Andijon shahrida “Viloyat hokimi kubogi-2017” turniri bo‘lib o‘tmoqda.
“Andijon” jamoasi qoshidagi “Bolalar va o‘smirlar futbol maktabi” jamoasi “V” guruhidagi ilk uchrashuvini o‘tkazdi. Bir necha yillardan buyon birinchi ligada ishtirok etib kelayotgan Namangan viloyati, Uychi tumani jamoasi bo‘lgan “Xotira-79”ga qarshi bahsda andijonliklar ishonchli g‘alabaga erishib, muxlislarni quvontirdi. Asosan futbol maktabi tarbiyalanuvchilaridan tashkil topgan jamoamiz shu kuni birinchi liga klubiga deyarli 10 kishi bo‘lib jiddiy tashvish tug‘dira oldi.
Bunday deyishimizning boisi o‘yinning dastlabki 15-daqiqasi o‘tib borayotganida mezbonlar tarkibida xarakat qilayotgan himoyachi Dilmurod Adahamjonovni bosh hakam qizil kartochka bilan siylab maydondan chetlatdi. Shunga qaramay yosh andijonliklar iroda va mahorat ko‘rsatib, g‘alabani o‘z tomoniga og‘dira oldi. Bu esa stadionga kelgan muxlislarni quvontirdi. “Andijon-BO‘FM” tarkibida shu kuni tajribali Alisher To‘xtasinov xarakat qilib, raqib darvozasini naqd 4 bor aniq nishonga oldi.
Shu o‘rinda aytib o‘tish kerakki, bugun To‘xtasinov o‘zining 27 yoshini qarshi oldi. Tug‘ilgan kuniga futbolchining o‘zi munosib sovg‘a tayyorlay oldi.
Sho‘rbuloq dahasidagi “FIMI” stadionida o‘tgan bahs keskin va murosasiz ruh ostida o‘tdi. Alisher To‘xtasinov aniq zarbalari bilan raqib darvozasini nishonga olib, bir necha bor jamoasini hisobda oldinga olib chiqdi. Mehmonlar ham kamida durang qayd etish ilinjida astoydil xarakat qilgan bo‘lsada, lekin biroz kuchi yetmadi.
“V” guruhi 1-tur.
“Andijon-BO‘FM” – “Xotira-79” 4:3
Sho‘rbuloq. “FIMI” stadioni.
Hakamlar: Bahodir Ro‘zimatov, Shoxruh Akramov, Bekzod To‘lqinov.
Gollar: Alisher To‘xtasinov (4ta) – Bobur Mamajonov, Farhod Shokirov, Mirzohid Sobirov.
“Andijon-BO‘FM”: Mansur Tursunboyev, Alisher To‘xtasinov, Salohiddin Jamoldinov, Farruh Muxtorov, Jahongir Odilov, Dilyor Rasulov (S), Mirzoulug‘bek Xusanboyev, Bobur Omonullayev, O‘lmas Mamadaliyev, Madamin Mahmudov, Dilmurod Adahamjonov.
Zaxira: Zuhriddin Qahhorov, Omonulla G‘aniyev, Shoxjahon Raimjonov, Xondamir Yuldashev, Iqbol Muhammadjonov, Avaz Muxtorjonov, Bobur Soliyev.
“Xotira-79”: Shavkat Karimov, Fozil Dehqonov, Bahrom Yuldashev, Sanjar Toshpo‘latov, Rahmonjon O‘rinov, Amirxon Ibrohimov, Sardor Telyakov, Bobur Mamajonov, Shuhrat Hamidov, Farhod Shokirov, Muhammadjon Rasulov.
Zaxira: Amir Ergashev, Mirzohid Sobirov, Azizbek Jo‘raboyev, Husanboy Teshaboyev, Ahror Salimov, Anvar Xojimirzayev.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
