Oliy Liga 5-tur doirasida Qo‘qonda mahalliy jamoa mehmoni bo‘lgan «Dinamo» jamoasi shiddatli bahsda kichik farqda mag‘lubiyatga uchradi.
Ushbu bahsga qiziqish kuchli ekanligi bois, shu kuni Samarqanddan ham bir qator muxlislar Qo‘qonga yetib borishgandi.
O‘yindan oldin jamoamizda ikkita yo‘qotish bor edi. Ijara asosida to‘p surayotganligi bois mezbon jamoa himoyachimiz Shoxruh Xolmatov va yarimhimoyachi Orif Mamajonovning maydonga tushishiga yo‘l qo‘ymadi. Ularning o‘rniga esa boshqa futbolchilar maydonga tushishdi.
O‘yinni hujumkor boshlagan mezbonlar Nosir Otaqo‘ziyevning goli evaziga 14-daqiqada hisobni ochishdi va bo‘lim 1:0 hisobi bilan yakunlandi.
Ikkinchi bo‘limni vakillarimiz hujumkorlik bilan boshlashga intilishdi, biroq mehmonlar o‘yin tizginini saqlashga harakat qilishdi. 48-daqiqada Filipp Rayevas maydon egalarining ikkinchi goliga mualliflik qildi, 2:0.
Mehmonlar uchun ortga yo‘l qolmagach, «Dinamo» hujumkorlikni oshirdi. Natijada o‘yinning 79-daqiqasida Sardor Sulaymonov o‘z goli bilan oradagi farqni qisqartirdi, 2:1.
Afsuski, gol urgan hujumchimiz o‘yin yakunida qo‘polligi sababli bosh hakam tomonidan maydondan chetlatildi. Yakunda «Dinamo» Qo‘qonda mavsumdagi ikkinchi mag‘lubiyatni tan olishga majbur bo‘ldi.
Oliy Liga. 5-tur.
7 aprel (juma)
«QO‘QON-1912» - «DINAMO» - 2:1
Qo‘qon, 8 528 tomoshabin.
Hakamlar: V. Kovalenko (Toshkent), A. Rasulov (Toshkent), J. Saidov (Toshkent), A. Shukurullayev (Toshkent)
Gollar: Nosir Otaqo‘ziyev 14, Filip Rayevas 48 - Sardor Sulaymonov 79.
«Qo‘qon-1912»: 21.Muzaffar Abdullayev, 4.Bahodir Akramov, 5.Jalil Kimsanov, 9.Nosirbek Otaqo‘ziyev (97.Oybek Rustamov, 46), 10.Javohir Sidiqov, 19.Suhrob Berdiyev, 23.Aleksandr Merzlyakov, 24.Ibrohim Rahimov (11.Andrey Sidorov, 56), 26.Akmal Xolmurodov, 77.Murod Xolmuhammedov, 99.Filip Rayevas.
«Dinamo»: 1.Mixail Naumov, 2.Mirkomil Lokayev, 3.Bunyod Isroilov, 6.Akmal Bozorov, 8.Jasur Azimov, 9.Sardor Sulaymonov, 10.Javohir Qahramonov, 14.Radu Rogak, 18.Damir Nizanov (20.Amirjon Safarov, 53), 22.Abdujamol Isroilov, 23.Komil Sharofutdinov (11.Abdumalik Abdullayev, 50)
Chetlatish: Sardor Sulaymonov, 88.
Nazoratchi: R. Serazetdinov (Toshkent).
O‘zPFL vakili: A. Frolov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
