Bugun mini futbol bo‘yicha XIII O‘zbekiston chempionati 3-bosqich uchrashuvlari davom ettirildi.
«Sevinch» G‘uzorning «Sho‘rtan Lady» jamoasiga qarshi maydonga tushdi.
Kichik voha derbisi maqomiga ega uchrashuvda g‘olib jamoa, mini futbol bo‘yicha, bu yilgi chempionlikni qo‘lga kiritishi mumkin edi. Chunki, «Sevinch» ham «Sho‘rtan Lady» jamoasi ham hal qiluvchi bosqich uchrashuvlarining barchasida g‘alaba qozonishgan edi.
Uchrashuv kutilganidek, qarshiliklar ustunligida boshlandi va dastlabki 10 daqiqada Maftuna Shoyimova va Shodiya Tosheva bir martadan g‘uzorlik qizlar darvozasiga gol urdi. Bu gollarga Shoira Qulto‘rayeva 11-daqiqada javob yo‘llashga muyassar bo‘ldi – 2:1. Oradan ikki daqiqa o‘tib, tajribali futbolchi Kamola Riskiyeva oradagi hisobni 3:1ga o‘zgartirdi. Shu hisob bilan birinchi bo‘lim yakuniga yetdi.
Ikkinchi bo‘limda ham qarshiliklar tashabbusni o‘z qo‘llarida ushlab turishdi. Himoyaga katta e’tibor qaratib, asosan to‘pni nazorat qilishdi. O‘yin shunday davom etayotgan bir paytda, tezkor tashkil etilgan hujum gol bilan yakunlandi. Bu golga Ilvina Ablyakimova mualliflik qildi – 4:1.
Shunday qilib, «Sevinch» muddatidan avval, mini futbol bo‘yicha XIII O‘zbekiston chempionligini qo‘lga kiritdi.
Mini futbol bo‘yicha XIII O‘zbekiston chempionati, 3-bosqich, 4-tur
«Sevinch» (Qarshi) – «Sho‘rtan Lady» (G‘uzor) 4:1 (3:1)
19.03.2017. Toshkent sh., «Yoshlik» s/a
Hakamlar: Kristina Sereda, Zilola Rahmatova, Lyudmila Geyger, Marjona Rahmatqulova.
Gollar: Maftuna Shoyimova, 8′-1:0, Shodiya Tosheva, 8′-2:0, Kamola Riskiyeva, 13′-3:1, Ilvina Ablyakimova, 25′-4:1 – Shoira Qulturayeva, 11′-2:1.
«Sevinch»: 1.Laylo Tilavova, 16.Maftuna Jonimqulova, 8.Kamola Riskiyeva (s), 17.Tanzila Zarbiyeva, 11.SHaxzoda Jamolova, 10.Ilvina Ablyakimova, 7.SHaxnoza Qurbonova, 25.Maftuna Shoyimova, 20.Maftuna Panjiyeva, 27.SHodiya Tosheva, 9.Sevara Normurodova, 37.Malika Burxanova, 72.Nilufar Qudratova, 19.Oliya Axmedova.
«Sho‘rtan Lady»: 22.Sarvinoz Ergasheva, 11.Fazilat Bahramova, 6.Zebo Jo‘rayeva (s), 19.Dildora Ergasheva, 18.SHoira Qulturayeva, 7.Uldona To‘xtayeva, 3.YUlduz Shodiyeva, 2.Muxlisa Mirzayorova, 29.Jesika Kruchinina, 1.Zarina Saidova.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
