"Manchester Yunayted" Romelu Lukaku transferi borasida "Everton" bilan kelishuvga erishdi. Ma’lumotlarga ko‘ra, futbolchining transfer narxi 75 mln funtni tashkil etadi. Bundan tashqari, shartnomada turli xil natijalar uchun qo‘shimcha 15 mln funt ham qayd etilgan. Bu xarid Angliya jamoalari o‘rtasida amalga oshirilgan eng qimmat transfer bo‘ldi.
Keling, eng qimmat chempionat jamoalari o‘rtasida amalga oshirilgan eng qimmat 10ta transferlarni yodga olamiz.
10. Dimitar Berbatov, £ 32 mln
2008 yilda yozgi transferlar oynasi yopilishidan oldian “Manchester Yunayted” “Tottenhem” bilan bolgariyalik hujumchining 32 mln funtga sotib olish borasida kelishuvga erishdi. Berbatov “MYU” safida 149ta o‘yinda maydonga tushib, 56ta gol urishga muvaffaq bo‘ldi.
9. Endi Kerroll, £ 34 mln
“Liverpul” 2011 yilda “Nyukasl”dan 22 yoshli hujumchini katta umidlar bilan 34 mln funtga xarid qilgan. Biroq futbolchi yangi jamoada ishonchni oqlay olmadi. Hujumchi 58ta o‘yinda atigi 11 marotaba o‘z nomini tabloga yozdirib qo‘ya olgan.
8. Sadio Mane, £ 35 mln
O‘tgan mavsumda “Liverpul” 35 mln funtga “Sauthempton” forvardi Sadio Maneni xarid qildi. Oradan bir mavsum o‘tgach, klub ushbu xaridni amalga oshirganidan afsuslanmasa kerak. Chunki futbolchi o‘tgan mavsumda qizillarning eng yaxshi futbolchisi deb tan olindi. U 27ta o‘yinda 13ta gol va 6ta golli uzatma muallifiga aylandi.
7. Xuan Mata, £ 38 mln
Mata 2014 yilda 38 mln funt evaziga “Chelsi” tarkibidan “MYU”ga o‘tadi. Bugunga qadar futbolchi “MYU” tarkibida 146ta o‘yinda maydonga tushib, 36ta gol va 26ta golli uzatmaga qayd etishga ulgurgan.
6. Rio Ferdinand, £ 39 mln
Ferdinand 2002 yilda “Lids”dan “MYU”ga transferi mankunianliklar 39 mln funtga tushgan. O‘z vaqti uchun bu APL ichidagi eng qimmat transfer bo‘lgan. Futbolchi “MYU” tarkibida 400dan ortiq o‘yinda maydonga tushib, 6 marotaba Angliya chempioni bo‘lgan.
5. Kristian Benteke, £ 39 mln
“Liverpul”ning ushbu transferini ham Kerollning xaridi singari omadli xarid deyish qiyin. 2015 yilda qizillar “Aston Villa” hujumchisini 39 mln funtga xarid qilishgan. Futbolchi “Liverpul” tarkibida bir mavsumni o‘tkazgan va barcha musobaqalarda 42ta o‘yinda maydonga tushib, 10ta gol kiritgan.
4. Jon Stouns, £ 47 mln
O‘tgan yozda “Everton”ning 22 yoshli futbolchisi rasman eng qimmat himoyachi unvonini Ferdinanddan tortib oldi. “Manchester Siti” himoyachi uchun 47 mln funt to‘lagan. Stouns o‘tgan mavsum Angliya chempionatining 27 o‘yinida ishtirok etdi.
3. Fernando Torres, £ 49 mln
2011 yilda “Liverpul” hujumchisining “Chelsi”ga o‘tishiga katta shov-shuvlarga sabab bo‘lgan. “Liverpul” ushbu transferdan 49 mln funt ishlab olgan bo‘lsa-da, jamoa muxlislari futbolchini kechira olmagan. Hujumchi “Chelsi” tarkibida 182ta o‘yinda maydonga tushib, 48ta gol ura olgan.
2. Rahim Sterling, £ 53 mln
“Manchester Siti” 20 yoshli qanot hujumchisini xarid qilish uchun 2015 yilda Angliya chempionati ichidagi transferlar uchun rekord darajadagi pulni to‘lagan. Bonuslarni hisobga olganda Sterlingning transferi bugungi kunga kelib 53 mln funtga yetgan. Shaharliklar tarkibida 2ta mavsumda 94ta o‘yin o‘tkazgan futbolchi 21ta gol va 31ta golli uzatma muallifiga aylangan.
1. Romelu Lukaku, £ 75 mln
“Manchester Yunayted” Lukaku transferi borasida “Everton” bilan kelishuvga erishganini tasdiqladi. Demak, rekord qayd etildi. Angliya OAV bergan ma’lumotlar ko‘ra, “MYU” Lukaku uchun 75 mln funt, shuningdek, 15 mln funt ham ehtimoliy qo‘shimcha bonuslar to‘laydi. Dunyoning eng qimmat futbolchisi Pol Pogba hamda Angliya chempionati jamoalari o‘rtasida amalga oshirilgan transferlar ichidagi eng qimmat futbolchi Romelu Lukaku jamoadosh bo‘ldi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
