Ispaniya chempionatining 20-turi doirasida "Betis" mehmoni bo‘lgan "Barselona", kutilmaganda, ochko yo‘qotdi. "Ko‘k-anorranglilar" mag‘lubiyatdan qutulib qoldi, desak to‘g‘riroq bo‘ladi.
Enrike shogirdlari uchrashuv boshidanoq yo raqibni mensimasdan o‘ynashdi, yoki ular kuchni tejab harakat qilishdi. Andalusiyaliklar esa o‘z muxlislari oldida yuqori ishtiyoq bilan o‘yin olib borishdi. Mezbonlar himoya haqida emas, ko‘proq hujum haqida bosh qotirishdi va ular tanaffusga qadar bir nechta imkoniyatlarni golga aylantira olishmadi. Bahsning 38-daqiqasida esa kataloniyaliklar o‘ta qulay vaziyatdan foydalana olishmadi. Messining ajoyib uzatmasidan keyin Neymar yakkama-yakka vaziyatga chiqib ketdi. Uning zarbasini Antoni Adan qaytarishga muvaffaq bo‘ldi.
"Barsa"ning sust o‘yinidan foydalangan mezbonlar ikkinchi bo‘limda ham hujumkor o‘yin namoyish qilishda davom etishdi. Jumladan, "Betis"ning ikkita zarbasidan keyin to‘p to‘sin va ustunga tegib qaytganini e’tirof etish lozim. Andalusiyaliklar 75-daqiqasida gol bilan mukofotlanishdi. Burchakdan yetkazilgan to‘pni Ter Shtegen muvaffaqiyatsiz qaytardi, Alegriya esa yaqin msofadan darvozani ishg‘ol qildi.
Ushbu goldan keyingina "Barselona" uyg‘ondi va darhol hisobni tenglashtirishi mumkin edi, agar hakamlar ichkaridan qaytarilgan to‘pni inobatga olishganida. Shunga qaramay, "ko‘k-anorranglilar" mag‘lubiyatdan qutulib qolishdi. Bahsning so‘nggi daqiqasida Messi to‘pni yo‘qotgandek ko‘ringandi, ammo argentinalik futbolchining o‘zi o‘sha zahoti raqibdan to‘pni olib qo‘ydi va Suares birga-bir vaziyatga chiqardi. Urugvaylik futbolchi imkoniyatni ko‘kka sovurmadi. 1:1.
Ushbu durang tufayli, "Barselona" yo‘qotilgan ochkolar bo‘yicha "Real"dan 7, "Sevilya"dan 3 ochko ortda qoladigan bo‘ldi.
Ispaniya La ligasi, 20-tur
"BETIS" - "BARSELONA" - 1:1 (0:0)
Gollar: 1:0 – 75 Alegriya, 1:1 – 90 Suares.
Betis – Adan, Pichchini, Toshka, Pesselya, Mandi, Sebalyos, Pardo (Donk, 69), Petros (Rafa Navarro, 86), Durmisi, Alegriya (Matias Nauel, 85), Ruben Kastro.
Barselona – ter Stegen, Pike, MatYE, Din (Alba, 68), Aleish Vidal, Rakitich, Denis Suares (Andre Gomesh, 59), Turan (Serdji Roberto, 68), Neymar, Suares, Messi.
Ogohlantirishlar: Pike (43), Petros (67), Rakitich (70), Ruben Kastro (78), Andre Gomesh (78).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
