Braziliya terma jamoasi bosh murabbiyi Karlo Anchelotti o‘zining yangi «Orzu — Chempionlar ligasida g‘alaba» nomli avtobiografiyasida 2011 yili «Chelsi»dan bo‘shagan payti haqida batafsil yozib o‘tdi. O‘shanda klub rossiyalik oligarx Roman Abramovichga tegishli edi.
«Men tushunardimki, ilgarigi yutuqlarim meni faqat ma’lum darajagina olib borishi mumkin. Abramovich aniq ko‘rsatgan edi: u «Chelsi» bilan Chempionlar ligasini yutishni va jamoaning maydonda o‘z yuziga ega bo‘lishini istardi. Endi men rus oligarxi uchun ishlardim va kutilgan narsa shunda ediki — hamma narsa doim ideal bo‘lishi kerak.
Agar biror narsa xato ketsa, u nega shunday bo‘lganini bilishni xohlardi. Mening ishim esa javob berishdan iborat edi. Ana shu paytda birinchi marta klubdagi davrim uzoqqa cho‘zilmasligini his qilganman. Birinchi mavsumida «Inter» bizdan ustun kelganidan keyin ertasi kuni Abramovich bazaga kelib, «Nima noto‘g‘ri ketdi?» deya tushuntirish talab qildi.
Men hech qachon Berluskonidan ham shunday bosim sezmaganman. U talabchan edi, ba’zan menga kerak bo‘lmagan futbolchilarni sotib olardi va ularni jamoaga qo‘shishimni yoki taktika haqida bahs qilishimni kutardi. Lekin ko‘pincha u Italiya bosh vaziri bo‘lgani uchun mayda-cho‘yda ishlar bilan shug‘ullanishga vaqti yo‘q edi.
Ertasi kuni Abramovich faqat men bilan emas, balki butun jamoa bilan suhbatlashdi. Meni qiynagan jihat — Mourinyoning triumfi edi, u rahbar bilan munosabatlarimga jiddiy ta’sir qildi. Men Mourinyoning aksi bo‘lgna shaxs bo‘lishim kerak edi: tinch, muvozanatli va jamoani dramalardan so‘ng barqarorlashtiruvchi murabbiy. Ammo reja amalga oshmadi va bu klub xshjayinining g‘ururiga zarba berdi.
Abramovichning fikricha, mening muvaffaqiyatimning asosiy mezoni Yevropadagi natijalar edi. Chempionlar ligasi esa ishimga nuqta qo‘ydi. «Manchester Yunayted» bizga chorak finalda qarshi chiqdi va o‘yinda men uning sevimli futbolchisini taym oralig‘ida maydondan oldim.
Javob uchrashuvidan oldin Abramovich futbolchilarni ogohlantirdi: agar g‘alaba qozonmasak, o‘zgarishlar bo‘ladi. U menga esa mag‘lubiyat bo‘lsa, ertasi kuni umuman ishga kelmasligim mumkinligini aytdi. Torresning ishonchi yo‘qolgan, transfer narxi uni qiynardi. Abramovich esa mag‘lubiyat qanday oqibatlarga olib kelishi mumkinligini ochiq aytdi.
Keyin esa — iste’fo muqarrar edi. Torres uning shaxsiy qaroridan kelib chiqib klubga olib kelingandi, Fernandoni almashtirishim esa rahbarga ochiqcha qarshi chiqish bo‘ldi. O‘sha paytda bir onga esdan chiqaribmanki, murabbiy hech qachon xo‘jayinni yuta olmaydi.
Balkim, Abramovich mendan voz kechib to‘g‘ri ish qilgandir. Keyingi mavsumda «Chelsi» nihoyat Chempionlar ligasini yutib oldi, ammo yarim yildan so‘ng mening vorisimni ham ishdan bo‘shatdi. Men esa «Chelsi»dagi har kunimni yaxshi xotira bilan eslayman», — degan Anchelottining so‘zlarini The Sun keltiradi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
