«Barselona» Ispaniya chempionatining 2-turi doirasida «Alaves» mehmoni bo‘ldi hamda oson bo‘lmagan g‘alabani qo‘lga kiritdi.
Mezbonlar nomdor raqib jiddiy qarshilik ko‘rsatishdi. Hattoki bir nechta qulay imkoniyatlardan foydalana olishmadi. Birinchi bo‘limda Sobrino birga-bir vaziyatdan foydalana olmadi: Ter Shtegen zarbani qaytardi.
O‘yinning 39-daqiqasida esa Messi penaltidan samarali foydalana olmadi: "Alaves" darvozaboni burchak tomon yo‘llangan kuchli zarbani bartaraf etdi.
Ikkinchi bo‘lim boshida "Alaves" hujumchisi yana bir qulay imkoniyatni ko‘kka sovurdi. Shundan so‘ng katta sahnaga Lionel Messi chiqdi va raqib darvozasini 2 marta ishg‘ol qilishga muvaffaq bo‘ldi.
Shu tariqa, Valverde jamoasi ikkinchi o‘yinni ham 2:0 hisobida o‘z foydasiga hal qildi va o‘z ochkosini 6taga yetkazib oldi.
Ispaniya La ligasi, 2-tur
Alaves – Barselona 0:2 (0:0)
Gollar: 0:1 – 55 Messi, 0:2 – 66 Messi.
Alaves – Pacheko, Ruano, Eli, Vigaray, Pedrasa, Pina, Manu Garsiya, Romero, Mubarak (Zidan, 77), Ibai Gomes (Burgi, 67), Sobrino (Santos, 78).
Barselona – ter Stegen, Pike, Alba, Aleish Vidal (Pako Alkaser, 57), Umtiti, Inyesta (Paulinyo, 88), Buskets, Serdji Roberto, Rakitich, Deulofeu (Denis Suares, 71), Messi.
Ogohlantirishlar: Umtiti (32), Mubarak (36), Eli (38), Serdji Roberto (41), Pike (45).