“Andijon” yozgi seleksiya jarayonida tarkibini bir qator futbolchilar bilan to‘ldirayotganidan xabardorsiz.
Yaqinda “Burgutlar” a’zosiga aylangan polshalik himoyachi Kristian Novak ayni paytda jamoa bilan Tojikistondagi yig‘inda ishtirok etyapti.
Kuni kecha “Andijon”ning yangi legioner klub matbuot xizmatiga ilk intervyusini berdi.
- Kristian, “Andijon” klubiga xush kelibsiz! Bu taklif siz uchun qachon sodir bo‘ldi va sizni rozi bo‘lishingizga asosiy sabab nima edi?
- Qozog‘istonning “Jenis” klubi bilan shartnomani bekor qildim va “Andijon”dan taklifni qabul qildim. Ular menga taqdim qilgan loyiha, jamoaning qanday ishlashi, Osiyo Chempionlar ligasida ishtirok etishi, muxlislar – bularning barchasi meni shartnoma imzolashimga asosiy turtki bo‘ldi. Murabbiy ham muhim qismi bo‘ldi. Chunki uni “Paxtakor”da bosh murabbiylik qilganini bilardim. Mening do‘stim Banashak ushbu klubda o‘ynagan va shu jihatdan men Maksim Shaskixni tanirdim. Bu esa meni shartnoma imzolashimga turtki bo‘ldi.
- Jamoa bilan birinchi mashg‘ulotingizni o‘tkazganingizda muxlislar sizni nihoyatda iliq qarshi oldilar. Dastlabki kundanoq mana shunday muhitni kutganmidingiz?
- Men o‘yinlarni tomosha qildim. Muxlislar tasavvur qilib bo‘lmas darajadagi atmosferani yaratishgan. Futbolchilarni ajoyib qo‘llab-quvvatlashadi. Meni ham zo‘r kutib olishdi. Ikkinchi davra boshlanishidan oldin bu biz uchun katta ruhlanishimizga sabab bo‘lyapti.
- Ikkinchi davra “Andijon” uchun juda muhim. Jamoa chempionatdagi o‘rnini yaxshilashi va Osiyo Chempionlar ligasida debyutini o‘tkazishi lozim. Bu haqida nima deya olasiz?
- Ikkinchi davra oldidan tayyorgarlik mashg‘ulotlarini o‘tkazyapmiz. Mavsumning ikkinchi qismiga yaxshi formada kirib borishga harakat qilamiz. Murabbiylar barchasini rejalashtirib chiqishgan. Qo‘limizdan kelganicha qattiq mehnat qilib, mavsumning qolgan qismida eng yaxshi natijalarni qo‘lga kiritishga harakat qilamiz. Ushbu ijobiy natijalarimiz ikkinchi davraning ilk o‘yinidan boshlanishidan umidvormiz. OCHLdagi debyut uchrashuvimiz ham juda muhim hisoblanadi. Buni hamma anglab turibdi. Barchaning xohishi kuchli va ular buning uchun qanchalik jonini berib mashg‘ulotlar o‘tkazayotganidan ko‘rishingiz mumkin. Jamoaning har bir a’zosi bunga tayyor bo‘lishi uchun juda qattiq shug‘ullanmoqda.
- Qaysi raqamni tanladingiz?
- 27-raqamni kiyaman. Bu menga juda yoqadi. Kelganimda ushbu raqam bo‘sh ekan. So‘nggi paytlarda odatda 15-raqamda to‘p surardim. Lekin bu jamoada band qilingan ekan, boshqa futbolchi o‘ynarkan. Shu bois 27 ni tanladim.
- Siz ilgari Yevropa chempionatlarida o‘ynagansiz. Osiyoga esa birinchi bor kelyapsiz. Bu sizning faoliyatingizda yangi sahifa, shundaymi?
- Qozog‘istonda o‘ynadim va bu Osiyoga yaqin. Bundan tashqari, Yevropaning yana boshqa bir nechta mamlakatlarida ham o‘ynaganman. Turli davlat va ligalarga moslashishda menda muammo yo‘q, deb hisoblayman. Har bir mamlakat, yangi joy, yangi chaqiriq va yangi vazifa. Bularning barchasiga men doim optimistik kayfiyatda yondashaman. Hammasi yaxshi bo‘lishiga ishonib kelaman.
- Siz bungacha O‘zbekiston fuboli va “Andijon” haqida nimalarni bilardingiz?
- Meni do‘stim Psemislav Banashak “Paxtakor”da o‘ynaganida menga liga haqida gapirib bergan. “Andijon”ning bir nechta o‘yinlarini tomosha qilganman. Bu juda ham muhimki, jamoa tabiiy maydonda o‘ynarkan. Stadion katta. Barchasi menga professional futbol atmosferasidek tuyulyapti. Andijonda muxlislar jamoani juda qattiq va kuchli qo‘llab-quvvatlashadi. Bu narsani har bir uchrashuvda namoyish etishadi. Bu har bir insonga motivasiya beradi. Oldinda kutib turgan birinchi o‘yinimni sabrsizlik bilan kutyapman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
