Chempionlar Ligasi nimchorakfinali dastlabki uchrashuvida mehmonda 5-3 hisobida mag‘lub bo‘lgan “Monako” javob uchrashuvida “Manchester Siti” qarshiligini yengib, keyingi bosqich yo‘llanmasini qo‘lga kiritishi uchun barcha asoslarga ega.
Dastlabki bahsda o‘yinda ustunlik qilgan va hisobda 3-2 hisobida oldinda borganiga qaramay, yakunda Jardim shogirdlari 5-3 hisobida mag‘lub bo‘lgan edi. Goal nashri «Monako»ning g‘alabasiga ishonish uchun besh asosiy sabablarni keltirib o‘tdi.
“Manchester Siti”, kuchsiz himoya?
“Manchester Siti” himoyasi kuchli beshlik chempionatlari yetakchi jamoalari orasida eng kuchsiz himoya chizig‘iga ega. Gvardiola haligacha himoya chiziqdagi muammolarni hal eta olmadi. Chempionlar Ligasi doirasida so‘nggi 6 uchrashuvda klub o‘z darvozasidan 11 gol o‘tkazib yuborgan. Jamoa sardori Vensan Kompani uzoq muddatdan beri jarohatidan qutula olmayotgan bir paytda, jamoa himoya chizig‘i Sanya, Stouns – Otamendi, Kolarovdan iborat bo‘lmoqda. Monakoliklarning tajovuzkor hujum chizig‘i esa o‘z uylarida bo‘lib o‘tadigan bahsda raqibni ayab o‘tirmasligi aniq.
O‘z uyingda devorlar ham yordam beradi
“Monako” o‘z uyida kuchli o‘yin namoyish etadigan klublardan hisoblanadi. Knyazlik klubi “Louis II” stadionida mavsum boshidan beri har bir o‘yinda o‘rtacha 3 gol urmoqda. “Monako” o‘z uyida o‘tkazgan so‘nggi 16 uchrashuvning 15 tasida g‘alaba qozongan. Bu bahslarda jamoa 57 bora raqib darvozasiga yo‘l topa olgan. Koeffisiyent hisobida esa o‘rtacha 3.56 gol urmoqda. Chorak finalga chiqish uchun atigi 2 gol kifoya qilishini hisobga olsak, “Monako”da hali imkoniyatlar bor.
“Monako” ko‘p gol urmoqda
Chorshanba oqshomida muxlislarni gollarga boy uchrashuv kutib turibdi desak bo‘ladi. “Monako” hozirda ajoyib sport formasida. Manchesterdagi mag‘lubiyatdan keyin Leonardo Jardim shogirdlari 1-Ligada ikki uchrashuvni o‘z foydalariga hal qilgan. Jamoa barcha musobaqalarni hisobga olganda, 123 gol urgan. Bu ko‘rsatkich bilan knyazlik klubi Yevropadagi eng hujumkor jamoa bo‘lib turibdi.
Yosh Mbappe jamoa qutqaruvchisi
Kilian Mbappeni “Manchester Siti” ilk uchrashuvdayoq eslab qoldi. “Etihad Stadium”da gol urgan yosh hujumchi Mbappe javob uchrashuvida jamoasini xaloskori bo‘lishi mumkin. Mbappe so‘nggi 4 haftada Fransiya chempionati doirasida 7 gol urdi. Umumiy hisobda bu mavsumda uning gollari 16 taga yetdi. Jamoa bilan 2019-yilgacha bog‘langan yosh mahoratli hujumchi “shaharliklar” rahbariyatini o‘ziga qaratishi ham mumkin.
“Remontada” faqat “Barselona”ga xos emas
“Nou Kamp”dagi tarixiy “kambek”dan oldin “Monako” ham Chempionlar Ligasi doirasida “kambek” qila olgan jamoa hisoblanadi. Kimsan «Galaktika»ga qarshi. “Santyago Bernabeu”da 4-2 hisobida mag‘lubiyatga uchragan jamoa o‘z uyida Lyudovik Jyulining mahorati evaziga 3-1 hisobida g‘alaba qozonib, ikki o‘yin natijasiga ko‘ra “Real”ni ortda qoldirib ketgan edi. 2003-2004 yilgi o‘sha mavsumda “Monako” finalga qadar yetib borgan edi. “Manchester Siti” esa yaqin tarixida bunday qahramonlik ko‘rsata olgani yo‘q.
Qorabog‘
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
