2015 yili «Xaddersfild» sport direktori lavozimiga tayinlangan Styuart Uebber klubdagi «pillapoya»ni to‘liq yangilash lozimligini tushundi.
«Rostini aytsam, bu jamoaning o‘yini shu qadar zerikarli ediki, shaxsan men uning o‘yinlarini ko‘rish uchun 350 funtga mavsumiy abonement sotib olmasdim. Yangi murabbiy bilan yangicha ish uslubini yo‘lga qo‘yishimiz talab etilardi», - deya eslaydi hozirga kelib «Norvich»da ish boshlashga ulgurgan Uebber.
Darhaqiqat, Styuartning iqtidorlarni topish salohiyatiga tan berish lozim. U o‘z vaqtida «Liverpul» skauti sifatida Rahim Sterlingning «qizillar» safiga qo‘shilishini ta’minlagandi.
Xullas, «Xaddersfild»dagi o‘zgarishlar davri uchinchi bundesligadan yuqori divizionlarda ishlamagan Devid Vagner hissasiga to‘g‘ri keldi. G‘alati, deysizmi, unda muzokaralar qanday o‘tganidan xabar topsangiz, nima deysiz? Uebber Vagner bilan uch soat gaplashdi: ham «Xaddersfild»ning taktikasi muhokama qilindi, ham tamaddi. «U stol ustidagi kosadan shokoladli mayizni olib, undan 4-2-3-1 taktik sxemasini yasadi va markaziy himoyachilardan birining nima qilishi kerakligini tushuntirdi. Bu murabbiyning qandaydir yutuqlarga erishishi mumkinligini ko‘nglim sezib turardi», - deydi Uebber o‘sha suhbatni yodga olarkan.
Bir kun o‘tib Vagner rafiqasiga yangi chorlov va boshqa yerga ko‘chib o‘tishini bildirdi, ayol esa birgina savol bilan kifoyalandi: «Umuman, Xaddersfild qayerda o‘zi?». Klubga chaqirilishidan avval Devid ham buni bilmasdi. Ammo bir yarim yildan so‘ng APL xaritasiga yangi nuqta o‘rnatdi. Shunaqa, hammasi shokoladli mayizdan boshlangan.
Devid Vagnerning futbolchilik faoliyati kamtarona kechdi. «Shalke»dagi ikki yil va Germaniyaning autsayder jamoalaridagi faoliyatdan tashqari, AQSH termasidan chaqiruv olganini eslash mumkin. Aynan millionlar o‘yini tufayli Devidning hayotidagi asosiy tanishuv ro‘y berdi - u Yurgen Kloppni uchratdi.
Hozirda ular ikki tomchi suvdek bir-birlariga o‘xshashadi: mayin soqol, ko‘zoynak, beysbolka, tashqi ko‘rinish shu qadar bir xilki, hatto Vagnerning qizi otasini germaniyalik mutaxassis bilan adashtirib qo‘ygan. O‘tgan asrning 90-yillarida bu murabbiylar «Mayns» bazasidagi xonada birga yashashgan. «Kloppni rafiqamdan ham yaqinroq taniyman. To‘rt yil mobaynida Yurgenni xonada chekmaslikka chaqirdim, ammo u o‘z bilganidan qolmasdi», - deya eslaydi Vagner.
Ammo Davomi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
