O‘n karra O‘zbekiston chempioni to‘qqiz karra O‘zbekiston Kubogi sohibi bo‘lgan Qarshining “Sevinch” jamoasi tarkibida bu yildan katta o‘zgarishlar bo‘ladi.
Jamoamizni bir qator tajribali va ko‘p yillar jamoada to‘p tepgan o‘yinchilar tark etishmoqda. Tarkibmizda tanish ibora bilan aytganda, “avlodlar almashinuvi” ro‘y beradigan ko‘rinadi.
Demak, mohir hujumchimiz va jamoamiz to‘purari Zebo Jo‘rayeva yangi mavsumdan faoliyatini G‘uzorning “Sho‘rtan Lady” jamoasida davom ettiradi. Darvozabonimiz Olga Kaxarova esa Toshkentning “Bunyodkor W” jamoasi sharafini himoya qiladi. Hujumchi Mahliyo Sarikova, yarim himoyachilarimiz Feruza Turdiboyeva va Zumrat Nazarovalar Bekobodning “Metallurg W” jamoasi safiga borib qo‘shilishdi.
Yana bir tajribali himoyachimiz Mahliyo Yusupova futbolchilik faoliyatini yakunladi.
Klubimiz murabbiylar shtabi jamoani tark etgan o‘yinchilar o‘rnini bungacha Muborakning “Mash’al W” jamoasida o‘ynagan, aslida “Sevinch” klubi tarbiyalanuvchilari bo‘lgan bir qator yosh futbolchi qizlar hisobiga to‘ldirishga qaror qilishdi. Jumladan, himoyachi Feruza Boboxo‘jayeva, hujumchilar Maftuna Panjiyeva, Sevara Normurodova, Shoira Qulto‘rayeva va Shaxnoza Qurbonovalardir. Shuni ta’kidlash joizki, bu yosh futbolchi qizlarimiz Baxrom Norsafarov boshchiligidagi mamlakatimizning U-19 terma jamoasining ham o‘yinchilari hisoblanishadi. Jamoamiz safiga bunday yosh futbolchilardan yana qo‘shilishi kutilmoqda.
Hozirgi kunda jamoamiz safida yana bir o‘yinchi ko‘rikdan o‘tmoqda, bu muqaddam Bekobodning “Metallurg W” jamoasi safida faoliyat yuritgan tajribali yarim himoyachi Nozima Ergashevadir. Agar bu futbolchi murabbiylarimizga ma’qul kelsa, yangi mavsumdan jamoamiz sharafini himoya qiladi.
“Sevinch” klubi oldiga bu yilgi mavsumda ham O‘zbekiston ayollar futbolidagi barcha sovrinlarni qo‘lga kiritish vazifasi qo‘yilgan.
Vladislav Xan, Baxrom Norsafarov, Konstantin Smirnov va Olga Belovalardan iborat klubimiz murabbiylar shtabi ana shu vazifalarni bajarish uchun o‘z ish rejalarini ishlab chiqishgan va bu rejalarni hayotga tadbiq etish uchun astoydil mehnat qilishmoqda.
“Sevinch” jamoamiz hozirgi kunda Qarshi shahridagi qarorgohida yangi futbol mavsumiga tayyorgarlik mashg‘ulotlarini olib bormoqda. Jamoamiz 12-16 fevral kunlari Toshkentda bo‘ladigan mini futbol bo‘yicha ayollar o‘rtasidagi XIII O‘zbekiston chempionatining 2-turida ishtirok etadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
