Bugun "Navbahor" O‘zbekiston chempionati 12- tur bellashuvlari doirasida Toshkentning "Bunyodkor" klubiga qarshi maydonga tushadi.
Soat 19:00 da boshlanadigan mazkur uchrashuvga oid qiziqarli ma’lumotlarni e’tiboringizga havola etamiz.
*** "Navbahor" ushbu mavsumda o‘z maydonida xali mag‘lub bo‘lmadi. O‘tkazilgan 6 o‘yinda Mo‘minjonov shogirdlari 3 g‘alaba va 3 durang qayd etishgan.
*** "Bunyodkor" safarda beshta bahs o‘tkazib, 1 bor uch ochko ishlagan. "Qaldirg‘ochlar" mehmondan 2 bor durang va 2 bor mag‘lubiyat bilan ortga qaytishgan.
*** 10 o‘yinda "Bunyodkor" 7 bor gol urgan. Shundan 3 ta to‘p mehmonda urilgan. Jami o‘tkazilgan 8 golning yarmi safar bellashuviga to‘g‘ri keladi.
*** "Navbahor" o‘tkazgan 11 golining beshtasi (birinchi bo‘limda 3)Namanganda kechgan o‘yinda sodir bo‘lgan. Jami urilgan 13 golning 8 tasi "Markaziy" o‘yingohda amalga oshgan.
*** Bugungi raqib safar o‘yinlarida birinchi bo‘limda hozircha umuman gol urmagan. "Bunyodkor"ning safar uchrashuvida birinchi taymda urgan maksimal gollari soni ham, o‘tkazilgan gollar soni ham 1 tani tashkil qiladi.
*** "Navbahor"ning amaldagi mavsumda eng yirik g‘alabasi 2:1 hisobida ("Obod" ustidan). "Bunyodkor"ning erishgan eng yirik g‘alabasi 2:1 hisobida ("Neftchi" ustidan).
*** Namanganliklar eng yirik mag‘lubiyatni 1:2 hisobida "Qizilqum"dan qabul qilishgan. Toshkentlilkarning eng yirik mag‘lubiyati 0:1 hisobida ("Qizilqum", "Mash’al" va "Sho‘rtan"dan)
*** "Qaldirg‘ochlar"ning eng ko‘p qayd etadigan hisobi - 1:1 (4 mkarotaba). "Lochinlar" 1:0 hisobini 3 bor qayd etishgan.
*** Agarda bugun "Navbahor" durang o‘ynasa, bu borada "Qizilqum"ning natijasini (ketma-ket 4 o‘yin) takrorlaydi.
*** Qatorasiga 8 o‘yindan buyon "Bunyodkor" o‘z darvozasidan gol o‘tkazib kelmoqda. Bugun "Navbahor" gol ursa, poytaxtliklar "Obod" va "Dinamo" natijasiga yetib olishadi.
*** Ayni paytda "Bunyodkor" Oliy liga jamoalari orasida eng kam gol uradigan jamoa bo‘lib kelmoqda.
*** Statistika "Bunyodkor" eng zerikarli klub ekanini ko‘rsatmoqda. Ushbu jamoa 10 bahsda urgan va o‘tkazib yuborgan gollari jami 15 ta. Ya’ni, "Bunyodkor" ishtirokida bir o‘yinda o‘rtacha 1.5 ta gol urilmoqda.
*** "Navbahor" darvozasiga Oliy ligada ushbu mavsumda 4 bor penalti belgilangan. Ushbu ko‘rsatgich bo‘yida "lochinlar" "Olmaliq" bilan birga peshqadam.
*** O‘z maydonida tomoshabin to‘plash bo‘yicha eng yaxshi natijani "Navbahor" namoyish etmoqda. Namangandagi 6 o‘yinga jami 97193 nafar tomoshabin kirgan.
*** Uy o‘yiniga eng kam tomoshabin kirgan jamoa esa "Bunyodkor" hisoblanadi. "Bunyodkor" o‘yingohida 5 uchrashuvda jami 4189 ta odam kirgan.
*** Mirjalol Qosimov boshqarayotgan jamoa to‘purari Doston Hamdamov hisoblanadi. U jamoaning urgan 7 golidan beshtasiga mualliflik qilgan.
*** "Navbahor" to‘purarlari ro‘yxatini Nemanya Yovanovich (4 gol) boshqarmoqda.
*** O‘zbekiston U-22 terma jamoasiga chaqirilgan darovzabon Dilshod Hamroyev, himoyachilar Rustam Ashurmatov, Akrom Komilov, yarim himoyachilar Xurshid G‘iyosov, Sardor Azimov, Nurillo To‘xtasinov, Mirjamol Qosimov va Doston Hamdamov bugun "Bunyodkor"ga yordam bera olishmaydi.
*** "Navbahor"dan ham O‘zbekiston U-22 terma jamoasiga himoyachi Abbos Otaxonov va hujumchi Ravshan Xursanov chaqirtirilgan.
*** Bugungi uchrashuv bosh hakam Vladislav Seytlin ushbu mavsumda hozirgacha 8 o‘yinda ishlagan. Uchrashuv boshqarish soni bo‘yicha u Ravshan Ermatovdan (10 ta o‘yin) ortda qolmoqda xolos.
*** O‘rtacha baxo olish bo‘yicha ham Seytlin (8.8 ball) faqatgina Ermatovdan (9.1) ortda qolmoqda xolos.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
