Ispaniyaning “Barselona” klubi rasmiy ravishda yangilangan “Kamp Nou” stadionida 2029 yilgi UYEFA Chempionlar Ligasi finalini o‘tkazish uchun nomzodlik berayotganini e’lon qildi.
Oradan ko‘p o‘tmay, “Barselona” rahbariyati 2030 yilgi FIFA Jahon chempionati finalini ham aynan “Kamp Nou”da o‘tkazish huquqini qo‘lga kiritish uchun yashirin tarzda ish olib borayotgani haqida xabarlar paydo bo‘ldi.
Biroq bu borada “Real Madrid” ham kurashdan chetda emas. Madrid klubi turnirning eng muhim uchrashuvi — final o‘yinini “Santiago Bernabeu” stadionida o‘tkazish uchun harakat qilmoqda.
Qayd etilishicha, “Barselona” 2030 yilgi Jahon chempionati finalini “Kamp Nou”da o‘tkazish borasida “Real Madrid”ga qaraganda ustunlikka ega bo‘lishi mumkin.
Ma’lumki, 2030 yilgi Jahon chempionati Portugaliya, Ispaniya va Marokash davlatlari tomonidan birgalikda o‘tkaziladi. FIFA hozirda final uchun uchta asosiy variantni ko‘rib chiqmoqda: “Santiago Bernabeu”, “Kamp Nou” va Kasablankadagi “Hassan II” stadioni. Yakunda aynan shu stadionlardan biri tanlanadi.
Shu munosabat bilan Barselona shahri meri Jaume Collboni Kataloniya poytaxti 2030-yilgi Jahon chempionati finalini o‘tkazish uchun kurashni davom ettirishini yana bir bor tasdiqladi.
Barselona shahri FIFA uchun ko‘plab afzalliklarga ega. Garchi hozircha favorit sifatida “Santiago Bernabeu” ko‘rilayotgan bo‘lsa ham, shahar o‘zining kuchli dalillariga tayanmoqda.
Asosiy ustunliklardan biri — iqtisodiy omil. Ta’mirlash ishlari tugagach, “Kamp Nou” sig‘imi 105 ming tomoshabinga yetadi. Bu “Santiago Bernabeu”dagi 84 ming o‘ringa nisbatan 21 mingta ko‘proq demakdir.
So‘nggi yillarda yirik futbol tadbirlari uchun chipta narxlari keskin oshdi. Masalan, AQSHda 19 iyul kuni “Metlayf” stadionida o‘tkaziladigan final uchrashuvi uchun chiptalar narxi 3000 yevrodan yuqori bo‘ladi.
Hisob-kitoblarga ko‘ra, agar final “Kamp Nou”da o‘tkazilsa, FIFA Madridga nisbatan 20 million yevro ko‘proq qo‘shimcha daromad olishi mumkin. Bu esa qaror qabul qilishda muhim omil bo‘lishi mumkin.
Kasablankadagi “Hassan II” stadioni ham nomzodlardan biri bo‘lsa-da, u “Kamp Nou” yoki “Santiago Bernabeu” kabi tarixiy futbol nufuziga ega emas.
Bundan tashqari, Barselona va Madrid infratuzilma hamda stadionlarning shahar ichida joylashgani jihatidan ham ustunlikka ega. “Hassan II” stadioni juda ulkan loyiha bo‘lishi kutilmoqda, ammo u shahar markazidan ancha uzoqda joylashadi.
Ispaniya shaharlari esa yirik xalqaro tadbirlarni o‘tkazishda katta tajribaga ega va logistika masalalari ham ancha qulay hisoblanadi.
Shuningdek, kuchli futbol an’analari ham FIFA uchun muhim omil hisoblanadi. Tashkilot so‘nggi yillarda Qatar va AQSH kabi yangi futbol bozorlari mundialga mezbonlik qilganidan so‘ng, yana an’anaviy futbol markazlarini ham e’tiborga olishni istamoqda.
Yakuniy qaror hali qabul qilinmagan, biroq Barselona shahri bu kurashdan voz kechmoqchi emas. Hozircha e’tibor ko‘proq “Santiago Bernabeu”ga qaratilgan bo‘lsa-da, “Barselona” o‘z imkoniyatlarini saqlab qolmoqda.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
