Superliga 13-turi doirasidagi «Dinamo» — «Bunyodkor» (0:3) uchrashuvidan keyin mezbonlar bosh murabbiyi Vadim Abramov matbuot anjumanida ishtirok etdi.
— Avvalo, muxlislardan uzr so‘rashim to‘g‘ri bo‘ladi, bugun minglab muxlislar stadionga kelgandi, ammo biz bayramona kayfiyatni ulasha olmadik. Barcha muxlislardan uzr so‘raymiz. Vaziyatni keyingi o‘yinlarda o‘nglashga harakat qilamiz.
O‘yin haqida gapiradigan bo‘lsam, bahsni yomon boshlamadik, ammo eng alamlisi raqib safidagi bir futbolchi – Temurxo‘ja Abduxoliqov butun jamoamizni yakkalikda mag‘lub etdi. Bu vaziyatda himoya chizig‘i qo‘pol xatoga yo‘l qo‘ydi, ikkita xato uzatma va biz ikkita to‘pni o‘tkazib yubordik. Ikkinchi bo‘limda vaziyatni o‘nglash uchun chiqqandik, ammo yana biz gol urishimiz kerak bo‘lgan joyda ular urishdi. Bu vaziyatda ham birgina Abduxoliqov uch kishini dog‘da qoldirdi. Bunday o‘ynamaslik kerak. Xatolarni tahlil qilamiz.
— Futbolda mag‘lub bo‘lmagan jamoa bo‘lmaydi. Bu mag‘lubiyat jamoaga sovuq dush kabi ta’sir qiladimi?
— Shunga umid qilaman, chunki hammasi jamoaning bu mag‘lubiyatga qanday reaksiya bildirishiga bog‘liq. Uch kundan keyin safarda Qo‘qon jamoasiga qarshi o‘ynaymiz. Bugungi o‘yindagi xatolarni o‘sha o‘yinda tuzatishimiz shart.
— Ilk mag‘lubiyatga qaramay, o‘yindan keyin muxlislar «Dinamo»ni olqishlar ostida kuzatib qo‘yishdi...
— Bugun ularni xursand qilishni maqsad qilgandik, shunga harakat qildik, ammo bugun bizning kunimiz emasdi. Harakatlarimiz samarasini bermadi. Kechirib bo‘lmas xatolar gollarga sabab bo‘ldi. Ba’zi vaziyatlarda sovuqqonlik ham yetishmadi.
Mag‘lubiyatdan fojia yasamaymiz, hammasi hali oldinda. Ammo men uchun bundan to‘g‘ri xulosa chiqarib, mag‘lubiyatga yarasha javob qaytara olishimiz juda muhim. Qachondir mag‘lub bo‘lardik, baribir.
— «Dinamo» 1-davraning eng yorqin jamoalaridan biri bo‘lmoqda. Shunga qaramay, jamoa davralar oralig‘ida qaysi chiziqlarni kuchaytirmoqchi? Sababi yuqori o‘rinlar uchun kurashishga ba’zi chiziqlarni kuchaytirish kerakligi ko‘rinib turibdi...
— Shubhasiz, 2-davra oldidan kuchayishimiz kerak. Ammo qaysi chiziqlarni kuchaytirish haqida gapirishga hali erta. Oldinda muhim o‘yinlarimiz bor va ularda bizga yordam bera oladigan futbolchilar talaygina. O‘zgarishlar haqida esa gapirishga erta, vaqti kelsa bilib olasiz, — dedi Vadim Abramov o‘yindan keyin.
«Dinamo» PFK matbuot xizmati
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
