Braziliya terma jamoasi afsonalari Ronaldo va Ronaldinyo Esporte Espetacular ko‘rsatuvida ishtirok etib, boshlovchining savollariga birgalikda javob berishdi.
- Ronaldinyo terma jamoaga yangi kelganida qanday maslahatlar bergansiz?
Ronaldo: - Xuddi men singari u ham bosim ostida qolib ketgandi. Shu bois Ronaldinyoga: «Xotirjam bo‘l, sen bizning usulimiz, futbolimizni shu tariqa ko‘rsatasan», deganman.
- Ronaldinyo, nima uchun odamlar sizni yaxshi ko‘radilar?
Ronaldinyo: - Braziliyaliklar futbolni juda sevishadi. Omadim kelgani - ular yoqtiradigan sport turi bilan shug‘ullanaman. Buning ustiga, juda yaxshi o‘ynaganman va hammaga yoqadigan harakatlarni amalga oshirganman. Braziliyaliklar gollar va driblingni yaxshi ko‘rishadi. Ronaldo ikkimiz kerakli o‘yin xarakteristikasiga ega bo‘lganmiz.
Ronaldo: - Bizning «yoqilg‘imiz» muxlislar bo‘lgan. Albatta, mashg‘ulotlarning ham muhimligini unutmaslik lozim. Lekin bizni ruhlantirgan asosiy narsa chiroyli o‘yinni kutgan insonlar bo‘lgan. Ko‘pchilik bizdek bo‘lishni istaydi. Chunki biz qashshoq oiladan chiqib, katta muvaffaqiyatlarga erishganmiz. Bu esa insonlarni ruhlantiradi. Biz hammasini uddaladikmi, demak ular ham uddalashlari mumkin.
- Endilikda xalqni Neymar ruhlantiradimi?
Ronaldinyo: - Neymar ishtaha va ishtiyoq bilan o‘ynaydi, uning harakatlari muxlislarga yoqadi. Yuqorida aytganimdek unda energiya, dribling va gollar bor. Terma jamoamizga aynan shunday yigit yetishmayotgandi. Endilikda Neymar bizning yuzimiz.
- Tite-chi?
Ronaldo: - qiyinchiliklar yuzaga kelganda, futbolchilarda «bor kuchimizni ishga solib, murabbiy uchun o‘ynashimiz kerak», degan fikr yuzaga keladi. Agar mutaxassis yaxshi bo‘lsa, har bir futbolchining kerakli jihatlarini oladi. Tite esa buning uddasidan chiqmoqda.
- Neymar sizdan o‘zib ketishi mumkinmi?
Ronaldo: - Bu juda qiyin savol. qaysi jihatlarni solishtirish kerak? Aynan nimaligini bilmayman. Lekin shuni aniq aytishim mumkinki, bu yigit ajoyib o‘yin namoyish qilmoqda.
- Tite jamoaga yaxshi iqlim olib keldimi yoki barcha gap mashg‘ulotlardami?
Ronaldo: - Tite hech nima olib kelmadi. Chunki terma jamoadagi muhit hamisha yaxshi bo‘lgan. Dunga bu bosimni ushlab tura olmadi. Futbolchilar qaysidir vaqtda uni tushunmay qolishdi. Axir futbol aniq fan emas-ku, u oddiy...
Yaqinda Titening gaplarini eshitdim. «Yigitlar qanchalik uzoqqa borishlarini bilmadimu, ammo ularga yordam beraman», dedi. Tite hech qanday taqiqlar qo‘ymaydi. U bilan ko‘p bora tortishganman va gaplashishni biladi. Bir so‘z bilan aytganda, bir guruh odamlarni boshqarishga qodir ekspert.
- Ronaldinyo, haqiqatan ham faoliyatingizni yakunladingizmi?
Ronaldinyo: - Ayni payt hayotimdan mamnunman. Ko‘p sayohat qilyapman va musiqa bilan bog‘liq bo‘lgan loyihalarimni amalga oshiryapman. Bunday ritm bilan futbolga qaytish qiyin. Mashg‘ulot qilishga toqatim yo‘q. Mashg‘ulot qilmadimmi, demak yuqori saviyada o‘ynay olmayman. Lekin faoliyatimni aniq yakunladim, deya olmayman. Birdan ajoyib taklif tushib qolishi mumkin.
- Hozirgi terma jamoaga qay biringiz yaxshi kirishib keta olasiz?
Ronaldo: - Jezus jarohat olgan. Uning o‘rnini to‘ldirishim mumkin edi.
Ronaldinyo: - qarang, u gollarni qanchalik sog‘ingan. Ronaldoni tanlayman.
- Qay biringiz «Barsa»da yaxshi o‘ynagansiz?
Ronaldo: - Ronaldinyo. Chunki u «Barsa»da ko‘p vaqt o‘ynagan. Men esa bir yil to‘p surganman, xolos.
Ronaldinyo: - Do‘stim, bu borada seni tanlay olmayman. Hatto orzu ham qilma. Ammo sen ikki tarafda ham o‘ynagansan (Ronaldinyo Ronaldoning «Real»dagi faoliyatini nazarda tutmoqda).
- qay biringiz kiyinish xonasida yetakchi bo‘lgansiz?
Ronaldo: - Ikkimiz ham katta ta’sirga ega edik.
Ronaldinyo: - Bu odatiy iyerarxiya — o‘zingdan kattalarni hurmat qil.
- Kechalarni kim yaxshi uyushtirardi?
Ronaldo: - Kechalarda hamisha eng yaxshisi bo‘lganman.
Ronaldinyo: - Haqiqatan ham shunday, tortishmayman. Ronaldoga bu borada tenglashib bo‘lmasdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
