O‘zbekiston Superligasining 12-turidan o‘rin olgan "Nasaf" - "Navbahor" (1:0) uchrashuvidan keyingi matbuot anjumanining ikkinchi qismida mezbonlar bosh murabbiyi Ro‘ziqul Berdiyev qatnashib, OAV xodimlarining savollariga javob berdi. "Ajdarlar" ustozi odatdagidek o‘z so‘zini o‘yin haqidagi fikrlari bilan boshladi.
- G‘alaba bilan barchani tabriklayman. Yaxshigina qarshilikka uchradik. Raqib uchrashuvga yaxshi tayyorgarlik ko‘rgani ko‘rinib turibdi va deyarli vaziyat yaratishga imkon bermadi. Raqib himoyasini xato qilishga majbur qildik va muhim uch ochkoni qo‘lga kiritdik. Bugun o‘yin tezligi yuqori bo‘lmadi. Havo ham issiq edi. Bugun natija uchun o‘ynaldi.
- Rubin Xebay nega o‘ynamay qo‘ydi?
- Sababi, Husayn Norchayev undan yaxshiroq sport formada. Norchayev bugun gol urmagandir, ammo jamoaga ko‘p yordam berdi. Xebay ham o‘yinga yaxshi qo‘shilib ketdi deb o‘ylayman. Agar zarbasi golga aylanganida, turning eng chiroyli gollaridan biri bo‘lar edi.
- Terma jamoa safidan qaytgan futbolchilarning holatlari qanday?
- Bu har doim ta’sir qiladi. Sababi terma jamoada va klubda turli xil tizimda tayyorgarlik ko‘riladi. Har bir futbolchining holati har xil. Akmal bugun bizga yordam berdi, ammo biz kutgan o‘yinni namoyish eta olmadi. Ba’zida ushbu faktor o‘z so‘zini aytadi.
- Akmal so‘nggi vaqtlarda maydonda ko‘p bahslashadigan bo‘lib qoldi...
- Suhbat olib borish kerak. U qiziqqon, ammo futbolchi o‘zini nazorat qila olishi kerak. Keraksiz joydan kartochka olib qo‘yishi mumkin.
- "Nasaf" futbolchilari ko‘pincha darvozabon hududidan gol urishmoqda, nega uzoq masofadan zarbalar kamayib ketdi. Bu sizning ko‘rsatmangizmi?
- Men uzoqdan tepinglar deb ko‘rsatma beraman. Angliya va o‘zbek futbolini taqqoslash ham noto‘g‘ri. Ba’zida yigitlar bunday qaror qabul qilishmaydi. Uzoq masofalardan ham gollar urdik. Bugun "Navbahor" yaxshi himoyalandi va bunday o‘yinlarda ko‘p vaziyatlar yaratilmaydi.
- Sherzod Nasrullayev bugun maydonga tushmadi...
- U terma jamoa safidan qaytdi va jamoa bilan birga ko‘p mashg‘ulot o‘tkaza olmadi. Yengil jarohati borligi tufayli, tavakkalga qo‘l urmadik. Keyingi uchrashuvlarda safga qaytadi degan umiddaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
