarda endi to‘pni qaytarib bermaymiz va o‘ynashni davom ettiramiz. Buning uchun bizdan xafa bo‘lishmasin va hushtakbozlik ham qilishmasin. Shuncha o‘yin cho‘zilishlariga qaramay, bor yo‘g‘i 6 daqiqa qo‘shilgani ham hayron qoldirdi.
— Bugun muxlislar «Engilmas bu – oq armiya» yozuvli ulkan bannerni ko‘tarishdi. Bu mag‘lub bo‘lmayotgan o‘yinchilarga ta’sir qilmaydimi?
— Bu bosim yuklamaydi, aksincha futbolchilar shunday deyishlariga erisha olishdi. Aynan mana shu o‘yinchilarimiz stadionda minglab odamlar kelib, ularni qo‘llab-quvvatlayotganiga sabab bo‘lishdi. Shunday davom etishi kerak. Bunday atmosfera ularni ham xursand qiladi. Samarqand ahliga bizni qo‘llab-quvvatlash uchun kelayotganlari uchun rahmat deymiz va shu o‘rinda jamoamizdagi har bir o‘yinchidan ham minnatdorman, ular o‘z o‘yinlari bilan bunga erishmoqdalar
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
