26 yanvar kuni start olgan “Viloyat Hokimi Kubogi-2017” musobaqasi 7 fevral kuni yakuniga yetdi. Kecha turnirning final uchrashuvi bo‘lib o‘tdi.
“Qo‘qon-1912”ning tarixiy g‘alabasi
Ushbu musobaqaning to‘rtinchi chempioni nomi ham ma’lum bo‘ldi. Bu kunga qadar “Viloyat Hokimi Kubogi”da uchta jamoa bosh sovrin egasiga aylangandi. 90 yillar oxirida Namanganning “Navbahor” jamoasi musobaqani birinchi o‘rinda tugatgandi. 2004 yilgi bahslarda esa Quvasoyning “Semntchi” klubi g‘oliblikni qo‘lga kiritgandi. O‘sha yilgi final uchrashuvida “Sementchi”ning har ikki tarkibi o‘ynagandi. Shundan keyin qatorasiga 13 yil “Neftchi” an’anaviy turnirda bosh sovrinni hech kimga bermay kelayotgandi. 2015 yilga qadar hal qiluvchi bahsda “Neftchi”ning ikkita tarkibi to‘p surishi odatga aylangandi. So‘nggi ikki yilgi finalda esa farg‘onaliklarga ikkita jamoa raqiblik qildi. 2015 yili – “Qo‘qon-1912”, 2016 yili – “Qizilqum”.
Joriy yilgi musobaqada esa finalga tomoman boshqa klublar yetib kelishdi.
Birinchi liganing yangi vakili -“Istiqlol” jamoasi turnirning haqiqiy kashfiyoti bo‘ldi. Jamoa finalga qadar Oliy va Birinchi liganing kuchli jamoalariga qarshi maydonga tushib, to‘rtta g‘alaba va bitta durangga erishdi.
“Qo‘qon-1912” jamoasi esa o‘z guruhida uchta g‘alaba va bitta durang qayd etdi. Yarim finalda esa Muborakning “Mash’al” jamoasi dog‘da qoldirildi.
Final bahsi kutilganidek, shiddatli va keskin kurashlar ostida o‘tdi. Har ikki bo‘limda bittadan gol kiritgan qo‘qonliklar yakunda bosh sovrinni qo‘lga kiritishdi.
7 fevral kuni Qo‘qon futboli tarixida yangi sahifa ochildi. “Qo‘qon-1912” klubi “Viloyat Hokimi Kubogi-2017” g‘olibi sifatida tarixdan joy oldi.
Kezi kelganda, bu yilgi musobaqa yuqori saviyada tashkil etilganini e’tirof etish joiz.
Final uchrashuvi yakuniga yetgach, musobaqa asosiy tashkilotchisi Farg‘ona viloyat hokimligi tomonidan bir qator nominasiyalar bo‘yicha g‘oliblar ham aniqlanib, ular qimmatbaho sovg‘alar bilan taqdirlanishdi.
Xususan, “Qo‘qon-1912” vakillari – Akmal Xolmurodov, Suhrob Berdiyev va Filip Rayevaslar eng yaxshilar qatorida tilga olinib, televizor bilan taqdirlanishdi.
Shuningdek, “Istiqlol” jamoasi a’zolari – Doniyor Usmonov va Xayrullo Madaminovlar ham taqdirlanishdi.
Bundan tashqari, “FarDU”, “Neftchi-2” jamoalariga ham televizor berildi.
Taqdirlanganlar qatorida musobaqani yoritib borgan – “Qo‘qon-1912” matbuot xizmati ham bor edi.
Xullas, musobaqa mana shunday bayramona kayfiyatda yakuniga yetdi. Farg‘ona futbol federasiyasi yil boshida muxlislarga mana shunday quvonchli kunlarni taqdim etgani uchun minnatdorchilik izhor etamiz.
Keyingi yili mazkur turnirning nufuzi yanadada oshishiga ishonchimiz komil.
“Viloyat Hokimi Kubogi-2017”
Final
“Qo‘qon-1912-1” (Qo‘qon) – “Istiqlol” (Farg‘ona) – 2:0 (1:0)
Hakamlar: Olim To‘ychiboyev, Shoxruh A’zamov, Qahramon Sobirov, Aziz Tolipov.
Nazoratchi: Erkin Oripov
Gollar: Suhrob Berdiyev-27, 76.
“Qo‘qon-1912”: 13. Nikita Ribkin, 4. Akmal Xolmurodov, 7. Jamshid Hasanov, 10. Javohir Sidiqov (19. Muhammadanas Hasanov-80), 15. Oybek Rustamov (70. Sobir Hamidov-84), 26. Bahodir Pardayev (28. Avaz Mamatxo‘jayev-71), 29. Aleksandr Merzlyakov, 55. Murod Xolmuhammedov, 83. Nikola Valentich (5. Jalil Kimsanov-85), 90. Suhrob Berdiyev, 99. Filip Rayevas (25. Andrey Sidorov-67).
Zaxira: 12. Aziz Ashurov, 31. Darko Gojkovich.
“Istiqlol”: 89. Doniyor Usmonov, 2. Aziz Madaliyev, 16. Karim Mamadaliyev, 8. Akmali Rahimzoda, 11. Jamshid Hoshimov (19. Abduxoliq Qurbonov-77), 4. Xayrullo Madaminov, 6. Abdulla Jo‘raboyev (17. Doston Tursunzoda-72), 10. Davlat Yorbekov (13. Alisher Fayzullayev-59), 77. Hoshim Shokirov (9. Sharif Mirzayev-66), 15. Muhammadsulton Fozilov, 5. Bobur Aminjonov.
Zaxira: 12. Kazbek Ortiqboyev, 3. Davron Qoraboyev, 14. Doston Bobojonov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
