OCHL 2 qur’asi haqida raqiblar va mutaxassislarning fikrlarini e’tiboringizga havola qilmoqdamiz. Bu borada «Andijon» futbolchilarining ham qanday munosabatda ekanliklarini bilish muhim sanaladi. Shu sababli klub matbuot xizmati ayrim o‘yinchilarning qur’a borasidagi fikrlariga quloq soldi.
Erjan Tokotayev: “Yaqqol favorit yo‘q”
“Yaxshi, teng kuchli guruh, yaqqol favorit yo‘q. Hamma jamoalar chiroyli futbol namoyish etishga qodir. Yuqori natija ko‘rsatish umidida turnir boshlanishini kutmoqdamiz”.
Islom Mamatkazin: “Guruhdan chiqsak pley-offda «Al-Nassr» bilan o‘ynash nasib qiladi, deb o‘ylayman”
“Qur’ani biz o‘ylagandek o‘tdi, desa ham bo‘ladi. Jamoamizdagi ko‘plab futbolchilar bilan birga guruhimizda «An-Nasr» bo‘lishini xohlagandik. Xudo xohlasa, yaxshi o‘yinlar ko‘rsatib, guruhdan chiqsak pley-offda «An-Nasr» bilan o‘ynash nasib qiladi, deb o‘ylayman”.
Otabek Jo‘raqo‘ziyev: “Bizni oldinda ajoyib uchrashuvlar kutmoqda”
“Qur’aga keladigan bo‘lsak, zo‘r jamoalar tushdi, deb o‘ylayman. Qatarda chempionat endi boshlandi. Raqibimiz bitta uchrashuv o‘tkazdi. Turkmaniston chempionati davom etmoqda, raqibimiz hali birorta uchrashuvda mag‘lub bo‘lgani yo‘q. Bahrayn chempionatiga kelsak, ular ham mamlakatning grand klublaridan biri hisoblanadi. Bizni oldinda juda ajoyib uchrashuvlar kutib turibdi. Bo‘lajak o‘yinlarda muhim g‘alabalarni qo‘lga kiritib, keyingi bosqichga chiqish uchun harakat qilamiz hamda muxlislarimizni xursand qilamiz”.
Bektemir Abdumannonov: “Balki finalgacha borarmiz”
“Qur’ada Saudiya klubi - «Al-Nassr» tushishini kutgandim. Yaxshi raqiblar bo‘ldi. Guruhdan chiqishimizga imkoniyatimiz ko‘proq. Qatar, Bahrayn va Turkmanistonni yaxshi jamoalari ro‘baro bo‘ldilar. Munosib o‘yinlar ko‘rsatib, keyingi bosqichga chiqishga harakat qilamiz. Balki keyingi bosqichlarda «Al-Nassr» bilan to‘qnash kelib qolsak kerak. Ronalduga qarshi o‘ynash niyatimiz bor. Guruhda maksimal ochkolarni to‘plashga bor kuchimizni ishga solamiz. Hammasi yaxshi raqiblar. Ochkolarni ko‘paytirishga harakat qilamiz. Balki finalgacha borarmiz. Omad kelsa ko‘p narsa hal bo‘lib ketishi mumkin. Muxlislarimizni xursand qilmoqchimiz”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
