Mana, Ueyn Runi futboldagi samarali yurishining oxirgi yillarini yana «Everton»ga bag‘ishlashga qaror qildi.
Darhaqiqat, katta yulduzlar uchun oxirida ilk qadamlariga guvoh bo‘lgan qadrdon klublariga qaytish eng go‘zal variant hisoblanadi.
Axir muxlislar yillar davomida o‘z kumirlarini yana sevimli jamoalari libosida ko‘rishni orzu qilishadi. Ha, «Real Sosyedad» fanatlari Xabi Alonsoni kuta-kuta charchashdi, Tyerri Anri esa futbol bilan uzoq Nyu-Yorkda xayrlashib qo‘ya qoldi...
Ammo buyuk futbolchining faoliyati yakunida qadrdon klubiga yordam berishni xohlaganiga dalolat bo‘luvchi ta’sirsan tarixlar yetarli. Oxirgi yorqin misol - aynan Ueyn Runi.
Vaqtida «Everton»dan iqtidorli o‘smir sifatida ketgan «shrek» jamoaga butun Angliya futbolining tirik afsonasi maqomida qaytdi.
Football.ua sayti ijodkorlari Ueynga omad tilagan holda, barchasiga ilk klublarida xotima yasashni ma’qul ko‘rgan eng mashhur futbolchilar tarixini yodga olishdi.
Xenrik LARSSON - «Xegaborg»
Faoliyati avvalida: 64ta o‘yin, 23ta gol
Faoliyati oxirida: 2ta o‘yin
Kamtarin «Xegaborg» buyuk Xenrik Larssonni tarbiyalagani bilan e’tibor qozondi. Shved to‘purari sermahsul faoliyatining ilk 4 yilini aynan shu klubda o‘tkazgandi. Diqqatga sazovor tomoni shuki, «Xegaborg» yarim professional maqomiga ega edi va Larsson futboldan bo‘shagan vaqtda boshqa ishlar bilan ham shug‘ullanardi. Umuman olganda, shved hujumchisi ancha kech «ochildi», shunga qaramay, faoliyatining yakuniy bosqichida «Barselona» va «MYU» kabi top-jamoalarda o‘ynadi. Oradan naq 21 yil o‘tgach, Larsson «Xegaborg» safida yana 2 marta maydonga tushdi. Bu vaqtda u 42 yoshni urib qo‘ygandi. Xullas, tan olingan goleador futboldagi so‘nggi o‘yinlarini kamtarin jamoa libosida o‘tkazib, keng jamoatchilik uchun notanish sanalgan klublar ustidan qozonilgan g‘alabalarni tantana qildi.
Fakt. Oxirgi 2ta o‘yindan biri Xenrik uchun alohida ahamiyatlidir. Zero, shved yulduzi unda o‘z o‘g‘li - Jordan bilan birga to‘p surgan.
Xuan Roman RIKELME - «Argentinos Xuniors»
Faoliyati avvalida: -
Faoliyati oxirida: 18ta o‘yin, 5ta gol
Rikelme haqida gap borganida, ko‘pchilik asosan 2ta klub - «Boka Xuniors» va «Vilyarreal»ni esga oladi. Har holda, argentinalik hujumchi ulardan birinchisida faoliyatining katta qismini olib bordi, ikkinchisida esa futboldagi eng yaxshi damlarini boshdan kechirdi. O‘smirlik chog‘i esa «Argentinos Xuniors» safida shug‘ullangandi. To‘g‘ri, Xuan Roman boshida bu jamoaning biror rasmiy o‘yinida ishtirok etgan emas. Fakt shuki, u faoliyati ufqqa yaqinlashgan payt «Argentinos»ga qaytib, rosa bir mavsum to‘p surdi.
Fakt. 18ta o‘yin va 5ta gol - Rikelme xayrlashuv mavsumida ancha munosib natija ko‘rsatib (albatta, o‘z yoshiga nisbatan olganda), futbol bilan xotirjam xayrlashdi.
Daniel AGGER - «Brondbyu»
Faoliyati avvalida: 34ta o‘yin, 5ta gol
Faoliyati oxirida: 43ta o‘yin, 2ta gol
«Liverpul» muxlislari Aggerga har doim katta hurmat bilan qarashgan. Chunonchi, daniyalik himoyachi «qizillar» safida hamisha jonkuyarlik qildi, yuksak sadoqat namunasini ko‘rsatdi. Aniqroq aytsak, Daniel «Liverpul» tarkibida 8 yil to‘p surdi. 30 yoshga to‘lgach esa, «Bron-dbyu»ga qaytdi va yana 2 yildan so‘ng butsasini mixga ildi. Aggerning o‘zi futboldan ertaroq ketish qarorini jarohatlar bilan bog‘ladi. Ya’ni og‘riqlar haddan ortiq qiynagach, u bundan boshqa chora topolmagan...
Fakt. «Brondbyu» Daniya futbolida sovrinlarga doimiy da’vogarlardan biri sanaladi. Biroq Aggerning qaytishi kutilgan samarani bermadi. Xullas, faoliyati startida Daniya kubogi va superkubogini yutgan faxriy himoyachi oxirgi mavsumda biror sovrin yutolmadi.
Rui KOSHTA - «BENFIKA»
DAVOMI
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
