Agar biz futboldagi kambag‘al bola haqida gapiradigan bo‘lsak, unda yosh braziliyalik «Bobbi» Endrik Mixail Mudrik bilan «asosiy qayg‘u» unvoni uchun bahslashishi mumkin. Bu mavsum u hali maydonga tushmadi va atigi 5ta o‘yinda qaydnomaga kiritildi. Mbappe va hatto yosh Garsiyaga ham raqobatda ochiqchasiga yutqazdi.
Aslida u «Real»ga yosh braziliyaliklar uchun odatdagidek, katta shov-shuv bilan keldi. 16 yoshida o‘zi tarbiya topgan «Palmeyras»da o‘ynashni boshladi va «Yangi Pele» laqabini oldi. Tashqi ko‘rinishidan ham, maydondagi harakat uslubidan ham «Futbol qiroli»ga o‘xshaydi. Madrid klubi ham uning potensialiga ishondi va buning uchun ikkilanmasdan 47,5 million yevroning bahridan kechdi.
«Madrid»dagi start ancha kuchli chiqdi. Mediada braziliyalik iqtidor darhol «Galaktikos» ruhiga ega ekanligini aniq ko‘rsatdi: Endrik afsonaviy intervyu berdi, u yerda Ronaldu va Charltonni o‘z kumirlari deb atadi va shu sababli «Bobbi» laqabini oldi. Buning ustiga bir yildan kamroq vaqt davomida uchrashib yurgan modelga uylandi. Tabiiyki, bu voqe’likdan keyin barcha ommaviy axborot vositalarida katta shov-shuvga sababchi bo‘ldi.
Futbol maydonida ham yomon emasdi, La Ligadagi debyut o‘yinida gol urdi. Keyin buni Yevropa Chempionlar ligasidagi debyut o‘yinida ham takrorladi. Bu orqali klublar bosh turnirida «Real»ning eng yosh gol muallifi bo‘ldi. Shu bilan birga, u terma jamoaga muntazam chaqirildi va hatto asosiy tarkibda o‘ynadi. Aniq narsa shundaki, jonli Mbappe bilan «Real»ning asosiga kirish mumkin emas, ammo muxlislar u hech bo‘lmaganda o‘yinlar oxirida o‘z daqiqalarini olishiga ishonishdi.
Boshida shunday bo‘ldi ham, lekin keyin u tarkibda juda kam ko‘rinish bera boshladi. «Bobbi» shunchaki «Real»ning giper-raqobatbardosh hujumida o‘z o‘rniga ega emasdi. U memlar qahramoniga aylandi, ehtimol siz ham uning zaxira o‘rindig‘idagi fotosuratini ko‘rgandirsiz, go‘yo onasi uni jele yeyishga majbur qilayotgandek... O‘tgan mavsumdan uning hisobida jami 900 daqiqa va 7ta gol bor, ammo ulardan 5tasi kubokda. Mart oyidan esa «Bobbi» terma jamoaga ham chaqirililmay qoldi.
May oyida jarohat oldi va 2 oyga ketdi. U tiklanayotgan paytda esa uning hujumdagi raqobatchisi, klub tarbiyalanuvchisi - «Yangi Raul» Garsiya Klublar o‘rtasidagi jahon chempionatida porladi. Tabiiyki, u Alonsoga yoqdi va Gonsaloni asosiyda qoldirdi. Endrik esa endi unda o‘yin vaqti kam bo‘lishi haqida ogohlantirildi. Ammo braziliyalik iqtidor qolishga va orzular klubida joy olish uchun kurashishga qaror qildi.
Biroq avgustda yana jarohat oldi. Va hozircha «Real»ning yangi «to‘qqizligi» klub rejalariga mutlaqo mos kelmaydi. Albatta, uni xato transfer va yangi Reynyer deb atashga hali erta, u atigi 19 yoshda, Vinisius ham shu darajaga yetguncha uzoq vaqt ishlagan.
Shuni tan olish kerakki, Endrikning Yevropadagi faoliyati boshlanishi juda og‘ir bo‘ldi. Unga faol qiziqayotgan «Marsel»ga ijaraga ketish yosh iqtidor uchun najot yo‘li bo‘lishi mumkin. Ammo u yerda ham asosiy tarkibdan joy kafolatlanmaydi.
M.PO‘LATOV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
