Osiyo futbol konfederasiyasi koeffisientlar jadvalini hisoblash tartibiga o‘zgartirish kiritdi. Bu haqda Alisher Nikimbayev o‘zining Feysbukdagi sahifasi orqali ma’lumot berib o‘tdi.
Birinchidan, OFKning texnik jadvalida klublar va terma jamoalar to‘playdigan ballar nisbati 70/30dan 90/10ga o‘zgardi. Ya’ni klublar jamg‘aradigan ochkolarning salmog‘i oshirildi.
Ikkinchidan, OFK ilk marta klublarning saralash pley-off bosqichidagi natijalarini inobatga oladigan bo‘ldi. UEFAdan farqli ravishda, bu saralashdagi ballar alohida hisoblanadi. Pley-offdagi ishtirok uchun har bir jamoa 0,3 ball (OFK kubogi — 0,1) oladi. G‘alaba uchun ham 0,3 ball (OFK kubogi — 0,1) beriladi. Durang yoki penaltilar seriyasidagi g‘alaba uchun — 0,15 ball (OFK kubogi — 0,05).
Buni misol yordamida tushuntiradigan bo‘lsak, O‘zbekiston 2017 yilgi OCHLda 3ta klub bilan ishtirok etadi. Ikkita jamoamiz o‘z ishtirokini saralashdan boshlasa, bir klubimiz to‘g‘ridan-to‘g‘ri guruh bosqichida qatnashadi. Deylik, bir jamoamiz o‘z ishtirokini saralashda yakunlab, ikkinchisi guruh bosqichi yo‘llanmasini qo‘lga kiritadi.
Masalan, "X" jamoa saralashda g‘alaba qozondi va buning uchun 0,6 ball oldi, "Y" jamoa esa ilk o‘yindayoq yutqazdi va 0,3 ballga ega bo‘ldi. Shundan keyin, guruh bosqichida ishtirok etgan "X" 6 ochko to‘pladi. Guruhdan to‘g‘ridan-to‘g‘ri qatnashgan "Z" 7 ochko jamg‘ardi deylik. Bunda bir mamlakat jamoalarining guruh bosqichidagi o‘rtacha bali hisoblansa, saralash bosqichidagi ballar umumlashtiriladi hamda ikkala ochkolar bir-biriga qo‘shiladi.
Saralash bosqichi uchun: 0,6+0,3=0,9
Guruh bosqichi uchun: (6+7)/2=6,5
Jami: 0,9+6,5=7,4
Sal murakkabroq hisob-kitob, lekin shunday qilinsa, adolatliroq bo‘ladi.
Uchinchidan, 2017 yilning noyabr oyida yuzaga kelgan koeffisientlar jadvali orqali OFK 2019-2020 yilgi mavsumlar uchun kvotalarni taqsimlaydi.
OFKning yangi tizimi va FIFAning dekabr oyidagi reytingi asosida shakllantirilgan hozirgi kundagi jadvalga nazar tashlasak, O‘zbekiston G‘arb mintaqasida 5-o‘rinni egallab turibdi. Mamlakatimiz 4-o‘rindagi Erondan 13,5 ballga ortda qolmoqda. 2019-2020 yilgi mavsumlar uchun OCHLdagi kvotalarimiz sonini oshirish uchun ana shu farqni yo‘qqa chiqarishimiz kerak bo‘ladi.
OFK koeffisientlar jadvali (G‘arb mintaqasi)
1. BAA — 90,000 + 6.658 = 96,658
2. Qatar — 75,839 + 5.049 = 80,889
3. Saudiya Arabistoni — 64,4354 + 7.432 = 71,867
4. Eron — 49,395 + 10.000 = 59,395
5. O‘zbekiston — 38,918 + 6.916 = 45.834
Paxtakor
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
