Bugun birinchi davraning so‘nggi turida "Navbahor" Qarshining "Nasaf" klubiga qarshi safarda o‘yin o‘tkazdi. Uchrashuv qarshiliklarning yirik g‘alabasi bilan yakun topdi.
Birinchi bo‘lim teng kurashlar ostida o‘tdi. Har ikki jamoa ko‘plab xavfli hujumlar tashkil qilib, standart vaziyatlardan foydalanishdi. Ammo, uchrashuvda hisobni ochish "ajdarlar"ga nasib etdi. 23- daqiqada Bahrom Abdurahimov o‘ng qanotdan jarima maydonimizga yorib kirib, Dragan Cheranni to‘p bilan ta’minladi. "Nasaf" hujumchisi yaqin masofadan Amanov qo‘riqlagan darvozani nishonga oldi, 1:0.
Namanaganliklarga hisobni tenglashtirish uchun raqib himoyachilari va darvozaboni imkon berishmadi. Tanaffusga qadar bu hisob saqlanib qoldi.
Uchrashuvning ikkinchi yarmi "Nasaf" ustunligida o‘tdi. Chunki 63-daqiqaga kelib "Navbahor" maydonda bir kishi kam bo‘lib qoldi. Alisher Mirzayev ikkinchi bor ogohlantirilib, o‘yinni erta yakunladi. Son jihatidan ustun bo‘lgan Ro‘ziqul Berdiyev shogirdlari so‘nggi 10 daqiqada hisobni yirik ko‘rinishga keltirishdi. Asilbek Amanov yakkama-yakka vaziyatga chiqqan Farruh Sayfiyevni to‘xtatgani uchun 81- daqiqad bosh hakam darvozamizga penalti belgiladi. 11 metrli jarima zarbasini Cheran golga aylantirdi, 2:0. Oradan bir daqiqa o‘tib zaxiradan maydonga tushgan Shahboz Erkinov "Nasaf"ning uchinchi goliga mualliflik qildi. 87-daqiqada esa Akmal Shorahmedov chamasi 32 metrlardan aniq zarba yo‘llab, o‘yinda yakuniy hisobni o‘rnatdi. Shu tariqa "Navbahor" joriy mavsumda ilk bor yirik hisobda yengildi.
"Nasaf" - "Navbahor" - 4:0 (1:0). 25 iyun. G‘uzor. "Sho‘rtan" o‘yingohi.
Hakamlar: Z. Qodirov, T. Galeev, A. Po‘latov, J. Muxtorov.
Nazoratchi: M. Ismoilov
"Nasaf": 25. Eldor Suyunov, 2. Akmal Shorahmedov, 4. Maqsud Karimov (15.SHaxboz Erkinov, 72), 6. Aziz G‘aniyev (7.Odil Hamrbekov, 82), 10. Dilshod Rahmatullayev, 18. Bahrom Abdurahimov, 22. Igor Golban, 23. Sherzod A’zamov, 27. Islom Rashidxonov (14.SHarof Muhitdinov, 73), 34. Farruh Sayfiyev, 69. Dragan Cheran.
"Navbahor": 30.Asilbek Amanov, 7.Oybek Qilichev, 8.Ravshan Xursanov (95.Timur Tolipov, 88), 17.Ilhom Boydedayev, 19.Mirzohid G‘ofurov, 20.Alisher Mirzayev, 21.A’zam Aliyev, 32.Jahongir Mehmonov, 44.Darko Stanoyevich, 77.Aziz Turg‘unboyev (25.Ilhom Aliboyev, 89), 84.Nemanya Yovanovich.
Gollar: D. Cheran (23, 81 pen.), SH. Erkinov (82), A. Shorahmedov (87)
Ogohlantirish: A. Mirzayev (54)
Chetlatish: A. Mirzayev (63, ikkinchi ogohlantirish).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
