«Nasaf» G‘uzorda «Sho‘rtan» jamoasi bilan nazorat uchrashuvi o‘tkazdi.
Unda asosan o‘rinbosarlar va farm klub tarkibida ko‘proq maydonga tushayotgan o‘yinchilar harakat qilishdi. Murabbiylar tomonidan kelgusida asosiy tarkibga jalb etiladigan o‘yinchilar nazoratdan o‘tkazildi.
Birinchi bo‘limda «Nasaf» maydonda ustunlikka ega bo‘ldi. Yaratilgan ko‘plab vaziyatlarning bittasi golga aylandi. 38-daqiqada tashkil etilgan hujumda Islom Rashidxonov to‘pni chiroyli tarzda Islom Kenjaboyevga oshirib berdi. Islom Kenjaboyev darvoazabon Eldor Tojiboyev bilan birga-bir vaziyatga chiqib bordi va to‘pni uning ustidan oshirib darvozaga joylab qo‘ydi – 0:1.
Birinchi bo‘lim ana shu hisobda yakun topdi.
Ikkinchi bo‘limda “Sho‘rtan” jamoasi murabbiylari ko‘proq asosiy tarkib o‘yinchilarini maydonga tushirdi. Uchrashuvning 51-daqiqasida «Nasaf» himoyachisi to‘pni qo‘li bilan o‘ynagani uchun 11 metrlik jarima belgilandi. Penaltini Igor Taran bexato amalga oshirib, hisobni tenglashtirdi – 1:1.
Uchrashuvning so‘nggi daqiqalarida Eldor Boymatov gol urib, mezbonlar g‘alabasini ta’minladi.
“Nasaf” navbatdagi nazorat uchrashuvini 17 iyul kuni Toshkentda “Navbahor” jamoasi bilan o‘tkazadi.
Nazorat o‘yini
14.07.2017. “G‘uzor” markaziy stadioni.
“Sho‘rtan” (G‘uzor) – “Nasaf” (Qarshi) - 2:1 (0:1)
Gollar: Igor Taran (51 pen), Eldor Boymatov (86) – Iclom Kenjaboyev (38)
Hakamlar: Firdavs Norsafarov, Artyom Kalinin, Farxod Usmonov (barchasi Qarshidan)
Nazoratchi: Asror Xo‘jayev (Qarshi)
“Sho‘rtan”: 1.Eldor Tojiboyev, 4.Nurali Padarov, 3.Mirmuhsin Sattorov, 10.Xasanboy Ergashev, 29.Akrom Baxromov, 22.SHamsiddin Sagdullayev, 7.Olim Karimov, 23.YUsuf Bo‘riyev, 20.SHahzod Xursanov, 17.G‘ulom Rahmonov, 11.Jasur Xolto‘rayev.
Zaxiradan maydonga tushganlar: 93.Alibek To‘ropov, 27.Evgeniy Kochnev, 15.Obid Jo‘raboyev, 14.Umar Eshmurodov, 18.Eldor Boymatov, 77.Otabek Narzullayev, 2.Sunnatillo Mamadaliyev, 19.Ma’rufxon Murodov, 12.Doston Abduraxmonov, 88.Abbos Amonov, 9.Igor Taran.
“Nasaf”: 44.Muzaffar Sharipov (35.Abduvohid Ne’matov 78), 5.G‘olib G‘aybullayev, 6.Akmal Mozgovoy (14.Dadajon Mamatqulov 78), 7.Dilshod Saitov, 10.Islom Rashidxonov (16.Xudoyorxon Sagdullayev 62), 18.Sirojiddin Qo‘ziyev (4.Otabek Komiljonov 70), 28.Sardor Sa’dullayev (15.Navro‘z Izatillayev 57), 32.Islom Kenjaboyev (22.Oybek Bozorov 65), 34.Ilhomjon Alijonov, 38.SHerzod Nasrullayev, 45.Dilshod Xushbakov (33.SHohmalik Komilov 78).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
