Yevropa chempionlar ligasining dastlabki finalchisi aniqlandi. Deyarli aniqlandi!
Zidan "Atletiko"ga qarshi uchrashuvga juda to‘g‘ri strategiya va taktika tanladi. "Real" futbolchilari murabbiyning rejasini a’lo darajada amalga oshirildi.
"Madrid" ilk 10 daqiqa ichida bosim uyushtirib, "matraschilar" darvozasini ishg‘ol qilishga muvaffaq bo‘ldi. Kazemiro o‘ng tomondan bergan uzatmani Ronaldu bosh bilan darvozaga joylab qo‘ydi.
Oradan 6 daqiqa o‘tib maydon egalari ikkinchi golni urishlari mumkin edi. Burchakdan yetkazilgan uzatmani Varan bosh bilan darvoza tomon burdi. Oblak qiyinchilik bilan to‘pni maydon tashqarisiga chiqarib yubordi. Oradan 1 daqiqa o‘tib, "Atletiko" hisobni tenglashtirishga juda yaqin keldi. Kokening ajoyib uzatmasidan keyin Gameyro birga-bir vaziyatga chiqdi va Navasni aldab o‘tishga harakat qildi. Keylor "Real"ni qutqardi.
O‘yinning 29-daqiqasida Benzema juda chiroyli gol muallifiga aylanishiga bir baxya qoldi. Ronaldu chap qanotdan darvozabon maydonchasi oldiga uzatma berdi va Karim chalqancha uslubda zarba berdi. To‘p shundoqqina to‘sin ustidan o‘tib ketdi. 32-daqiqada esa Grizmann jarimadan yetkazgan uzatmaga Godin o‘tkir burchak ostida zarba berdi. To‘p yuqoridan o‘tib ketdi.
Birinchi bo‘lim mana shunday keskin hujumlar ostida kechgan bo‘lsa, ikkinchi bo‘limda jamoalarning rejalari o‘zgardi. Zidan jamoasi himoyada mustahkam o‘ynab, qarshi hujumlarda o‘z imkoniyatlarini kutdi. Bunday imkoniyat keldi, bir emas, ikki marta.
Uchrashuvning 73-daqiqasida Felipe Luisning xatosidan keyin Ronaldu zarbavor vaziyatga chiqdi va 14 metrlardan kuchli zarba bilan darvozani ishg‘ol qildi.
Bahs tugashiga 4 daqiqa qolganida Lukas Vaskes o‘ng qanotdan jarima maydonchasiga kirdi va chiziq ustidan to‘pni orqaga yetkazdi. Krishtianu 9 metrdan darvozani ishg‘ol qildi! 3:0, xet-trik!
Madrid derbisida "Real" dastlabki o‘yinni yirik hisobda o‘z foydasiga hal qildi va amalda final yo‘llanmasiga ega bo‘ldi. Javob o‘yini 10 may kuni "Visente Kalderon"da bo‘lib o‘tadi.
Yevropa chempionlar ligasi, yarim final, dastlabki o‘yin
2 may, soat 23:45."Santyago Bernabeu"
"REAL MADRID" - "ATLETIKO MADRID" 3:0
Gollar: 1:0 – 10 Ronaldu, 2:0 – 73 Ronaldu, 3:0 – 86 Ronaldu.
Real Madrid – Navas, Varan, Marselo, Karvaxal (Nacho, 46), Ramos, Modrich, Kazemiro, Isko (Asensio, 68), Kroos, Benzema (Vaskes, 78), Ronaldu.
Atletiko – Oblak, Godin, Filipe Luis, Savich, Lyuka Ernandes, Saul (Gaytan, 58), Gabi, Koke, Ferreyra Karrasko (Korrea, 68), Grizmann, Gameyro (Torres, 57).
Ogohlantirishlar: Koke (26), Isko (48), Saul (53), Savich (83).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
