"Dinamo" - "Navbahor" (0:1) uchrashuvidan so‘ng, mehmonlar bosh murabbiyi Ilhom Mo‘minjonov matbuot anjumanida jurnalistlarning savollariga javob berdi.
"Samarqandliklarning o‘yin uslubini jiddiy tarzda o‘rganib chiqqandik. Bir xafta ichida "Dinamo" jamoasining uchta uchrashuvi yozilgan video roliklarni kuzatib, shundan kelib chiqqan holda tayyorgarlik ko‘rgandik. Xudoga shukur, yigitlar bugun berilgan ko‘rsatmani bexato bajarishdi. Shogirdlarim raqibning ikki futbolchisi Sardor Sulaymonov va Javohir Qahramonovlarga o‘z ishini to‘g‘ri bajarishga imkon berishmadi. "Dinamo" o‘z uyida "Sho‘rtan"ni mag‘lub etgan uchrashuvini sinchkovlik bilan o‘rgangandik. Ayniqsa Sardor Sulaymonov 90 daqiqa davomida tinmadi. Yarim himoyaning o‘ng qanotiga esa Alisher Samatovni bejizga qo‘ymadim. Bugun Alisher Javohir Qahramonovning urunishlarini bartaraf qildi. O‘yindan avval ham shogirdlarimga ushbu ikki futbolchiga alohida e’tibor qaratish shartligini ko‘p bora ta’kidladim. Oybek Qilichev maydondan chetlatilganida nima sababdan bunday bo‘lganini avvaliga tushunmadim. Bor e’tiborim o‘sha paytda maydonga qaratilgandi. Zaxira hakamidan so‘rasam u javob bermadi. Bosh hakam futbolchimizni so‘kingani va qo‘li bilan nomaqbul ishoralar qilganini aytdi. Tan olaman bu xaqqoniy chetlatish. Bunday qilish mumkin emas. Qilichev "Navbahor" tomonidan ham jazolanadi. Mansur Saidovning bugun o‘yinda yo‘qligi sezildi. U bugungi kunda O‘zbekistonning kuchli beshtaligiga kiradigan yarim himoyachi hisoblanadi. Saidovga juda qiyinchilik bilan “Navbahor” a’zosiga aylantirgandik. Afsuski jarohat tufayli bugun maydonga tusha olmadi. Uning o‘rnida o‘ynagan Oybek Qilichev yaxshi taassurot qoldirdi. Namanganda "Neftchi" va safarda "Qizilqum" bilan kechgan o‘yinlarda atigi bir ochko ishladik, xolos. Ammo, ko‘rsatgan o‘yinimiz menga manzur bo‘lgandi. Jamoamiz muxlislari ham o‘yin uslubimizni ma’qullashgan. "Dinamo"ga qarshi bahsda uch ochko biz uchun muhim edi. Namanganga g‘alaba bilan qaytishimizdan xursandmiz. Samarqandliklarga keyingi o‘yinlarda omad tilayman. Jamoa yosh o‘yinchilardan iborat. Ularning tarkibi yaxshi shakllanibdi. Qolaversa raqib murabbiylar shtabida ham yaxshi mutaxassislar ish olib borishmoqda. Muxlislar bilan to‘lgan o‘yingohda o‘ynash bizga bosim o‘tkazmaydi. Bosim futbolchilarimizga ta’sir o‘tkazganida mag‘lubiyatga uchragan bo‘lardik. Ruhiy jixatdan ham yaxshi tayyorgarlik ko‘rganmiz. Sariq kartochkalar? Jamoalar shiddatli futbol namoyish qilishgani, maydonga g‘alabani ko‘zlab chiqqanimiz sababli futbolchilar asabiylashishdi. Shuning uchun ogohlantirishlar soni ko‘p bo‘ldi. Maydonda har bir santimetr uchun kurash kechdi. "Dinamo" shu paytgacha hech bir jamoaga imkon qoldirmay va gol o‘tkazmay kelayotgan jamoalardan biri edi. Ularga barcha havas qiladi" - dedi Mo‘minjonov.
Sho‘rtan
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
