O‘zi faoliyat yuritgan klublarda yoshlarni asosiy tarkibga jalb qilishi bilan ham tanilgan Xosep Gvardiola “Manchester Siti”da bu borada maqtana olmaydi. Goal nashri jurnalisti Aksel Allag buning sabablarini qidirib ko‘rdi.
Buskets, Pedro, Tiago Alkantara, Koman yoki Kimmix. Bu futbolchilarning barchasi Pep Gvardiola qo‘li ostida o‘z omadlarini sinab ko‘rgan. Ro‘yxatni esa yana davom ettirish mumkin. Darhaqiqat Sanpedrolik murabbiy ko‘plab yosh iqtidor egalariga imkoniyat bergan.
Gvardiola o‘z shogirdlarining rivojlanishini qo‘llab-quvvatlagan. O‘z metodlaridan kelib chiqqan holda va shogirdining salohiyatini tushungan holda to‘g‘ri yo‘l ko‘rsata oladi. “Bavariya” va “Barselona”da ham bir qancha yosh iqtidor egalarini dunyo yulduzlariga aylantira oldi. “Murabbiy qisqa, o‘rta va uzun muddatni hisoblashi kerak. Biz uzoq muddatni o‘ylagan holda transferlarni amalga oshirayapmiz. Shuning uchun jamoamizga Sane, Sterling va Jezuslar olib kelindi. Ularning barchasi 20 yoshlar atrofida. Biz 28 yoshli futbolchini ham sotib olishimiz mumkin, biroq u nari borsa 3-4 yil yuqori saviyada o‘ynay olishi mumkin. Biz kelajak avlodni yetishtirmoqdamiz”, deya tushuntirib bergan edi « shaharliklar » ustozi.
Barchasiga Angliyadagi tizim sababchimi?
«Manchester Siti »dagi birinchi mavsumini tugatgan Gvardiola hozircha yoshlarni asosiy jamoaga o‘tkazish ishlarida sustkashlikka yo‘l qo‘ymoqda. Kalechi Iheanacho bu mavsumda Premer Ligada atigi besh bora maydonga tushgan bo‘lsa, yarim himoyachi Alesh Garsiya esa bir marta bunday imkoniyatga sazovor bo‘ldi. Tosin Adarabioyo Chempionlar Ligasida bir marta, 19 yoshli qanot himoyachisi Pablo Maffeo Angliya Liga Kubogi va Chempionlar Ligasida 3 ta o‘yinda maydonga tushdi. Yanvar oyida esa himoyachi « Jirona »ga ijaraga berib yuborildi. 21 may kuni «Uotford»ga qarshi kechgan uchrashuvdan keyingi matbuot anjumanida Gvardiola yoshlarning asosiy jamoadagi imkoniyatlari haqidagi savolga Angliyadagi tizimni sababchi qilib ko‘rsatdi : « Ular judayam yaxshi futbolchilar. Murabbiylarning oldidagi yagona muammo asosiy tarkib va yoshlar ishtirok etayotgan liga orasidagi farq, boisi jamoaning asosiy tarkibi va yoshlar bir-biriga raqobat qila olishlari kerak. Ispaniyada, « Barselona » yoki « Real » bo‘lsin, yoshlar jamoasi har dam olish kunlari 40 000 muxlis oldida o‘ynaydi. Italiya yoki Germaniyada esa yanada qiyin. Sababi u yerda yoshlar 28, 29, hatto 30 yoshli futbolchilarga qarshi o‘ynaydi. Bu rivojlanishning eng yaxshi yo‘li, sababi professional futbolchilarga qarshi mahoratlarini toblab olishlariga ehtiyoj qolmaydi. Bu yerda (Angliyada) yoshlar iqtidorli bo‘lishlariga qaramasdan, raqobatchilik qilolmaydi, o‘yin amaliyoti yuqori emas. Lekin, « Old Trafford » yoki « Stamford Bridge »da o‘ynashlariga to‘g‘ri keladi. Men ularning bir-birlari bilan qanday raqobatchilik qilishlari mumkinligini bilmayapman. Biz bunga qarshi choralar ko‘rishimiz kerak.”
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
