Goal nashri yakuniga yetgan Germaniya Bundesligasi ramziy terma jamoasini tuzib chiqdi. Tarkibning ko‘pchiligi albatta, Myunxenning “Bavariya”si a’zolaridan iborat.
2016/17 yilgi mavsumning ramziy terma jamoasi quyidagicha:
Darvozabon:
Oliver Bauman, (“Hoffenhaym”)
Bu mavsumda Bundesligadagi 100-o‘yinini ham nishonlagan “Hoffenhaym” posboni jamoasining 4-o‘rinda yakunlashiga munosib hissasini qo‘shdi. Bauman Bundesliga o‘yinlarida 113 seyvni amalga oshirdi va bu borada eng yaxshi ko‘rsatkichga ega.
Himoyachilar:
Sead Kolashinas (“Shalke 04”)
Yakuniga yetgan mavsumda 3 gol va 5 golli uzatmani amalga oshirgan Kolashinas bilan hozirda “Manchester Siti”, “Arsenal” va “Milan” jamoalari qiziqishmoqda. Chap qanot himoyachisi mavsumni yuqori saviyada o‘tkaza oldi.
Niklas Zyule (“Hoffenhaym”)
Jamoasi bilan birgalikda Bundesliga kashfiyotiga aylangan markaziy himoyachi kelasi mavsumdan “Bavariya”da Mats Hummelsga raqobatchilik qiladi. 2016/17-yilgi mavsumni qay tarzda o‘tkazganini shundan bilib olsak bo‘ladi.
Mats Hummels (“Bavariya”)
O‘zining ishonchli o‘yini bilan markaziy himoyadagi sherigi Jerom Boatengning yo‘qligini sezdirmadi. Hummels hali ham yuqori saviyadagi o‘yinini namoyish etishda davom etmoqda.
Filip Lam (“Bavariya”)
33 yoshli himoyachi raqib jarima maydonchasida jamoadoshlariga 884 marta to‘p yetkazib berdi. Bundesligadagi himoyachilar Lamdan o‘rnak olsa arziydi. Biroq, Lam katta futbol bilan xayrlashdi. Bu butun Germaniya futboli uchun ham katta yo‘qotish desak bo‘ladi.
Yarim himoyachilar:
Nabi Keyta (“Leypsig”)
Bundesligada katta shov-shuvlarga sabab bo‘lgan “Leypsig” jamoasi bunday natijalarga albatta o‘zining tayanch yarim himoyachisi Nabi Keyta hisobiga erishdi. Deku va Yaya Turelarning o‘yinidan zavq oladigan Keyta ular kabi maydon markazida serqirra o‘yinlarini namoyish etdi.
Tiago Alkantara (“Bavariya”)
Gvardioalaning ketganidan so‘ng o‘zini qayta o‘nglab olgan Tiago mavsum yakuniga ko‘ra 6 gol urgan bo‘lsada, 3110 marotaba jamoadoshlariga to‘p uzatgan. Bunday ko‘rsatkichga Bundesligadagi birorta futbolchi yaqinlasha olmagan.
Emil Forsberg (“Leypsig”)
8 gol va 18 golli uzatmani amalga oshirgan “Leypsig” a’zosi Yevropada eng yaxshi pleymeykerga aylandi. Mavsumni muvaffaqiyatli o‘tkazgan futbolchini ramziy termaga kiritmaslik noto‘g’ri bo‘ladi.
Aryen Robben (“Bavariya”)
Robben hali hamon “Bavariya”da yuqori saviyada to‘p surishda davom etmoqda. Bu mavsumda 12 gol va 7 golli uzatmani o‘z hisobiga yozdirib qo‘ygan 33 yoshli Robben jamoasining g’alabalariga munosib hissasini qo‘shdi.
Usmon Dembele (“Borussiya”)
Ushbu mavsumda “Borussiya Dortmund”da bir qator iqtidorli yoshlar to‘p surishdi. Pulishich, Yulian Vaygl, Emre Mo‘r va Usmon Dembele. Usmon Dembele esa ular ichida eng yorqin o‘yinlarini namoyish eta oldi. Yevropaning grand jamoalari uni yozgi transfer mavsumidayoq qo‘shib olishsa ajab emas.
Hujumchi:
Robert Levandovski (“Bavariya”)
Ushbu mavsumda 30 gol va 4 golli uzatma oshirgan polshalik futbolching “Bavariya” libosida urgan gollari soni 100 dan oshib ketdi. Hujumchi Bundesliganing ba’zi jamoalaridan ham ko‘proq gol ura olgan.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
