Madriddagi «Visente Kalderon» stadionida Ispaniya kubogi final bahsi bo‘lib o‘tdi. Ispaniya Li ligasi va Yevropa chempionlar ligasida muvafaqiyatsizlikka uchragan «Barselona» ispaniya kubok finalida «Alaves»ni mag‘lub etdi.
Basklar chempionatda 9-o‘rinni band etgan bo‘lsalar-da, "Barsa"ga keskin qarshilik ko‘rsatish va mavsumni sovrin bilan yakunlashga jiddiy ahd qilishgandi. Shu bois, ular o‘yin boshidanoq qo‘pol o‘yindan o‘zlarini tiyib o‘tirishmadi.
"Ko‘k-anorranglilar" katta tashabbusga ega bo‘lgan bo‘lsalar ham, bahsning 27-daqiqasida "Alaves" hisobni ochishga juda yaqin keldi. Pikening xatosidan keyin Deyverson to‘pni egallab olib, jarima maydonchasi burchagidan zarba berdi. To‘p Sillessenning qo‘li orqali ustunga tegdi va darvoza chizig‘i bo‘ylab dumalagancha, narigi ustun yonidan o‘tdi. "Alaves" futbolchisi to‘pni egalladi va o‘tkir burchak ostida noaniq zarba berdi.
Oradan 3 daqiqa o‘tib, kataloniyaliklar hisobni ochishdi. Faoliyatidagi 700-rasmiy o‘yinida ishtirok etayotgan Messi chiroyli gol muallifiga aylandi. Argentinalik futbolchi Neymar bilan "devor" o‘ynab oldi va 16 metrdan chap oyoqda zarba berib, to‘pni darvozaga joyladi!
Oradan yana 3 daqiqa o‘tib hisob tenglashdi. Teo Ernandes jarimadan zarba berdi va olis "to‘qqizlik"ka to‘pni "mixladi"! Bu gol Messining golidan chiroy borasida aslo qolishmadi. 1:1.
Birinchi bo‘lim so‘ngida Enrike shogirdlari bir emas, 2 ta gol urishga muvaffaq bo‘lishdi. Messi o‘ng qanotdan jarima maydonchasiga kirgan Gomeshga uzatma berdi. Andrening pasidan keyin 2-3 metrdan bo‘sh darvozani ishg‘ol qildi. Qo‘shib berilgan daqiqalarda esa Messi o‘ng qanotdan yurishni amalga oshirdi, u bir necha himoyachilardan o‘tib ketib, jarima maydonchasida ochilgan Alkaser pas berdi. Pako birga-bir vaziyatni ko‘kka sovurmadi.
"Barselona" ikkinchi 45 daqiqalikni nisbatan xotirjamroq o‘tkazdi. "Alaves" futbolchilari esa o‘zlari yaratilgan imkoniyatlardan foydalana olishmadi.
Shu tariqa, "Barelona" mavsumni Ispaniya kubogi sovrini bilan yakunlaydigan bo‘ldi. "Ko‘k-anorranglilar" uchun bu qo‘lga kiritilgan 29-Qirol kubogi bo‘ldi. Shuningdek, jamoa ketma-ket 3 mavsumdan beri sovrinni hech kimga bermayapti.
Ispaniya kubogi, final
BARSELONA - ALAVES 3:1
28 may, 00.30, «Visente Kalderon»
Gollar: 1:0 – 30 Messi, 1:1 – 33 Teo, 2:1 – 45 Neymar, 3:1 – 45 Pako Alkaser.
Barselona – Sillessen, Umtiti, Pike, Alba, Maskerano (Andre Gomesh, 11), Rakitich (Aleish Vidal, 83), Buskets, Inyesta, Neymar, Messi, Pako Alkaser.
Alaves – Pacheko, Eli, Feddal, Teo (Romero, 79), Vigaray, Markos Lyorente, Femeniya, Manu Garsiya, Mendes (Kamarasa, 59), Ibai Gomes (Sobrino, 60), Deyverson.
Ogohlantirishlar: Mendes (16), Manu Garsiya (39), Umtiti (42), Eli (49), Sobrino (76), Messi (76), Inyesta (76), Deyverson (88).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
