Futbolchilar ancha qiziqqon kasb egalari hisoblanadi. Biroq shunday futbolchilar borki, ular butun faoliyati mobaynida biror marta qizil kartochkaga loyiq ko‘rilmagan. Ularning orasida asosiy vazifasi raqib hujumlari va hujumchilarini to‘xtatishi kerak bo‘lgan himoyachilarning ham yetarlicha borligi quvonarli. Goal nashri bunday futbolchilar ro‘yxatini tuzib chiqdi.
Filip Lam (Germaniya), “Shtutgart”, “Bavariya”
“Bavariya” sardori ushbu mavsum yakunida futbolchilik faoliyatiga yakun yasashini ma’lum qildi. Bundesligainng ikki jamoasida to‘p surgan Filip Lam hali biror marta ham qizil kartochga loyiq topilmagan. Himoyachilar orasida bunday holat kamdan-kam kuzatilishi barchamiza a’yon.
Raul Gonsales (Ispaniya), “Real” Madrid, “Shalke 04”, “Nyu York Kosmos”
“Real” Madrid afsonasi ham butun faoliyati mobaynida qizil kartochkaga tortadigan o‘yin qoidasini buzmagan.
Gari Lineker (Angliya), “Lester”, “Everton”, “Barselona”, “Tottenxem”, “Nagoya Grampus”
Angliya futboli afsonalaridan biri Gari Lineker ham bir necha klublarda o‘ynagan bo‘lishiga qaramay, o‘zi o‘ynagan jamoalarda hakamlar tomonidan unga qizil kartochka ko‘rsatilmagan.
Andres Inyesta (Ispaniya), “Barselona”
Kataloniyalik “afsungar” ham hozirgacha bunday “sovrin”ga loyiq ko‘rilmagan.
Karim Benzema (Fransiya), “Lion”, “Real” Madrid
Fransiyalik hujumchi ham futbolchilik faoliyati davomida hakamlarning “g‘azabiga” duchor bo‘lmagan.
Joao Moutinyo (Portugaliya), “Portu”, “Sporting”, “Monako”
Portugaliyalik yarim himoyachi ham tartibli o‘yin namoyish etib kelmoqda.
Mishel Platini (Fransiya), “Nansi”, “Sent-Eten”, «Yuventus»
Uch karra «Oltin to‘p» sohibi butun futbolchilik faoliyati mobaynida hakam tomonidan qizil kartochka bilan siylanmagan.
Gaetano Shirea (Italiya), “Atalanta”, “Yuventus”
Mudhish avtohalokat sababli hayotdan erta ko‘z yumgan 1982-yilgi Mundial chempioni ham biror marta qizil kartochka bilan “siylanmagan”.
Damen Daff (Irlandiya), “Blekbern”, “Chelsi”, “Nyukasl”, “Fulxem”, “Melburn Siti”, “Shemrok Rovers”
Irlandiyalik yarim himoyachi bir necha klublarda o‘ynaganiga qaramay, hech birida maydonni erta tark etmagan.
Aaron Hyuz (SHimoliy Irlandiya), “Nyukasl”, “Aston Villa”, “Fulxem”, “Kuins Park Reynjers”, “Brayton”, “Melburn Siti”, “Kerala Blasters”, “Harts”
Shimoliy Irlandiya termasi tarkibida eng ko‘p o‘yin o‘tkazgan futbolchilar orasida 2-o‘rinda borayotgan Aaron Hyuz hozirda ham futbolchilik faoliyatini yakunlagani yo‘q. 37-yoshli himoyachi birorta ham qizil kartochka olmagan. Himoyachi uchun ajoyib ko‘rsatkich!
Marko Bode (Germaniya), “Verder”
Marko Bode o‘z klubiga sodiq qolgan kamyob futbolchilardan biri. Faoliyatini “Verder”ga bag‘ishlagan hujumkor yarim himoyachi ham vafodorlik, ham intizomlik ramzi desak mubolog‘a bo‘lmaydi.
Yan Popluxar (CHexoslovakiya), “Slovan” Bratislava, “Ruda Gvezda”, “Lion”, “Zbrovka Brno”, “Slovan”
Bimbo laqabli chexoslavakiyalik futbolchi Yan Popluxar ham himoyachi bo‘lishiga qaramasdan intizomli o‘yin namoyish etgan, biror marta maydonni qizil kartochka olib tark etmagan.
Dudu Jorjesku (Ruminiya), “Progresul”, “CHSM Reshitsa”, “Dinamo” Buxarest, “Bakeu”, “Gloriya”, “Flakera”, “Muschelul”, “Unirya”
Ruminiyalik hujumchi butun faoliyatini Ruminiya jamoalarida o‘tkazgan. 1975 va 1977-yillarda Franc Futbol tomonidan “Oltin butsa” bilan taqdirlangan hujumchi hisobida hech qanday qizil kartochka yo‘q.
Juneyt Tanman (Turkiya), “Galatasaroy”
“Galatasaroy” tarkibida umumiy hisobda 425 uchrashuv o‘tkazgan himoyachi klub afsonalaridan biri hisoblanadi. Ushbu klubda 13 mavsum o‘ynagan Juneyt Tanman biror marta qizil kartochkaga ravo ko‘rilmagan.
Dominik Roshto (Fransiya), “Sent-Eten”, “PSJ”, “Tuluza”
“Yashil farishta” laqabiga ega Dominik Roshto Fransiya termasi bilan 1984-yilgi Yevropa chempionatini yutib olgan. Hujumchi futbol maydonida ancha intizomli o‘yin namoyish etgan va qizil kartochka bilan “taqdirlanmagan”.
Andrey Kvashnyak (CHexoslovakiya), “Sparta” Praga
1962-yilgi Mundial vise-chempioni Andrey Kvashnyak ham Yan Popluxar kabi maydonda o‘ta intizomli harakat qilgan.
Yannos Ioannu (Kipr), “APOEL”
“APOEL” tarkibida 1981-2000-yillarda faoliyat olib borgan hujumchi biror marta ham hakamlar tomonidan qizil kartochkaga loyiq ko‘rilmagan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
