«Qo‘qon-1912» O‘zbekiston kubogida muvaffaqiyatli start oldi.
1/16 final doirasida Termizda “Surxon” klubiga qarshi maydonga tushgan «Qo‘qon-1912» maydon egalarini mag‘lubiyatga uchratdi.
Futbolchilar o‘yinni ancha faol boshlashdi. Dastlabki daqiqalardan oldinga tashlangan qo‘qonliklar 22-daqiqada hisobni ochishga muvaffaq bo‘lishdi. Autdan tashlangan to‘pni Otaqo‘ziyev boshi bilan mezbonlar darvozasiga joylab qo‘ydi.
26-daqiqada Murod Xolmuhammedovning jarimadan yo‘llagan zarbasi kuchli, lekin biroz yuqoridan ketdi.
30-daqiqada Suhrob Berdiyev chap qanotdan ajoyib reyd uyushtirib, zarba yo‘lladi. Darvozabon to‘pni maydon tashqarisiga chiqarib yubordi.
Birinchi bo‘limning so‘nggi daqiqasida mezbonlar darvozamiz tomon dastlabki aniq zarbani yo‘llashdi. Ribkin bu vaziyatda bexato harakat qildi.
Birinchi taym shu hisobda yakun topdi.
Ikkinchi bo‘limni mezbonlar faol boshlashganiga qaramay, gol urish qo‘qonliklarga nasib etdi. 58-daqiqada, qarshi hujumdan so‘ng Otaqo‘ziyev to‘pni darvozabonning ustidan oshirib, parashyut usulida ikkinchi golni urdi.
79-daqiqada maydon egalari hisobni qisqartirish uchun qulay imkoniyatga ega bo‘lishgandi. Ribkin «Qo‘qon-1912»ni yaqqol goldan saqlab qoldi.
Qolgan daqiqalarda har ikki jamoada to‘p kiritish uchun qator imkoniyatlar vujudga kelganiga qaramay, uchrashuvdagi hisob o‘zgarishsiz qoldi.
O‘zbekiston Kubogi
1/16 final
«Surxon» (Termiz) – «Qo‘qon-1912» (Qo‘qon) 0:2 (0:1)
Hakamlar: Z. Qodirov (Navoiy), S. Hakimov (Samarqand), SH. Qamarov (Samarqand), N. Muhammadiyeva (Termiz)
Nazoratchi: X. Muxtorov (Samarqand).
Gollar: Nosir Otaqo‘ziyev 22, 58.
“Surxon”: 35. Sherzod Abduraimov, 3. Ilhom Komilov, 4. Mirjalol Qurbonov, 5. Najmiddin Normurodov, 6. Nuriddin Hasanov, 9. Nizomjon Norov, 10. Sarvar Xolmatov, 17. Farrux Haydarov, 21. Akmal Abdurahmonov, 22. Akbar Murodov, 30. Sayriddin Gafforov.
Zaxira: 12. Aleksandr Korneychuk, 2. Ubaydullo Xaliqulov, 7. Bahriddin Amonov, 20. Xurshid Yuldashev, 27. Sanjar Shomurodov, 33. Sirojiddin Allayev, 77. Jonibek Kuchimov.
“Qo‘qon-1912”: 13. Nikita Ribkin, 4. Bahodir Akramov, 5. Jalil Kimsanov, 7. Jamshid Hasanov, 8. Sobir Hamidov (25. Iqbol Malikjonov-80), 9. Nosir Otaqo‘ziyev (96. Muhammadanas Hasanov-78), 19. Suhrob Berdiyev, 23. Aleksandr Merzlyakov (19. Avaz Mamatxo‘jayev-82), 24. Ibrohim Rahimov, 26. Akmal Xolmurodov, 77. Murod Xolmuhammedov.
Zaxira: 21. Muzaffar Abdullayev, 85. Ruslan Meleziddinov, 97. Oybek Rustamov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
