«Lester» klubi rahbariyati bosh murabbiyi Klaudio Ranyerini iste’foga chiqardi va bu italiyalik murabbiy uchun naq to‘qqizinchisi bo‘ldi! «Frans Futbol» nashri murabbiyning faoliyatiga nazar tashladi.
Bunday statistika 65 yoshli murabbiyni xursand qilmasligi aniq. Murabbiylik faoliyatida to‘qqizinchi bor iste’foga chiqarildi! 1992-yilda “Napoli”dan tortib “Lester”gacha davom etgan bunday noxush holatlar bilan tanishib chiqsak.
“Napoli”, 1991-1992
1991-yilda «Napoli» bosh murabbiyligiga tayinlandi. Jamoa yaqindagina Diyego Maradonani kuzatgan edi. Mavsum yakunida esa murabbiy jamoa bilan 4-o‘rinni egalladi. Shunga qaramay, 1992-yil noyabrida neapolliklar rahbariyati “Sampdoriya”dan uchralgan mag’lubiyatdan keyin Ranyerini bo‘shatib yubordi.
«Atletiko» Madrid, 1999-2000
«Fiorentina» va «Valensiya»da faoliyat yuritgan Ranyeri 1999-yilda «Atletiko«ni qabul qilib oldi. Madrid jamoasida 8 oygina faoliyat ko‘rsatdi. Tanqidlar ostida qolib ketgan murabbiy mart oyida lavozimidan ozod etildi.
«Chelsi», 2000-2004
6 oy o‘tib Ranyeri «Chelsi«da qo‘nim topdi. U yerda naq 4 yil murabbiylik qildi! Klaudio Ranyeri murabbiylik kursisida eng uzoq payt aynan londonliklar safida o‘tkazdi. Biroq, 2004-yilda Roman Abramovichning yangi loyihalari sabab o‘rnini Joze Mourinyoga bo‘shatib berdi.
«Valensiya», 2004-2005
«Valensiya«ga ikkinchi bor qaytgan murabbiy 7 oygina ishlay oldi, xolos. Jamoaga endigina qaytgan murabbiy Yevropa superkubogini yutib olganiga qaramay, jamoa rahbariyati unga hech qanday imkoniyat bermadi va 2005-yil fevralida uni bo‘shatib yubordi.
«Yuventus», 2007-2009
Italiyaga qaytgan murabbiy «Parma»da ish topdi. 2007-yilda «Yuventus» rahbariyati uni jamoa murabbiyi qilishga qaror qildi. Turinliklar bilan yaxshi natijalar qo‘lga kiritgan bo‘lishiga qaramasdan 2009-yilgi mavsum yakunida, jamoa Ranyeri bilan xayrlashdi.
«Inter», 2011-2012
«Inter«da murabbiyligini davom ettira boshlagan Ranyeri jamoasi Chempionlar Ligasi nimchorak finalida «Marsel» tomonidan chiqarib yuborilmaganida, «San-Siro»da balkim ko‘proq vaqt o‘tkazarmidi… 2012-yil martida jamoa rahbariyati murabbiyni o‘z vazifasidan ozod etdi.
«Monako», 2012-2014
«Monako«ga yangi ho‘jayin Dmitriy Ribolovlevning kelishi bilan Ranyeri ham fransuz klubida faoliyatoini davom ettirdi. Ranyeri hatto jamoani “PSJ”dan keyin 2-o‘ringacha olib chiqa oldi. Bunday ko‘rsatkich ham jamoa rahbariyatini qoniqtirmadi va 2013-201-yilgi mavsum yakunida jamoani tark etdi.
Gresiya terma jamoasi, 2014
Italiyalik murabbiyning terma jamoalardagi debyuti omadsizlikka uchradi. Uning vazifasi Fransiyada bo‘lib o‘tadigan Yevropa chempionatiga terma jamoani olib chiqish edi. Ranyeri bor-yo‘g’i 4 oygina terma jamoani boshqardi. Ruminiya, Shimoliy Irlandiya va ayniqsa Farer orollaridan uchralgan mag’lubiyatlar murabbiyga chiqish eshiklarini ko‘rsatib qo‘ydi.
«Lester», 2015-2017
Ranyeri «tulkilar» bilan dastlabki yilda ajoyib mavsumni boshidan kechirdi. Jamoasi bilan Angliya chempionligini nishonladi. Biroq ushbu mavsumda jamoa inqirozni boshidan kechirmoqda. «Lester» hozirda Premer Ligada 17-o‘rinda bormoqda. Chempionlar Ligasida «Sevilya«dan uchralgan mag’lubiyat esa hammasidan o‘tib tushdi va rahbariyat u bilan hamkorlik qilishni to‘xtatishni afzal bildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
