«Andijon» – «Mash’al» (2:0) o‘rtasidagi o‘yindan keyingi matbuot anjumanida mezbonlar bosh murabbiyi Samvel Babayan o‘z fikrlari bilan o‘rtoqlashdi.
- Assalomu alaykum. Barcha muxlislarimizni g‘alaba bilan tabriklayman. Mag‘lubiyatlardan keyin bu g‘alaba bizga juda kerak edi. Futbolchilarimizning bugungi uchrashuvga reaksiyalari ham muhim edi. Yigitlar yaxshi futbol va yaxshi temp ko‘rsatishdi. Asosiysi, biz g‘alaba qozondik. Yanada bemalol harakat qilishimiz uchun hisob bundan ham yirik ko‘rinish bo‘lishi mumkin edi. Muhimi, jamoamizning maydonda g‘alaba uchun o‘ynashidir. Yana alohida aytishim kerakki, biz tiklanish jarayonini yaxshi o‘tkazdik. Maydonda dominantlik qiladigan o‘yinni ko‘rsatishga harakat qilamiz. O‘yinlarimizni 100 foiz to‘liq kuch bilan harakat qilishini xohlaymiz. Asosiy tarkibda o‘zgarishlarga qo‘l urdik. Damir Temirov asosiy tarkibda maydonga tushdi. To‘liq o‘yinimizni shakllantirib olish uchun bizga yana biroz vaqt kerak. O‘ylaymanki, o‘yinimiz yanada ochiladi va muxlislarimizni xursand qilamiz.
- Kelayotgan Ramazon hayiti va Navro‘z bayrami bilan tabriklayman. Ko‘rinib turibdiki, siz natijadan qoniqdingiz, o‘yindan ham qoniqdingizmi?
- Kuzatgan bo‘lsangiz men o‘yinni boshidan to oxirigacha o‘tirganim yo‘q. Uchrashuv davomida ko‘rsatmalar berib turdim. Murabbiy agar o‘yindan to‘liq qoniqdim desa faoliyatini tugatsa ham bo‘ladi. Bilasizmi, men avvalo o‘yinchilarga xarakter ko‘rsatishgani uchun rahmat. Muvaffaqiyatsiz uchrashuvlardan so‘ng o‘zlarini tiklab, g‘alaba uchun kurashishgani uchun minnatdorchilik bildiraman. Yigitlar o‘zlarini ko‘rsatishdi, agressiv harakat qildilar va hujumlarda faol bo‘lishga intildilar. Pressingda yaxshi o‘ynagani uchun sardorimiz Dragan Cheranni alohida e’tirof etgan bo‘lardim. Bu borada faollik ko‘rsatish bo‘yicha rekord qo‘ydi, desam bo‘laveradi. Goldan keyin yana hujumlarimizni kuchaytirishimiz lozim edi. Bu qaltis hisob edi. Ikkinchi bo‘limda yanada agressiv o‘ynay boshladik. Raqibga bosim o‘tkazishimiz bilan ular xato qila boshladi. Birinchi taymda shunday qilishimiz kerak edi, ikkinchi taymda bosimlar o‘tkazganimiz tufayli ijobiy natijaga erishdik. Maydonda bir futbolchi ko‘p bo‘lib o‘ynaganingda kerakli o‘yin uslubini tanlagan holda o‘yin ko‘rsatish kerak va ko‘zlagan maqsadga erishish mumkin. Raqibni o‘yin oxirigacha bosimda ushlab turdik.
- Jamoangizda xavfli hujumlar ko‘p bo‘ldi, biroq ulardan yetarli darajada foydalanishda oqsayapti. Bu haqida fikringiz?
- Biz ko‘p imkoniyatlarni tashkil qilganimizni yaxshi holat deb o‘ylayman. Bu borada ish olib boryapmiz. Bizda yangi jamoa shakllanyapti. Jamoani noldan qurishni boshladik. Shu sababli ko‘p vaziyatlarda qayta ishlash zarurligi ko‘rinib turibdi. Imkoniyatlardan unumli foydalanish bo‘yicha kerakli ishlarni olib boramiz va buning yechimini qilishda o‘z ustimizda ko‘proq ishlashga bog‘liq. Shu bilan birgalikda mamlakatimizdagi barcha ishqibozlarni yurtimizda nishonlanadigan navro‘z bayrami va Ramazon Hayit bayrami bilan tabriklayman hamda hammaga tinchlik-omonlik tilab qolaman.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
